Jeremiah 23:9 - Tedim Bible

⁹ Kamsangte tawh kisai-in: Topa’ hang leh ama’ thu gen kammal siangthote’ hangin ka sungah ka lungsim kitam kham a, ka guh ka tang a liing hi. Zu tam ne lua-a a kham mipa tawh ka kibang hi.

Tedim Bible Revision 2017

⁹ Kamsangte tawh kisai-in: Topaʼ hang le ama thugen kammal siangthoteʼ hangin keima sungah ka lungsim hong kitam kham a, ka guh ka taang a liing hi. Zu tam ne lua-in a kham mipa tawh ka kibang hi.

Jeremiah 23:9 Referans Kwoze

Habakkuk 3:16

Hih thute khempeuh ka zak ciangin ka liing gawp a, lau lua-in ka muk liing sapsap hi. Ka guh ka taang hong zen a, guh nei lo bangin ka pukcip suk hi. Ko hong simgawp mite Pasian in a daan piak ding hun, dai takin ka ngak khikhe ding hi.

Daniel 8:27

Keimah Daniel in, ni tawmvei sung thazaw gawpin ka ci a na hi. Tua ciangin tho-in, ka nasep ngei semkik dingin kumpi innah ka pai hi. Ka mangmuhna thu thei zo lo ka hih manin cih nading meel thei loin dap takin ka om hi.

Kah la 3:15

Amah in ut lopipi-in tuikha hong dawnsak a, ka duh lohpipi in an kha a hong nesak hi.

Isaiah 51:21

Tua ahih ciangin gimna a thuak, zu ne lopi-a zukham a bang note in hih thu za un:

Late 60:3

Nangmah in na mite haksatna na thuaksak khin hi; ka dawn dingun nangmah in ko hong hoisak leenggahzu nong piakhin hi.

ROM (Romans) 7:9

Nidang lai-inah thukham loin ka nungta hi. Ahih hangin thukham hong pian’ ciangin mawhna nungta kik a, kei ka si hi.

Ezekiel 9:6

Puteek, nungak tangval, numei naupang dong takin va that un la, ahi zongin a taltangah ciamtehna a nei peuhmah su kei un. Hih ka biakinn mahmah panin kipan pah un,” a cihna ka za hi. Tua ahih manin tua biakinn sunga ding Israel makaite, kipatna in nei pah uh hi.

Ezekiel 9:4

“Jerusalem khua sung khempeuh ah pai kawikawi in la, hih khuapi sungah a muhdahhuai gamtatnate a kisepna hangin dahin a lungkham mi khempeuhte’ taltang-ah ciamtehna va bawl in,” ci-in sawl hi.

Jeremiah 9:1

Aw, ka lu tuikhuk hi-in, ka mitte khitui nak hi tazen leh pawh, ka mite’ kithahlupna hangin a sun a zanin kapkap mai ning!

Jeremiah 5:31

Kamsangte in thuman gen lo uh a, siampite in amau’ ut bangun a uk uh hi; ka mite in phamawh a sa kei sawnsawn uh hi, a tawpna hun hong tun’ ciangin bang na cih ding uh hiam?

Isaiah 29:9

Lamdang kisa sak un la, lamdang a sa hi un, ki-mittawsak un la, a mittaw hi un! Leenggahzu dawn lopi-in a kham hi un; kham theih zu ne lopi-in hoi un!

Isaiah 28:1

Efraim minam zukhamte’ kisaktheihna leihoih zangkuam i lutunga kisuang, a vulgawp paak ahi, a vanglian ama hoihna tawh zukham a, a pukte’ kisak theihna tua kumpi lukhu in gim ngah ta hen!

Isaiah 6:5

Tua ciangin keimah in, “Gim ngahpa hi ta ing! Bang hang hiam cih leh a mawknapi ka hi hi; ka kam-a ka thugen khempeuh mawhna vive hi a, a thugen khempeuh uh mawhna leh nitna ahi mite’ lakah ka teeng kha hi. Vanglianpen Topa, Kumpipa ka mu kha khin ta hi,” ka ci hi.

Late 69:20

Simmawhna in ka lungsim sukham zo ahih manin kei ka cimawh hi. Hong hehpih ding ka zon’ hangin kuamah om lo hi; hong huh ding ka zon’ hangin kuamah ka mu kei hi.

Jeremiah 8:18

Ka dahna dam thei lo a, ka lungsim na mahmah hi.

Jeremiah 20:9

Keimah in, “Ama’ thu ka gen kei ding a, ama’ min ka lo nawn kei ding hi,” ci mah taleng zong, ama’ thu ka lungsim sungah meikuang bangin hong om a, ka guh ka tang sungah kikhum cip ahih manin ka ki-ip ipna-in ka gim lua a, gen loin ka om thei kei hi.

Jeremiah 36:16

Tua thute khempeuh a zak khit uh ciangin lau-in khat leh khat a ki-en gapgap uh a, Baruk kiangah, “Hih thute khempeuh kumpipa’ kiangah i koh kul ding hi,” a ci uh hi.

Ezekiel 13:3

Topa Pasian’ thugen in hih bang ahi hi: hih kamsang haite in gimna thuak ding uh hi. Amaute in amau’ lungsim bangin thugen tawmin, maangmu kineih uh hi.