Jeremiah 23:29 - Tedim Bible

²⁹ Ka kammal in mei tawh ahi zongin, suangtum a sat nen zo sek tawh ahi zongin kibang hilo ahi hiam? Topa in kong ci hi.

Tedim Bible Revision 2017

²⁹ Ka kammal pen mei tawh ahi a, suangtum a satnen zo sek tawh ahi zongin kibang hi lo ahi hiam, Topa in kong ci hi.

Jeremiah 23:29 Referans Kwoze

Hebru 4:12

Bang hang hiam i cih leh, Pasian’ thu in nungta a, vangliatna nei a, lang nih a hiam namsau sangin hiamzaw a, nuntakna leh kha ahi zongin, guh-le-tang leh guhngeek ahi zongin, khenin pailet thei a, lungsim ngaihsutnate leh hanciamnate khempeuh a thei thei hi.

Jeremiah 5:14

Tua ahih manin Topa, a vanglian Pasian in hong gen-inah: “Amaute in tu-a bangin gen uh ahih manin na kam sunga mei banga ka kuan’sak ka thute in sing tawh kibang hih minamte kangtum zaw ding hi.

Luka 24:32

Amaute in, “Lampi-ah eite hong hilh a, Lai Siangtho thu hong gen lai takin, i dip kuasak hilo ahi hiam?” ci-in khat leh khat a kiho uh hi.

Jeremiah 20:9

Keimah in, “Ama’ thu ka gen kei ding a, ama’ min ka lo nawn kei ding hi,” ci mah taleng zong, ama’ thu ka lungsim sungah meikuang bangin hong om a, ka guh ka tang sungah kikhum cip ahih manin ka ki-ip ipna-in ka gim lua a, gen loin ka om thei kei hi.

Mangmuhna 11:5

Mi khatpeuh mah in amaute tungah gimna a bawl nop leh, amaute kam sungpan mei pusuakin a galte a kangtum thei hi. Mi khatpeuh in tua bang gimna a bawl nop leh, tua bangin thahna a thuak ding hi.

Johan 6:63

Nuntakna a piapa in kha ahi hi. Sa in phattuamna a pia zo kei hi. Note kiangah kong thugenna in kha leh nuntakna ahi hi.

Sawltak 2:3

Tua lai takin meikuang tawh kibang leiite kikhenin, amaute kiangah kilang uh a, amau a vekpi tungah tung kim uh a,

Sawltak 2:37

Tua mite in hih thu a zak uh ciangin a lung uh vut a, “Ute naute aw, bang ka ci hih ding uh hiam?” ci-in Piter a kipan adang sawltakte kiangah a dong uh hi.

2 KORIN NIHNA 2:16

A kisia mite ading sih dongin sihna namtui i hi hi. Gupna a ngah mite adingin nuntakna a ngah dongun namtui i hi hi. Tua ahih ciangin hih nate tawh kua kilawm ahi hiam?

Hosea 6:5

Tua ahih manin note hong thuhilh ding leh note hong taii dingin ka kamsangte kong sawl hi. No ka mite’ gamtat ding ka deih zia kitel sinsen hi.