Jeremiah 23:8 - Tedim Bible

⁸ ‘a hawlkhiatna leilu lam gam leh gam dangte khempeuh panin Israel mite’ suan leh khakte pai khiatpih a, a makaih Topa a nuntak bangin,’ ci-in a kiciam zaw ding uh hi. Tua ciangin amaute, amau’ gamsung mah ah a teeng ding uh hi,” a ci hi.

Tedim Bible Revision 2017

⁸ ‘A hawl khiatna leilu lam gam le gamdangte khempeuh panin Israel miteʼ suanlekhakte kaikhawmin a makaih Topa a nuntak bangin,’ ci-in a kiciam zaw ding uh hi. Tua ciangin amaute amauʼ gam sung mahah a teeng ding uh hi,” a ci hi.

Jeremiah 23:8 Referans Kwoze

Ezekiel 34:13

Gamdang panin amaute lakhia-in ka kaikhawm ding a, amaute’ leitangah ka tun’pih kik ding hi. Israel mual tungte, lui geite, leh mite’ ten’na mun khempeuh ah amaute ka gamta sak ding hi.

Zefaniah 3:20

Tua hun ciangin, a kithehthang na mite uh kong kaikhawm ding a, leitung mi khempeuh in note hong pahtawi-in hong phat ding uh hi. A tawpna-ah note na cithei kik ding uh hi,” Topa in ci hi, a ci hi.

Ezekiel 39:28

Tua ciangin, minam dangte khut sungah sal-in amaute puakin, tua khit ciangin amaute khat zong siit loin kaikhawm kikin a gam sung uh ka tun’pih kimna hangin amaute Topa Pasian ka hihna thu, keima mite in hong thei ding uh hi.

Ezekiel 37:25

A pu a pate uh a ten’ nasa ahi ka nasempa Jakob tungah ka piak leitangah amaute teeng ding uh a, amaute bek hi loin a suan a khak dongun teeng suak ding uh hi. Ka nasempa David in amaute uk tawntung ding hi.

Ezekiel 36:24

Gam khempeuh leh minam khempeuhte lak panin note hong kaikhawm kikin na gam uhah kong tun’pih kik ding hi.

Jeremiah 23:3

Ka mite a om lai sun teng, ka hawl khiatna gamte panin ka kaikhawm kik ding a, a gam uhah ka ciahkik sak ding hi. Amaute pung-in a khang ding uh hi.

Isaiah 14:1

Topa in Jakob hehpihin Israel teel kik ding a, amaute pen a gam uhah koih kik ding hi, khual mite in amaute pawlin Jakob innkuan beel ding uh hi.

Jeremiah 8:3

Hih a gilo minamte’ laka a omlai sun teng in ka hawlkhiatna munah nuntak ding sangin sih ding a teelzaw ding uh hi, a vanglian Topa in kong ci hi.

Jeremiah 16:15

Amaute in, ‘Leilu lam gam leh eite hong hawlkhiatna gam khempeuh pana Israel mite a hong lakhia Topa a nuntak bangin,’ a ci zaw ding uh hi. Bang hang hiam cih leh a pu a pate uh ka piaksa, amau’ neihsa gamah amaute ka lakik ding hi.

Jeremiah 29:14

Topa in kong cih-inah, note in nong mu ding uh a, na saltan’na uh hong bei sakin, kong hawlkhiatna gam khempeuh leh mun khempeuh panin kong kaikhawm kik ding a, note kong lak khiatna gam mahah kong tun’pih kik ding hi, Topa in kong ci hi.

Jeremiah 30:3

Bang hang hiam cih leh Topa in kong cih-inah, Israel leh Judah ka mite, a saltan’na uh kong beisak kik ni a hong tung ding hi. A pute a pate-uh’ tunga ka piaksa gamah ka tun’pih kik ding a, amaute in tua gam a tang kik ding uh hi, Topa in kong ci hi,” a ci hi.

Jeremiah 30:10

“Tua ahih manin Topa in kong cih-inah; Ka nasempa Jakob’ suante aw, lau kei un. Israel mite aw, patau kei un. Bang hang hiam cih leh gamlapi gam panin no kong honkhia ding a, na suan na khakte-uh’ saltan’na panin kong honkhia ding hi. Jakob’ suante hong ciahkik ding uh a, nuam takin a teeng kik ding uh hi. Kuamah in amaute a lausak nawn kei ding hi.

Jeremiah 31:8

En un, keimah in leilu lam gam panin amaute ka la ding a, leitung a gamla pen mun panin ka kaikhawm ding hi. Mittawte leh khelbaite zong hong kihel ding uh a, nupi gaite leh nau suak ding numeite-a kipan mi honpi hih lai munah hong ciahkik ding uh hi.

Jeremiah 32:37

En in, Ka hehna, ka thangpaihna leh ka lungkimlohna lianpi tawh ka hawlkhiatna gam khempeuh panin amaute ka kaikhawm ding a, hih munah tun’pih kikin, lungmuang takin ka teengsak ding hi.

Ezekiel 28:25

Topa Pasian in kei kiangah, “Minam tuamtuamte lak-a ka thehthangna panin Israel mite ka kaikhawm kik ding a, keimah in a siangthopa ka hihna thu minam khempeuh in thei ding uh hi. Tua ciangin ka nasempa Jakob ka piak leitang ahi, amaute’ gam sungah Israel mite teeng ding uh hi.

Joel 3:7

Tu-in amaute na zuakna uh mun, panin a la khia kik ding ka hi a, amaute tungah na bawl bangun note tungah kong bawl ding hi.

Isaiah 11:11

Tua ni ciangin Topa in, Assiria gam, Izipt gam, Pathros gam, Ethiopia gam, Elam gam, Shinar gam, Hamath gam leh tuipi gei-a gamte panin ama mi a om laite a ngahkik nadingin a vangliatna zang kik ding hi.

Jeremiah 16:14

“Tua ahih manin, en un, Topa in kong cih-inah kuamah in, ‘Izipt gam pan-a Israel mite a hong lakhia Topa a nuntak bangin,’ ci-in kei’ minin a kiciam nawn loh hun hong tung ding hi.

Ezekiel 36:35

Hih leitang pen gammang tulak a bang ngei hi napi-in tu-in Eden Huan a batna leh a kisusia, a kiluhgawp, a kinusiacip khuapite pen tu-in a muanhuai kulh tawh ki-umin a sungah mi a ten’na thu mi khempeuh in gen belin nei ding uh hi.

Micah 7:15

Izipt gam pan na paikhiat hun lai uh mah bangin, amau’ adingin a lamdang nate ka bawl ding hi.