Jeremiah 25:10 - Tedim Bible

¹⁰ Tua tham loin lungdamna leh kipahna awte, zi nei thak pa leh mothaknu’ awte, angawina suang gingte ka gingsak nawn kei ding a, meivak taangte ka sumit ding hi.

Tedim Bible Revision 2017

¹⁰ Tua tham loin lungdamna le kipahna awte, zi nei thak pa le mothak nuʼ awte le an gawina suang gingte ka gingsak nawn kei dinga, meivak taangte ka sumit ding hi.

Jeremiah 25:10 Referans Kwoze

Jeremiah 7:34

Tua ciangin Judah gam khuapite leh Jerusalem khua kongzing lakah gualnopna leh lungdamna awte leh zi nei thakte leh mothakte’ awte ka gingsak nawn kei ding hi; bang hang hiam cih leh tua mun kinusia ding hi.

Ezekiel 26:13

Khuapi sungah lasakna awging ka beisak ding a, tum theih awgingte khempeuh zong kiza nawn lo ding hi.

Jeremiah 16:9

Bang hang hiam cih leh a vanglian Topa, Israel mite’ Pasian in hih bangin kong ci hi: En un, hih mun panin note’ muh tektekin, note’ theih hun sung mahin gualnopna, lungdamna awte leh zi nei thakte, pasal neithakte’ awte ka gingsak nawn kei ding hi.

Hosea 2:11

Ama lungdam theihna, a kumsim pawite, a khasim pawite, a nipi sim pawite, a biakna kikhop khempeuh ka beisak ding hi.

Esther 8:11

Kha sawm-le-nihna ahi Adar kha a ni sawm-le-thumna ni khat sungin Kumpi Ahasu-eras’ ukna gamsung khempeuh ah Judah mite in amau a sim ding mite, ahih kei leh gamte’ hih nading panin khua khempeuh ah amaute na kipawlin na kihu-in, tua banga amaute a hih dingte pen a numei a naupangin susia-in, thatin, a beisak nading uh leh a neihsate uh a laksak theih nadingun lai piakna tawh kumpipa in Judah mite tungah hih theih nading thupia hi.

Esther 7:4

Bang hang hiam cih leh kei leh ka mite suksiat ding, thah ding, beisak mang dingin hong kizuak hi. Kote, numei pasal a kibangin sal dingin hong kizuak hi leh bangmah ka pau kei ding hi; tua bang lel tawh kumpipa nawngkaisak taak lo hi,” a ci hi.

Esther 3:13

Tua bangin kumpipa’ ukna gam khempeuh ah laitaite lai kipiasak a, Adar kha ahi a kha sawm-le-nihna a ni sawm-le-thum ni, ni khat sungin Judah mi a moi a ham, numei naupang, a vekpi-in susia-in, thatin, a beisak mang nading uh, leh a neihsate uh a laksak nadingun thu kipia hi.

Isaiah 47:2

An gawina suangte la in la, an gawi in; na kikhuhna puan lakhia in la, na nik na puan suah-in gunte kantan in.

Jeremiah 48:33

Lei hoih mahmah Moab gam panin lungdamna leh kipahna kila khia ta hi. Leenggah cilna panin leenggahtui ka luang khiasak nawn kei a, lenggah cil-in kuamah lungdamin a kiko nawn kei hi; a kikona uh lungdam kikona hi lo hi.

Kah la 5:15

Lungnopna teng bei khin a, lungdamna teng lungkhamna a suak hi.