Jeremiah 23:6 - Tedim Bible

⁶ Ama’ hun hong tun ciangin Judah mite a kihonkhia ding a, Israel mite lungmuang takin a teeng ding uh hi. Amah a kilawh nadingin a min, Topa IN EITE’ DIKTATNA AHI HI, ci-in a kiphuak ding hi.

Tedim Bible Revision 2017

⁶ Ama hun hong tun ciangin Judah mite kihon khia dinga, Israel mite lungmuang takin a teeng ding uh hi. Amah a kilawh nadingin a min, ‘Topa, Eiteʼ Diktanna,’ ci-in a kiphuak ding hi.

Jeremiah 23:6 Referans Kwoze

1 KORIN MASA 1:30

Tua Pasian hangin note in Khazih Zeisu sungah na om uh hi. Tua Khazih Zeisu in eite ading Pasian kiang pan pilna, dikna, sian’thona leh tatkhiatna hong suak zo hi.

Jeremiah 33:16

Tua ni ciangin Judah mite kihonkhia ding a, Israel mite lungmuang takin a teeng ding uh hi. Amah a kisap nadingin a min, Topa in eite’ Diktatna ahi hi, ci-in a kiphuak ding hi.

Filippi 3:9

Topa hangin na khempeuh ka taan zo a, sihna pan thawhkikna thu ka ngah theih nadingin Topa’ thuak sihna sungah tumin, tua Topa ahi zongin, ama thawhkikna’ vangliatna ahi zongin, ama gimthuakna zomin thuakna ahi zongin theih tel nadingin, thukham hanga ka ngah keima dikna om loin, Khazih upna hanga ka ngah upna hangin Pasian hong piak dikna muan’na tawh Khazih a meetin ngahin, tua Topa ah kip-a ka om zawh nadingin nadangte khempeuh eek hi ci-in ka ngaihsun hi.

ROM (Romans) 3:22

Kilamdan’na neukha beek a om kei hi.

2 KORIN NIHNA 5:21

Pasian in mawhna a nei lo Khazih, eite tangding mawhna a suaksak hi. Bang hang hiam na cih uh leh, eite in tua mi hangin Pasian’ dikna i suah theih nading ahi hi.

Daniel 9:24

“Na mite leh khuapi siangtho ading leh, mawhna leh gamtat khialhnate a bei nadingin nipi kal sawmsagih a kiseh zo hi. Tua ciangin mawhna kimaisak ding a, a tawntung thumanna a hong tung ding hi. Genkholhna leh mangmuhna thu man takin a hong tangtung ding a, a Siangthopen Mun biakinnpi a kisiansuah ding hi.

Jeremiah 32:37

En in, Ka hehna, ka thangpaihna leh ka lungkimlohna lianpi tawh ka hawlkhiatna gam khempeuh panin amaute ka kaikhawm ding a, hih munah tun’pih kikin, lungmuang takin ka teengsak ding hi.

Jeremiah 30:10

“Tua ahih manin Topa in kong cih-inah; Ka nasempa Jakob’ suante aw, lau kei un. Israel mite aw, patau kei un. Bang hang hiam cih leh gamlapi gam panin no kong honkhia ding a, na suan na khakte-uh’ saltan’na panin kong honkhia ding hi. Jakob’ suante hong ciahkik ding uh a, nuam takin a teeng kik ding uh hi. Kuamah in amaute a lausak nawn kei ding hi.

Isaiah 9:6

Bang hang hiam cih leh eite adingin naungek khat hong suak a, eite tungah tapa khat hong kipia hi; ama liangko tungah ukna om ding a, ama min pen, “Lamdang, Thulakpa, Vanglian Pasian, Tawntung Pa, Nopsakna Kumpi,” kici ding hi.

Isaiah 7:14

Tua ahih ciangin Topa mahmah in note’ tungah lim khat hong pia ding hi. En un, nungak khat gai-in tapa khat nei ding a, ama min Immanuel kici ding hi.

Zekhariah 10:6

Judah mite, ka thahatsak ding a, Josef’ innkuan ka honkhia ding hi. Amaute ka khasiat ding a, innah ka ciahpih kik ding hi. Amaute cik mah-a ka nial ngei loh bang keekin, nuam takin om ding uh hi. Keimah in Topa, amau’ Pasian ka hi a, amau’ thungetnate ka pia ding hi.

Zekhariah 3:10

Tua ni ciangin note khempeuh in leenggui leh theikungte hau-in nuam na sa ding uh a, na veengte ciat un hong nekpihin hong lungdampih nadingun na sam ding uh hi, Vanglianpen Topa in ci hi,” a ci hi.

Zefaniah 3:13

Israel mi a om lai sunte, midang tungah gilo nawn lo ding a, zuauthu gen nawn loin, mi kheem ding zong ngaihsun nawn lo ding uh hi. Amaute cithei-in lungmuangin om ding uh a, kuamah kihta nawn lo ding uh hi,” ci hi.

Obadiah 1:21

Esau mual-a thukhen ding, a honkhia ding mite Zion mualah hong paito ding uh a, tua gam in Topa’ gam ahi ding hi.

Obadiah 1:17

Ahih hangin Zion mualah pawlkhat a suakta ding uh a, mun siangtho a suak ding hi. Jakob innkuante in amau gam mah a luah kik ding uh hi.

Hosea 2:18

Tua ciangin, ka mite a suksiat loh nadingun gamlaka om gamsate, huih laka leeng vasate, leh leitung a bokvak ganhingte tawh thuciamna ka bawl ding a, thalte, namsaute, galhiam khempeuh, leitung panin ka phiat khia ding hi. A lungnuam, lungmuang hithiatin ka mite ka om sak ding hi.

