Jeremiah 24:8 - Tedim Bible

⁸ “Ahih hangin Topa in kong cih-inah: Judah kumpipa Zedekiah leh ama’ gam uk uliante-a kipan hih gama a om suak Jerusalem khua sunga a om lai sun teng leh Izipt gama teengte limci lo lua-a kine thei lo theigahte bangin ka bawl ding hi.

Tedim Bible Revision 2017

⁸ “Ahih hangin Topa in kong cih in ah: Judah kumpipa Zedekiah le ama gam uk uliante a kipan hih gamah a omsuak Jerusalem khua sunga a om lai sunteng le Egypt gamah a teengte limci lo lua ahih manin a kine thei lo theigahte bangin ka bawl ding hi.

Jeremiah 24:8 Referans Kwoze

Jeremiah 43:1

Topa Pasian in mi khempeuh kiangah gen ding a, a sawl hih thu teng Jeremiah in a gen khit ciangin

Jeremiah 37:17

kumpipa Zedekiah in a samsak hi. Kumipa in zong a inn sungah samin, “Topa’ hong thugenna kam khat beek a om hiam?” ci-in a dong sim hi. Jeremiah in zong, “Om mah hi,” a cih khit ciangin, “Babilon kumpipa’ khut sungah nang hong kipia ding hi,” a ci hi.

Jeremiah 24:2

Bawm khat sunga theigahte, a min masate tawh kibangin limci mahmah hi. Ahih hangin a bawm khat pen sunga theigahte limci het loin nek theih ding bang hi dek lo hi.

Jeremiah 37:10

Nangmah in na gal Khaldea galkap khempeuh zo lua kisa-in buk sunga milian teng bek na suakta sak kha phial ahi zongin, amaute hong tho teitei ding uh a, hih khuapi hong hal sak veve ding uh hi,’ ci-in va gen in,” a ci hi.

Jeremiah 24:5

Hih mun panin Khaldea mite’ gam a, ka puakkhiat Judah mi sal tangte hih theigah hoihte bangin a hoih-in ka ngaihsun ding hi.

Jeremiah 21:10

Bang hang hiam cih leh Topa in kong cih-inah, hih khuapi’ hoih nading hi lo siat nadingin ka lungsim ka khensat khin zo hi. Babilon kumpipa’ khut sungah ka pia ding a, amah in mei tawh a hal ding hi,’ na ci ding hi.

Jeremiah 44:1

Izipt gam Migdel khua, Tahpanhes khua, Memfis khua leh leitaw lamah a teeng Judah mite tawh kisai-in Topa in Jeremiah hopih a,

1 KHANG TANGTHU MASATE 3:15

Josiah’ tapate in: A tacil Johanan, a nihna Jehoiakim, a thumna Zedekiah, a lina Shallum ahi uh hi.

Jeremiah 13:7

Tua ciangin kei zong Eufrates gunah ka pai-a dialkaih ka seelna mun khuat kik-in ka la hi. Dialkaih a na ngot gawp zo a, zat theih ding ahi nawn kei hi.