Jeremiah 26:11 - Tedim Bible

¹¹ Tua ciangin siampite leh kamsangte in kumpi uliante leh mi khempeuhte’ kiangah, “Note in na bil uh tawh na zak ciat uh mah bangin hihpa in hih khuapi langpan’in thu hilh ahih manin sihdaan piak tuak hi,” a ci uh hi.

Tedim Bible Revision 2017

¹¹ Tua ciangin siampite le kamsangte in kumpi uliante le mi khempeuhteʼ kiangah, “Note in na bil uh tawh na zak ciat uh mah bangin hih pa in hih Jerusalem khuapi langpangin thu hilh ahih manin thah ding kilawm hi,” a ci uh hi.

Jeremiah 26:11 Referans Kwoze

Jeremiah 38:4

Tua ciangin kumpipa’ uliante in kumpipa’ kiangah, “Hih mipa i thatlum ding hi. Bang hang hiam cih leh hih thute a gen manin hih khuapi sunga a om lai galkapte leh mi khempeuhte lungkia sakin thazaw sak hi. Hih mipa in i gam mite’ phattuam nading zong loin a gim ngah nading uh a zong zaw hi,” a ci uh hi.

Mattiu 26:66

Bangci ngaihsut na hi uh hiam? a ci hi. Amau in, “Hih mipa thahlup dingin a kilawm hi,” a ci uh hi.

Thu-hilhkikna 18:20

Ahih hangin keimah in thu gen dingin thu pia lo napi-in keima min tawh thu a gen kamsangpa hita leh pasian dangte’ min tawh thu a gen kamsangpa hita leh, tua bang kamsangte si ding hi,’ hong ci hi.

Sawltak 22:22

Hih thute a gen khit dongin amaute in a ngai uh hi. Tua ciangin, “Hih bang mipa, leitung pan paaikhia mang un’. Amah a hing dingin a kilawm kei hi!” ci-in nakpi-in a kiko uh hi.

Johan 19:7

Tua ciangin Judah mite in, “Kote in thukhamna ka nei uh hi. Tua thu tawh kituakin hih pa si dingin kilawm hi. Bang hang hiam na cih leh, amah in, ‘Pasian’ Tapa ka hi hi,’ a ci hi,” ci-in a gen uh hi.

Johan 18:30

Amaute in, “Hih pa migilo hi kei leh, nang kiangah kong pia kei ding uh hi,” a ci uh hi.

Jeremiah 18:23

Ahih hangin Topa aw, amaute in thah dinga a hong sawmna uh nang na thei hi. Amau’ khialhna na maisak kei in la, nangma’ muhna panin amau’ mawhnate phiatmang sak kei in. Nangma’ mai-ah amaute guallelsak in la, na heh ni mahin hih ek in.

Jeremiah 26:16

Tua ciangin kumpi uliante leh mi khempeuhte in siampite leh kamsangte tungah, “Hih pa in Topa in Pasian’ min tawh thu hong gen ahih manin sihdaan piak tuak lo hi,” a ci uh hi.

Thukhente 6:30

Tua ciangin tua khua mite in Joash kiangah, “Na tapa in Baal biakna tau phel khia-in a gei-a om Asherah milim phuk ahih manin a sih theih nadingin amah hong pai khiatpih in,” a ci uh hi.