Jeremiah 25:3 - Tedim Bible

³ “Amon’ tapa Josiah, Judah gamah kumpi a suah zawh a kum sawm leh thum kum pan tu ciang dong kum sawmnih leh kumthum sung Topa in kei hong hopih a, ke’n zong note kiangah kong gen sawn tawntung hangin note in na ngai kei uh hi.

Tedim Bible Revision 2017

³ “Amonʼ tapa Josiah, Judah gamah kumpi a suah zawh a kum sawm le kum thum pan tu ciang dong kum sawm nih le kum thum sung Topa in kei hong hopih a, keʼn zong note kiangah kong gen sawn tawntung hangin note in na ngai kei uh hi.

Jeremiah 25:3 Referans Kwoze

Jeremiah 26:5

note in a thu na man’ ngei loh uh ahi, kong sawl zelzel ka nasem kamsangte’ thu na thupisim kei uh leh

Jeremiah 11:7

Bang hang hiam cih leh na pute na pate uh tungah Izipt gam pana ka lakkhiat pan-a kipan tuni ciang dong ka thu hong mang un, ci-in tam veipi, nakpi takin ka hilh ngitnget hi.

Jeremiah 1:2

Amon’ tapa Josiah, Judah gamah kumpi a suah zawh kum sawm leh kum thum a cin’ kum-in Topa in Jeremiah a hopih hi.

Jeremiah 7:13

Tu-in zong, hih nate khempeuh na hih uh a, kong gengen hangin hong ngai tuan loin kong sap hangin hong dawng lo na hih manun, Topa in kong cih-inah,

Jeremiah 29:19

Bang hang hiam cih leh, Topa in kong cih-inah, ka nasem ka kamsangte’ tung tawnin kong puak ngitnget thute amaute in thupisim loin a hong mang kei uh hi.

2 KHANG TANGTHU NIHNATE 34:8

Tu-in ama uk a kum sawm-le-giatna, gam leh inn a sian’sak khit ciangin, Topa a Pasian’ inn a puah dingin amah in Azaliah’ tapa Shafan leh khuapi sung ukpa Ma-aseiah, leh thuciamtehpa ahi, Joahaz’ tapa Joah sawl hi.

2 KHANG TANGTHU NIHNATE 34:3

Bang hang hiam cih leh ama uk a kum giatna sung, amah naupang ahih laipi mahin, amah in a pu David’ Pasian zon’ ding kipan hi; a kum sawm-le-nihna ciangin amah in Judah leh Jerusalem panin mual dawn a, biak piaknate, Asherah milimte, leh a kiseek leh a kisung milimte beisiang sak ding kipan hi.

2 TIMOTI NIHNA 4:2

Pasian thu hilh in, a hun a om zongin a om kei zongin hahkatin mawhna lakin, taai in; lungnemna khempeuh tawh thu hilhin hansuah in.

Johan 8:47

Pasian tawh a kipawlte in Pasian’ thu a ngai thei hi. Note in Pasian tawh kipawl lo na hih uh ciangin ka thu na ngai kei uh hi,” ci-in a gen hi.

Johan 8:2

Zingsang tungin biakna innpi-ah a paikik leh, mi khempeuh ama kiangah hong pai uh a, Zeisu in tua mite thu a hilh hi.

Marka 1:35

Zingsang khua a vak ma-in Zeisu tho a, gampa lakah paikhia a, tua san takah thu a ngen hi.

Jeremiah 44:4

Ahih hangin note kiangah ka nasem kamsangte khempeuh kong sawl a, ‘Ka muhdah hih a kihhuai na na hih nawn kei un,’ ci-in kong gensak tawntung hi.

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna-uh panin kihei un la, na gamtat hoihlote uh kipuah pha un. pasian dangte nung delh loin, ama’ na na sep kei uh leh note leh na pute na pate’ kianga kong piak gam sungah na teeng ding uh hi,’ ci-in hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Jeremiah 25:4

Topa in ama’ nasem ahi kamsangte khempeuh hong sawl tawntung hi napi-in note in ngai loin na bil uh na dawh kei uh hi.

Isaiah 55:2

An ahi lo nate’ adingin bang hangin na sum uh zang a, hong gilvah sak thei lo nate adingin bang hangin na sem na hi uh hiam? Keima thu lim takin ngai-in, a hoih nate ne un la, an limte ah nuamsa-in om un.

Late 81:13

Ka mite in ka thu hong ngai-in, ka deih bangin Israel gamta leh pawh!

