Jeremiah 23:32 - Tedim Bible

³² En un, Topa in kong gen-inah, ka sawl lohpi zuau mang manin tua thu hilh a, a zuauthu uh leh a kiphatsakna uh tawh ka mite a makaih khialhpih mite’ lang khatah kei ka pang hi. Ka mite adingin, amaute a kiman’na uh themkha beek om lo hi, Topa in kong ci hi.

Tedim Bible Revision 2017

³² En un, Topa in kong genin ah, ka sawl lohpi zuau mang manin tua thu hilh a, a zuau thu uh le a kiphatsakna uh tawh ka mite lam a khialhpih miteʼ lang khat ah kei ka pang hi. Ka mite adingin amaute a kimanna uh themkha beek om lo hi, Topa in kong ci hi.

Jeremiah 23:32 Referans Kwoze

Zefaniah 3:4

A kamsangte kihisak uh a, kamsang citak hi lo uh hi. A siampite in a siangtho nate ninsak a, amau’ angsung ding bek khualna-in Pasian’ thukham lehhei uh hi.

Kah la 2:14

Na kamsangte un zuau thu longal thudang gen ding nei lo uh a, a thu hilhna uh khemna thu bek ahih manin, a khial na hih lam uh a hong hilh tel kei uh hi. Amaute in lam hong lak khial uh a, kisikkik theih na’ng hun a hong pia kei uh hi.

Jeremiah 7:8

“En un, phattuamna a om het lo zuauthu na um tazen uh hi.

Mangmuhna 19:20

sahang tawh, sahang mai-ah nalamdangte lakin, sahang ciamtehna nei-in, sahang milim a bia uh mite a kheem, a zuau kamsangpa in kimatna a thuak khit ciangin, amau nih in kat meiphual sungah a hing tangin kikhiatna a thuak uh hi.

Mattiu 15:14

Tua mite amau ut bangin om sak un. Amau in mittaw lamhilhte ahi uh hi. Mittaw leh mittaw lam kihilh leh, a nih un leihawm sungah a kiakhawm ding uh hi,” a ci hi.

Jeremiah 29:31

“Sal tang mi khempeuhte kiangah Nehelam khuami Shemai-ah tawh kisai-in Topa in kong cih-inah: Kong sawl lohpi Shemai-ah in note kiangah thu hong gen a, zuauthu hong um sak ahih manin,

Jeremiah 23:25

Ka min tawh zuau phuak-in, ‘Mang man zo ing, mang man zo ing,’ ci-a a gen kamsang zuau theite’ thuhilhnate zong ka za khin zo hi.

Jeremiah 23:16

A vanglian Topa in, “Note kiangah thu hong hilh a, a hong lamen khialsak kamsangte’ thu gennate ngai kei un. Amaute in a lungsim sung uh-a a geltawm uh hong gen uh ahi a, keima kiang pana hong pai thu ahi kei hi.

Isaiah 3:12

Keima mite ahih leh—khangnote in bawlsia uh a, numeite in zong uk uh hi. Ka mite aw, na makaite un note lam hong lak khial a, note’ lampi zuih pen hong siasak hi.

Thu-hilhkikna 18:20

Ahih hangin keimah in thu gen dingin thu pia lo napi-in keima min tawh thu a gen kamsangpa hita leh pasian dangte’ min tawh thu a gen kamsangpa hita leh, tua bang kamsangte si ding hi,’ hong ci hi.

2 KORIN NIHNA 1:17

Tua bang ka hanciam ciangin lungkheel mi ka hi hiam? Ahih kei leh, keima kamin, “Ahi hi, ahi hi,” ci ding ahi zongin, “Ahi kei hi, ahi kei hi,” ci ding ka hi zongin a suah nadingin ka hanciamnate in ci leh sa lungsim ahi hiam?

JOB (Job) 13:4

Note in na haina uh zuauthu tawh na melh uh a, kuamah a damsak zolo zato siam-a kineite tawh na kibang uh hi.

Isaiah 9:15

Upate leh a zahtak huai mite pen a lutang hi a, zuauthu a hilh kamsangte pen a mei ahi hi;

Jeremiah 23:13

Samaria kamsangte’ sungah, a muhthadah huai khat ka mu hi; Baal min suangin thu a hilh uh a, Israel ka mite lam a pialpih uh hi.

Jeremiah 23:31

En un, Topa in kong gen-inah, amau’ ngaihsut tawm thu gen napi a, ‘Topa in ci hi,’ a ci khem kamsangte’ lang khatah kei ka pang hi.

Kah la 3:37

Topa deihna bang bekin na khempeuh a piang hi.

Zekhariah 10:2

Mihingte in milim peuh, thudotin nei uh a, a thu ngahte uh, zuauthu leh a mawkna hi lel hi. Mang khia thei-a kineite in lamlak khial uh a, amau’ hehnepnate, a mawknapi hi lel hi. Tua ahih manin, tuu bangin mite mangthang uh a, makai a neih loh manun gimna ngah uh hi.