Jeremiah 25:11 - Tedim Bible

¹¹ Gamsung khempeuh kisia-in gam simtham suak ding a, hih mite khempeuh kum sawmsagih sung Babilon kumpipa’ sal-in a om ding uh hi.

Tedim Bible Revision 2017

¹¹ Gam sung khempeuh kisia-in, gam simtham suak dinga, hih mite khempeuh kum sawm sagih sung Babylon kumpipaʼ salin a om ding uh hi.

Jeremiah 25:11 Referans Kwoze

Daniel 9:2

Amah kumpi a suah zawh a kum masa kumin keimah Daniel in, Topa in kamsang Jeremiah tunga Jerusalem kum sawmsagih sung kisia ding hi, ci-a a genna laibute simin, tua thute ka ngaihsun hi.

Zekhariah 1:12

Tua ciangin Topa’ vantungmi in, “Vanglianpen Topa aw, Jerusalem khuapi leh Judah gam khuapite tungah kum sawmsagih sung na heh khin ta hi. Amaute hehpih loin bang tan vei om lai ding na hi hiam?” ci hi.

Zekhariah 7:5

“Gam sung mi khempeuh leh siampite tungah hih bangin gen in: Amaute in a beisa kum sawmsagih sung kha ngana leh kha sagihna sungin an tangin a kahna uh, kei hong pahtawina uh hi lo hi.

Jeremiah 25:12

Kum sawmsagih a cin’ khit ciangin Topa in kong cih-inah, Babilon kumpipa leh a gam amau’ mawhna hangin daan ka tat ding a, tua gam a tawntungin gam simtham ka suaksak ding hi.

Jeremiah 4:27

Bang hang hiam cih leh Topa in, “Gam buppi gamlak suak ding a, ahih hangin ka susia suak sam kei ding hi.

Siampi Laibu 26:32

Keimah in leitang ka siasak ding a, tua tungah a teeng na galte un lamdang sa ding uh hi.

Isaiah 5:6

Lo khul-in ka bawl ding hi; kipuah loin, kikho lo ding a, lingkung leh lingte khang ding hi; ama tungah meiite in zong guah a zuksak loh nadingin thu ka pia ding hi.

Jeremiah 27:22

Tuate Babilon khua-ah kipuakhia ding a, ka kan mateng tua lai-ah a om suak ding hi. Tua khit ciangin tute ka la kik ding a, hih munah ka koih kik ding hi, Topa in kong ci hi,” ci-in ka gen hi.

Jeremiah 28:14

Bang hang hiam cih leh a vanglian Topa Israel mite’ Pasian in kong gen-inah: Hih gam khempeuhte’ ngawngah sik hakkol ka thuah khin zo a, amaute in Babilon kumpipa Nebukhadnezzar’ na a sem ding uh hi. Bang hang hiam cih leh gamsate nangawn ama’ tungah ka pia khin zo hi,’ va ci in,” a ci hi.

Jeremiah 29:10

“Topa in kong cih-inah: Babilon khua-ah kum sawmsagih na om khit uh ciangin, note kong kan kik ding a, kong kamciamna sa hong tangtung sakin, hih munah kong la kik ding hi.

Jeremiah 43:10

Tua ciangin amaute kiangah, “A vanglian Topa, Israel mite’ Pasian in hong gen-inah: En un, Keimah in ka nasempa ahi Babilon kumpipa Nebukhadnezzar ka la ding a, hih ka suang phumte’ tungah ama’ kumpi tokhom a phut ding a, tuate tungah a kumpi puanbuk a lam ding hi.

Jeremiah 44:22

Topa in na hoihlohnate uh leh na bawl uh kihhuainate hangin no hong thuak zo nawn lo hi. Tua ahih manin tuni mahmah-in zong na gam uh gamlak suak khin a, mite’ kihaamsiatna suakin kuamah teeng nawn lo hi.

Micah 7:13

Ahi zongin a tunga teeng mite’ gitlohna hangin, leitung in sehnel gamkhing suak ding hi.

2 KHANG TANGTHU NIHNATE 36:20

Amah in namsau panin a suakta mite Babilon ah salin la a, Persia kumpi in a uk hun mateng amah leh a suan leh khakte’ nasem a suak uh hi.

Jeremiah 4:26

Ka et leh, logam leihoih teng sehnel gam suak khin-a, Topa’ mai leh a hehna lianpi mai-ah, khuapi khempeuh kisia khin uh hi.

Jeremiah 25:38

Topa’ namsau hangin ahi zongin a lauhuai ama’ hehna hangin ahi zongin, amau’ gam in gam simtham suak khin ahih manin humpi in a kua a nusiat bangin Topa in a mite a nusia zo hi.

Jeremiah 27:7

Ama’ gam kisiat hun a tun’ mateng gam khempeuh in amah-a kipan a tapa leh a tupa’ na a sepsak ding uh hi. Tua khit ciangin gam tampi leh kumpi liante in amah salin a leh neih kik ding uh hi.

Ezekiel 6:14

Keimah in ka khut zanin a gam khempeuh uh ka susia ding hi. Leitaw lam gamlak pana kipanin leilu lam Riblah khuapi dongin, Israel mite’ omna mun khempeuh, siit nei loin ka vatmai ding hi. Tua ciangin Topa ka hih lamtak mi khempeuh in thei ding uh hi,” hong ci hi.

Ezekiel 12:19

Hih banga na gamtatna pen, amaute gama om lai ahi Jerusalem khua mite tungah Topa Pasian’ thugenna ahihna thu va gen in. Amaute in launa liin’na tawh an ne-in tui dawn ding uh hi. Amau’ gam sunga teengte a gamtat hoih khat beek om lo ahih manin, a gam sunga om khempeuh kipaikhiatpih mang ding hi.

Ezekiel 29:11

Na gam sung teng mihing in ahi a, ganhing in ahi zongin sik nawn lo ding hi. Kum sawmli sung bangmah om lo ding hi.