Jeremiah 23:26 - Tedim Bible

²⁶ Zuauthu tawh thu hilh a, a phuahtawm uh thu a hilh kamsangte’ lungsim sungah zuauthu bang tanvei teeng lai ding ahi hiam?

Tedim Bible Revision 2017

²⁶ Zuau thu tawh thu hilh a, a phuahtawm uh thu a hilh kamsangteʼ lungsim sungah zuau thu bang tanvei teeng lai ding ahi hiam?

Jeremiah 23:26 Referans Kwoze

Jeremiah 14:14

Tua ciangin Topa in, “Tua kamsangte in kei’ min suang-in zuauthu hong gen uh hi. Amaute ka sawl kei a, thu ka pia kei a, zong ka hopih kei hi. Note kianga hong gen uh thute a manlo mangmuhna, bangmah kimang lo aisanna leh amau leh amau’ lungsim kikhem tawmna thute ahi hi.

2 TIMOTI NIHNA 4:3

Bang hang hiam cih leh, mite in thu hilhna pha mang loin, a bil uh thakin, amau deihgawhna bang thuhilh a tampi, amau ading a koih ding uh a,

Sawltak 13:10

“Thuzuaute leh kheemna pawl khempeuh tawh a dim, dawimangpa’ ta, thuman thutak’ gal aw, Pasian’ Lampi tang siasak dingin tawp lo ding na hi hiam?

Hosea 8:5

Samaria khuapi mite in a biak kham bawngno ka deih kei hi. Tua a bia mite tungah ka heh hi. Amaute in mihoih a suah nading uh bang tan vei ngak lai ding uh ahi hiam?

Jeremiah 17:9

“Lungsim in na khempeuh lakah a khem hatpen hi a, a kisia pha mahmah hi; kua in a thei thei ding hiam?

Jeremiah 13:27

Na kihhuainate, na ang kawmna, na hukna leh gamlak mual tunga numei paktat banga milim pasian peuh na biak kawikawinate ka mu zo hi. Jerusalem aw, gimna ngah ta in! Na sian’tho nadingin bang tanvei sawt ding ahi hiam?”

Jeremiah 4:14

Jerusalem khua aw, nang hong kihotkhiat nadingin, na lungsim sung panin gitlohna sawpkhia in. Na sungah gitlohna lungsim bang tan vei kem cip ding na hi hiam?

Isaiah 30:10

amaute in thu mutheite tungah, “Mu nawn kei un,” ci-in, kamsangte tungah “Kote’ tungah thuman hong gen kei un; kote’ tungah thuzol bek hong gen un la, thutak ahi lote genkhol un,

Late 4:2

Mite aw, ka minphatna in bang tanvei daina thuak ding ahi hiam? Bang tanvei thu mawkna deih-in, zuauthu zong ding na hi uh hiam?

2 PETER NIHNA 1:21

Bang hang hiam na cih uh leh, Pasian’ kamsangte’ thu in mi’ deih bangin hong tung ngei kei hi, Kha Siangtho hansuahna ngahin mite in Pasian kiang pan a gen sawn uh hi.