Jeremiah 25:12 - Tedim Bible

¹² Kum sawmsagih a cin’ khit ciangin Topa in kong cih-inah, Babilon kumpipa leh a gam amau’ mawhna hangin daan ka tat ding a, tua gam a tawntungin gam simtham ka suaksak ding hi.

Tedim Bible Revision 2017

¹² Kum sawm sagih a cin khit ciangin Topa in kong cih in ah, Babylon kumpipa le a gam amauʼ mawhna hangin gim ka pia dinga, tua gam a tawntungin gam simtham ka suaksak ding hi.

Jeremiah 25:12 Referans Kwoze

Daniel 9:2

Amah kumpi a suah zawh a kum masa kumin keimah Daniel in, Topa in kamsang Jeremiah tunga Jerusalem kum sawmsagih sung kisia ding hi, ci-a a genna laibute simin, tua thute ka ngaihsun hi.

Isaiah 13:19

Khaldel mite’ vangliatna leh kiphatsakpih, kumpigam a minthang bel Babilon khua pen Pasian in Sodom leh Gomorrah a siatsak lai hun bang ding hi.

Jeremiah 29:10

“Topa in kong cih-inah: Babilon khua-ah kum sawmsagih na om khit uh ciangin, note kong kan kik ding a, kong kamciamna sa hong tangtung sakin, hih munah kong la kik ding hi.

Isaiah 14:23

Simbute’ om nadingin tua khuapi bawlin, bualtui ka suaksak ding a, siatna munphiah tawh ka phiat khia siang ding hi,” Vanglianpen Topa in ci hi.

Ezekiel 35:9

A gamkhingin kong bawl paisuak ding a, na khuapite sungah kuamah teeng kik nawn lo ding hi. Tua ciangin Topa ka hihna thu na thei ding hi.

Jeremiah 25:14

Bang hang hiam cih leh gam tampi leh kumpi liante in amaute salin a man ding uh a, amau’ gamtatna amau tungah ka thukkik ding hi.”

Jeremiah 23:2

Tua ahih manin ka mipihte a kem gam ukte tawh kisai-in Topa, Israel mite’ Pasian in hong gen-inah, “Note in ka mite kikhenthang sakin na hawlkhia mang uh a, amaute na don kei uh hi. En un, Topa in kong cih-inah, na gamtat siate uh hangin daan kong pia ding hi.

Isaiah 46:1

Bel pasian puksukin, Nebo pasian kunsuk a, tua milimte pen ganhing leh bawngte tungah kipua hi; note’ puak hih nate pen, a gim mahmah ganhingte tungah vangik om bangin note’ tungah hong gik hi.

Isaiah 20:1

Assiria kumpipa Sargon in a sawl galkap mang lian penpa in Filistia khuapi Ashdod-ah pai-in, tua khua va do hi.

Isaiah 15:6

Nimrim lui tuite kang hi; lopa keu-in, ankungte beita a, lopa hing om nawn lo hi.

2 KUMPI NIHNATE 24:1

Ama hun sungin Babilon kumpipa Nebukhadnezzar hong kuanto a, Jehoiakim kum thum sung ama nasem suak hi; tua ciangin Jehoiakim in amah lehdo hi.

2 KHANG TANGTHU NIHNATE 36:22

Tu-in Persia kumpipa Sairas’ kum khatna kumin, Jeremiah’ kam pana Topa’ thugen a tangtun’ theih nadingin, Topa in Persia kumpipa Sairas’ lungsim hanthawn a, amah in a kumpigam sung khempeuh ah taangkona khat bawl a, lai-in zong gelh hi.

Late 137:8

Mi a susia, Babilon aw, kote tunga nong bawl bangin nang tungah hong thukpa in lungdamna ngah ta hen!

Isaiah 33:1

Hong kisusia nai lo, mi a susiapa aw, gimna a ngah ding na hi ta hi. Kuamah in hong khem nai loh mi khempa aw, gimna a ngah ding na hi ta hi. Na suksiat nawn loh ciangin nang hong kisusia ding a, na khem nawn loh ciangin nang hong kikhem ding hi.

Jeremiah 27:7

Ama’ gam kisiat hun a tun’ mateng gam khempeuh in amah-a kipan a tapa leh a tupa’ na a sepsak ding uh hi. Tua khit ciangin gam tampi leh kumpi liante in amah salin a leh neih kik ding uh hi.

Jeremiah 27:22

Tuate Babilon khua-ah kipuakhia ding a, ka kan mateng tua lai-ah a om suak ding hi. Tua khit ciangin tute ka la kik ding a, hih munah ka koih kik ding hi, Topa in kong ci hi,” ci-in ka gen hi.

Habakkuk 1:17

Amaute in a namsau uh zangin, hehpihna mel nei loin mi thatthat ding uh ahi hiam?