1 KUMPI MASATE 22:3

Tua ciangin Israel kumpipa in a nasemte kiangah, “Ramoth-gilead eima’ aa hi a, eite pau loin om-in Siria kumpipa khut sung panin i lakkhiat lohna thu na thei uh hiam?” a ci hi.

Paikhiatna 8:20

Tua ciangin Topa in Moses' kiangah, ‘Zingsangin tho baihin amah gun-ah hong pai ding Faro ngak in, ama' kiangah, ‘Topa in hih bangin ci hi, “Amaute in keimah a hong biak theih nadingun ka mite paisak in.

Piancilna 22:3

Tua ahih ciangin zingsangin Abraham tho baih a, a la tutphah vawhin, ama' mihingte tangval nih leh a tapa Isaak paipih hi; amah in meihal biak piak nadingin sing ek a, ama' tunga Pasian’ gen sa munah pai hi.

2 KHANG TANGTHU NIHNATE 34:1

Josiah in uk ding a kipatin kum giat pha a, amah in Jerusalem ah kum sawmthum-le-khat sung uk hi;

2 KHANG TANGTHU NIHNATE 36:15

A mite leh ama teen’na mun khasiat ahih manin amau’ pute pate’ Pasian, Topa in a kamtaite amaute kiangah sawl teitei hi;

Jeremiah 7:25

Na pu na pate uh Izipt gam pan-a a hong paikhiat ni uh-a kipan tu ni ciang dong, ni khat khit ni khat, ka nasemte ahi kamsangte ka sawl tawntung a,

Jeremiah 32:33

Amaute in kei hong nung ngat-in hong thudon lo uh a, ka hilh tawntung hangin ka hilhna a hong mang kei uh hi.

Jeremiah 35:14

Rekhab’ tapa Jonadab in a tate’ tunga leenggahzu a dawn loh nading uh a thupiakna a zui uh a, tuni ciang dong bangmah a dawn kei uh hi. Bang hang hiam cih leh amaute in a pa uh’ thupiakna a mang uh hi. Keimah in note kong hopih tawntung hangin ka thu nong mang kei uh hi.

Jeremiah 36:1

Josiah’ tapa Judah kumpipa Jehoiakim a maan’ zawh kum li a phak kumin Topa in Jeremiah hopih a:

Jeremiah 36:2

“Laizial khat la in la, tua sungah Josiah kumpi a suah kum, nang kong hopih masak hun-a kipan tuni ciang dong Israel gam, Judah gam leh gamdang khempeuhte’ lang khatah ka thugente khempeuh gelh in.

2 KUMPI NIHNATE 17:13

Ahi zongin Topa in kamsangte khempeuh leh thu-mu-te khempeuh tung tawnin Israel leh Judah hilhkhol a, “Na pu na pate uh ka thupiak thukhamte khempeuh, leh kamsangte ahi ka nasemte tung tawnin note kiangah thu kong puak bangin na gamtat siate panun kihei-in ka thupiaknate leh ka thukhamte zui un,” a ci hi.

2 KHANG TANGTHU NIHNATE 24:19

Ahi zongin Topa’ lamah amaute a paipih kik dingin amah in amaute lakah kamsangte puak hi; hihte in amau lang khatah teci pang a, ahih hangin amaute in don lo uh hi.

Jeremiah 19:15

“A vanglian Topa, Israel mite’ Pasian in a cih-inah, En un, hih khuapi leh a kim-a khuaneute’ tungah ka gensa siatna khempeuh ka tung sak ding hi. Bang hang hiam cih leh amaute in a lung uh a khauhsak uh a, ka thute a ngai nuam kei uh hi, a ci hi,” ka ci hi.

Jeremiah 22:21

Na daupai laitak-un kong hopih hangin na hong ngai nuam kei uh hi. Na neu tung-ua kipan nong tua cih ngitnget uh a, ka thu nong mang ngei kei uh hi.

Ezekiel 33:4

Mi khatpeuh in tua patau kohna za napi-in don loin om mawk a, a galte hong pai-in tua mipa a thah leh, ama sihna sisan pen amahmah ngawh ding ahi hi.

Zekhariah 1:4

Na pu na pate uh bang nawn kei un. Nidanga kamsangte in amaute kiangah ka thu gen uh a, gamtatsia gamta loin, a mawh nawn lohna ding uh hilh uh hi. Ahi zongin amaute in ka thu ngai nuam loin, ka thu hong mang lo uh hi.