Hosea 1:7

Ahi zongin Judah mite ka hehpih ding a, namsau leh thal, sakol leh sakol tung tuangte, leh galsimna tawh hi loin, amaute’ Topa, Pasian ahi keimah mah in amaute ka honkhia ding hi,” a ci hi.

Isaiah 54:17

nangmah do nading a, a kibawl hiam peuhmah mavang lo ding a, thukhenna sungah nangma langa a pang mi khempeuh na nial gawp zo ding hi. Hih in, Topa’ nasemte’ gamluah leh keima kiang pan-in amaute’ dikna a kilahna ahi hi, Topa in ci hi.”

Isaiah 35:9

Tua lai-ah humpinelkai om lo ding a, sasialne ganhing khat peuhpeuh hong pai lo ding hi; tua lai-ah ganhing lauhuaite kimu lo ding hi. Topa’ tatkhiatsa mite in tua lampi tawnin hong ciah ding uh hi.

Isaiah 45:17

Ahih hangin Israel pen Topa in tawntung hotkhiatna tawh honkhia hi; nang in cikmah hunin maizumna na thuak kei ding hi.

Isaiah 33:22

Bang hang hiam cih leh Topa pen eite’ thukhen, Topa pen eite thukham hong piapa, Topa pen eite’ kumpi ahi hi; amah in eite hong honkhia ding hi.

Isaiah 2:4

Amah in minamte khat leh khat kikal ah thukhenin, mi tampite’ thu khentat sak ding hi; amaute in a namsaute uh lo khawh na tu, a teipite uh singhiang heuhna temkawi-in seek ding uh hi; Minam khat leh minam khat kido nawn lo ding a, galdo dingin kithawi nawn lo ding uh hi.

1 KUMPI MASATE 4:25

Solomon’ hun sung khempeuh Judah leh Israel lungmuang takin omin, Dan panin Be-ersheba ciang dong nangawn mi khempeuh a leenggui leh a theikung nuai uhah om uh hi.

Isaiah 42:6

“Keimah in Topa ka hi a, thumanna tawh nangmah hong samin, ka khut tawh nang hong lenin kong kem hi; mittawte a vaksak ding, leinuai thong sung panin thongkiate a lakhia ding, thong sung a mialna mun a, a tu mite a lakhia dingin, mite tungah thuciamna ahi ding, Gentailte tungah khuavak ahi dingin nang kong koih khin hi.

Jeremiah 29:11

Bang hang hiam na cih uh leh Topa in kong cih-inah, note’ mai lamah lametna kong piak ding, na siat nading uh hi loin na phattuam nading uh geelna ka neihte kei bek in ka thei hi.

Jeremiah 33:15

Tua ni tua hun ciangin David’ suan lak panin kumpi dingin a diktat Hiang khat ka khangsak ding a, amah in gam sungah thuman thu tang tawh thu hong khen ding hi.

Ezekiel 21:27

Siacip! siacip! Hih khuapi ka siacimitsak ding a, a mel a mang zong kimu lo ding hi. A uk dingin a kilawm mipa hong om ciang bekin ama khut sungah ka pia ding hi.

Ezekiel 28:26

Tua gam sungah lungmuang takin teeng ding uh a, amaute in inn lamin, leengguite suan ding uh hi. Israel mite a simmawh minam dangte daan ka pia ding a, Israel mite ahih leh lungmuang takin om hithiat ding uh hi. Tua ciangin keimah in Topa amau’ Pasian ka hihna thu thei ding uh hi,” hong ci hi.

Ezekiel 38:14

Tua ciangin Topa Pasian in kei kiangah, “Ezekiel aw, Gog kiangah hih bangin thu gen in hong ci hi: Keima mi Israelte lungmuang takin a om hun lai takin nangmah na kihanthawn tawm ding a,

Ezekiel 48:35

Khuapi kimkot a sauna tong tul sawm leh tul giat pha a, tu-a kipanin hih khuapi min in, ‘Hih lai-ah Topa om hi,’ (Jehovah Shammah) kici ding hi,” hong ci hi.

Daniel 9:7

Topa aw, nang na hih leh na dik a, ahih hangin kote ka hih uh leh a zumhuai-in ka gamta uh hi. Judah gam leh Jerusalem khua sunga teeng Israel mite khempeuh na tungah hong thuman lo uh ahih manin, a nai a gamla gam tuamtuamah na thehthang zo hi.

Hosea 1:11

Judah mite leh Israel mite kigawm kik ding uh a, amaute a makai dingin mi khat seh ding uh hi; amaute khangin ci-thei kik ding uh a, tua Jezre-el hun pen a nuam mahmah hun hi ding hi.

Paikhiatna 9:26

Israel mite a omna Goshen gam bekah gialpi kia lo hi.

Late 45:5

Kumpipa’ galte’ lungtang sungah na thaltang hiamte lut a, mite na nuai-ah puk uh hi.

Isaiah 32:1

En un, ni khat ni ciangin thumanna tawh kumpi khat hong maang ding a, thutan’na tawh uliante in hong uk ding uh hi.

Isaiah 32:18

Ka mihingte pen kilem tak-a teen’na lungmuang tak-a omna inn, daii tak-a tawlngakna munah om ding uh hi.

Isaiah 33:5

A sangna munah teeng ahih manin Topa kipahtawi hi; amah in thutang leh dikna tawh Jerusalem dimsak ding hi;

Jeremiah 31:23

A vanglian Topa, Israel mite’ Pasian in hong gen-inah: “Keimah in amaute a gam uhah ka omkik sak ciangin, Judah gam leh a khuapite uhah amaute in, ‘Thuman thutak teen’na mual siangtho aw, Topa in thupha hong pia ta hen,’ ci-in a genkik leuleu ding uh hi.