Jeremiah 26:16 - Tedim Bible

¹⁶ Tua ciangin kumpi uliante leh mi khempeuhte in siampite leh kamsangte tungah, “Hih pa in Topa in Pasian’ min tawh thu hong gen ahih manin sihdaan piak tuak lo hi,” a ci uh hi.

Tedim Bible Revision 2017

¹⁶ Tua ciangin kumpi uliante le mi khempeuhte in siampite le kamsangte tungah, “Hih pa in eiteʼ Topa Pasianʼ min tawh thu hong gen ahih manin thah ding kilawm lo hi,” a ci uh hi.

Jeremiah 26:16 Referans Kwoze

Sawltak 23:29

A kithahna ding ahi zongin, thong sungah a kikhum nading ahi zongin a kilawm a khialhna hang ahi lo, amau thukham thu bek in a mawhsak uh hi cih ka thei hi.

Sawltak 23:9

Tua ciangin gamlumna piang a, Farisai-te laka laitheite kimkhat ding-in nakpi-in a nial uh a, “Hih pa tungah bangmah mawhna ka mu kei uh hi. Kha ahi zongin, vantungmi ahi zongin ama kiangah a gen leh, bang phamawh ahi hiam?” a ci uh hi.

Sawltak 25:25

Amah in sihna thuak ding akilawm mawhna ahih loh ka thei a, kumpi lianpa kiangah azukhan nuam ahih ciangin, a pai nading thu ka khensat hi.

Jeremiah 36:25

Elnathan leh Delaiah leh Gemariah te in kumpipa’ kiangah laizial a hal loh nading a khoh uh hangin amah in a mang kei hi.

Jeremiah 36:19

Tua ciangin kumpi uliante in Baruk’ kiangah, “Pai in la, nang leh Jeremiah va bu un. Na omna mun-uh kuamah thei sak kei un,” a ci uh hi.

Luka 23:47

Galkap mangpa in tua thu piangte a muh ciangin, “Hih pa in mi diktat mi ahi hi,” ci-in Pasian’ min a phat hi.

Luka 23:41

Eite in thuman thu tanna i thuak hi. Bang hang hiam na cih leh, eite’ hihna tawh kituak i thuak hi. Hih pa ahih leh, bangmah mawhna a bawl kei hi,” ci-in a lawmpa a taai hi.

Mattiu 27:54

Zeisu a cing galkap mangpa akipan amah tawh a omkhawmte in ziin liing a muh uh ciangin lau mahmah uh a, “Hih pa in Pasian’ Tapa taktak ahi hi,” a ci uh hi.

Jeremiah 26:11

Tua ciangin siampite leh kamsangte in kumpi uliante leh mi khempeuhte’ kiangah, “Note in na bil uh tawh na zak ciat uh mah bangin hihpa in hih khuapi langpan’in thu hilh ahih manin sihdaan piak tuak hi,” a ci uh hi.

Paunak 16:7

Topa’ deih bang-a gamtatna in, galte nangawn lawm-a kaih zawhna hi.

Esther 4:14

Hih bang hunin bangmah hih lo-in na om cip leh, Judah mite’ suahtak nading leh noptuam nading thu mun dang khat pan hong piang veve ding a, ahi zongin nangmah leh na innkuanpihte i si mang ding uh hi. Hih kumpi inn na tun’na pen hih bang hun-a mah dinga tung na hih mel zong kua’n thei ahi hiam?” a ci hi.

Jeremiah 34:10

Mi khempeuh in a silate uh numei ahi zongin, pasal ahi zongin khah khia-in sila-in khawi kik thei nawn lo ding hi, ci-a thuciamna a nei kumpi uliante-a kipan mi khempeuh in mang uh a, a khahkhia uh hi.

Jeremiah 37:15

Kumpi uliante zong Jeremiah tungah heh mahmah uh a, a sat khit uh ciangin thong ding a, a kizang sa, kumpi thuvanpipa Jonathan’ innah thong a kia sak uh hi.

Late 94:16

Kei adingin migilote do dingin kua kipan ahi hiam? Kei adingin siatna bawlte’ lang khatah kua ding ahi hiam?