Jeremiah 24:6 - Tedim Bible

⁶ Amaute lim takin ka kem ding a, hih gamah ka lakik ding hi. Amaute ka khangto sak ding a, ka susia kei ding hi; ka suan ding a, ka botkhia kei ding hi.

Tedim Bible Revision 2017

⁶ Amaute limtakin ka kem dinga, hih gamah ka lakik ding hi. Amaute ka khangtosak dinga, ka susia kei ding hi; ka suan dinga, ka bot khia kei ding hi.

Jeremiah 24:6 Referans Kwoze

Jeremiah 42:10

Hih gamah note na om suak uh leh note kong lam ding a, kong phel kei ding hi. Kong phut ding a, kong botkhia kei ding hi. Bang hang hiam cih leh note’ tungah siatna kong tun’ sak manin ka dah hi.

Jeremiah 29:10

“Topa in kong cih-inah: Babilon khua-ah kum sawmsagih na om khit uh ciangin, note kong kan kik ding a, kong kamciamna sa hong tangtung sakin, hih munah kong la kik ding hi.

Jeremiah 33:7

Judah mite leh Israel mite ka hausak kik ding a, nidang-a a om ngei bangun ka om sak kik ding hi.

Jeremiah 32:41

Amaute’ tungah hoihna ka bawl manin ka lungdam ding a, ka lungsim khempeuh leh ka kha khempeuh tawh thuman takin hih gamah amaute ka phut ding hi.

Jeremiah 12:15

Ahih hangin amaute ka lakkhiat khit ciangin ka hehpih kik ding a, amau’ luah ding amau’ gam ciatciat uhah ka koihkik ding hi.

Jeremiah 1:10

Gam khempeuh leh kumpi khempeuhte’ tungah a botkhia ding leh a phelkhia dingin ahi zongin, a susia ding leh a suankhia dingin ahi zongin, a lam ding leh a phut dingin ahi zongin, tu ni-in za, nang kong pia zo hi,” hong ci hi.

Jeremiah 32:37

En in, Ka hehna, ka thangpaihna leh ka lungkimlohna lianpi tawh ka hawlkhiatna gam khempeuh panin amaute ka kaikhawm ding a, hih munah tun’pih kikin, lungmuang takin ka teengsak ding hi.

Late 34:15

Topa' mit in thumante’ lam en a, a bil in amau kikona lam nga hi.

1 PETER MASA 3:12

Bang hang hiam na cih uh leh, Topa’ mit in mi dikte a en hi, a bil in zong amau thungetna a ngai hi. Mawhna ahihte ahih uh leh, Topa in a nungngat hi.”

Ezekiel 36:24

Gam khempeuh leh minam khempeuhte lak panin note hong kaikhawm kikin na gam uhah kong tun’pih kik ding hi.

Jeremiah 23:3

Ka mite a om lai sun teng, ka hawl khiatna gamte panin ka kaikhawm kik ding a, a gam uhah ka ciahkik sak ding hi. Amaute pung-in a khang ding uh hi.

Nehemiah 5:19

Pasian aw, hih mite’ adingin ka bawlna khempeuh kei’ adingin a hoih lamin hong phawk in.

2 KHANG TANGTHU NIHNATE 16:9

Bang hang hiam cih leh ama lamah a lungsim a paubang lo mite’ tangin ama vangliatna a lak dingin Topa’ mit in leitung khempeuh en kawikawi hi. Hih thu-ah na hai gamtat khin hi; bang hang hiam cih leh tu-a kipanin galdonate na nei ding hi,” a ci hi.

Thu-hilhkikna 11:12

Topa na Pasian un a kep leitang ahi hi; kum kipat-a kipan kum bei dongin Topa note Pasian’ mitte in tua leitang en tawntung hi.

Jeremiah 21:10

Bang hang hiam cih leh Topa in kong cih-inah, hih khuapi’ hoih nading hi lo siat nadingin ka lungsim ka khensat khin zo hi. Babilon kumpipa’ khut sungah ka pia ding a, amah in mei tawh a hal ding hi,’ na ci ding hi.

Late 44:2

Na khut tawh minam dangte na hawlkhia a, ahih hangin amaute na phut hi; midangte na sugawp a, ahih hangin amaute na suakta sak hi;

Jeremiah 16:15

Amaute in, ‘Leilu lam gam leh eite hong hawlkhiatna gam khempeuh pana Israel mite a hong lakhia Topa a nuntak bangin,’ a ci zaw ding uh hi. Bang hang hiam cih leh a pu a pate uh ka piaksa, amau’ neihsa gamah amaute ka lakik ding hi.

Jeremiah 31:4

Aw, nungak siangtho ahi Israel aw, nang kong bawl pha kik ding hi. Na khuangte na man kik ding a, a gual nuamte’ laamna-ah na va kihel ding hi.

Jeremiah 31:28

Amaute a kibet khiat nading leh a kitap zan nading ahi zongin, a kisuan khiat nading leh a kisiat nading ahi zongin ka vaihawm mah bangin, Topa in ka cih-inah, amaute a kilam nading leh a kiphuh nadingin ka vaihawm ding hi.

Jeremiah 33:9

Jerusalem khuapi in kei adingin lungdamna, minphatna leh minthan’na ahi ding hi. A sunga om mite tungah hoihna leh hauhna ka tun’sakna thu a za minam dangte in lau-in a liing ding uh hi.

Amos 9:14

Ka mi Israelte, amaute’ gam ka tun’ kik ding a, a kisia a khuapite uh lampha kikin, a sungah teeng ding uh hi. Amaute in leenggui suanin, a zu dawn ding uh a, huan bawlin, a sunga piangte ne ding uh hi.

Piancilna 44:21

Tua ciangin nangmah in na nasemte' kiangah, ‘Ka mit tawh amah ka muh theih nadingin kei' kiangah amah hong tonpih suk un,’ na ci hi.

Isaiah 14:1

Topa in Jakob hehpihin Israel teel kik ding a, amaute pen a gam uhah koih kik ding hi, khual mite in amaute pawlin Jakob innkuan beel ding uh hi.

Isaiah 60:21

Na mihingte khempeuh thuman ding hi; keima min a than’ nadingin keima suansa kung, ka khut tawh ka sepsa ahi gam pen amaute in nei pai suak ding uh hi.

Jeremiah 39:12

“Jeremiah la un. Limtak-in kem un la, bawlsia kei un. Ama’ deih bangbangin na gamta un,” a ci hi.