Jeremiah 23:24 - Tedim Bible

²⁴ Mi khat peuhpeuh kei’ muh loh dingin busim thei ding ahi hiam? Topa in kong ci hi. Leitung, vantung mun khempeuh ah ka om lamtak thei lo na hi uh hiam? Topa in kong ci hi.

Tedim Bible Revision 2017

²⁴ Mi khat peuhpeuh keiʼ muh loh dingin busim thei ding ahi hiam, Topa in kong ci hi. Leitung, vantung, mun khempeuh ah ka om lamtak thei lo na hi uh hiam, Topa in kong ci hi.

Jeremiah 23:24 Referans Kwoze

Paunak 15:3

Topa’ mit in mun khempeuh mu a, misia, mipha, hong encik kim hi.

Late 139:7

Nangma Kha a pelh dingin koi-ah pai ding a, nangma omna panin koi-ah taikhia ding ka hi hiam?

Late 90:8

Nangmah in kote’ mawhnate na mai-ah na koih a, ka khialh simnate uh na maitang ah na koih hi.

Isaiah 29:15

Topa’ kiang panin ama’ thu vaihawmna a seel cip, khuamial sungah a gamta, “Kua in hong mu ding hiam? Kua in hong thei ding hiam?’ a cite in gimna ngah ta hen.

1 KUMPI MASATE 8:27

“Ahih hangin leitungah Pasian teeng taktak ding ahi hiam? En in, vantung leh vantung a sangpen in nang hong huam zo lo hi; keima lamsa hih inn in bangzahin nang hong huam zo lo zaw kan ding ahi hiam!

Isaiah 57:15

Bang hang hiam cih leh a sang, a lian, tawntung sunga a teeng Pa, ama min Siangtho ahi pa in hih bangin ci hi: “Keimah in a sangna mun leh a siangtho munah ka om a, a kiniamkhiat mite’ lungsim leh a kisik mite’ lungsim a thakhauhsak kik dingin kisikna leh kiniamkhiatna lungsim a neite tawh zong ka omkhawm hi.

Isaiah 66:1

Topa in hih bangin ci hi: “Vantung in keima tokhom hi a, leitung in keima khe ngakna ahi hi; kei’ adingin koi lai-ah inn lam ding a, keima tawlngakna mun koi lai ahi hiam?

Late 10:11

Ama lungsim sungah, “Hih pen, Pasian in mangngilh hi, a mai seel hi, en lo ding hi,” ci-in ngaihsun hi.

2 KHANG TANGTHU NIHNATE 6:18

“Ahih hangin Pasian in mite tawh leitungah hong teeng takpi ding ahi hiam? En in, vantung leh a sangpen vantung in nang hong huam zo lo hi; hih keima lamsa inn in hong huam zo lo zawkan ding hi!

Efesa 1:23

Tua pawlpi in na khempeuh, na khempeuh tawh a kicing sakpa’ kicin’na a hi Khazih’ pumpi ahi hi.

2 KHANG TANGTHU NIHNATE 2:6

Ahih hangin vantung, a sangpen vantung nangawn in amah huam zo lo ahih manin ama adingin kua in inn lam zo ding ahi hiam? Ama mai-ah paknamtui hal nading cih sim loh ama adingin inn a lamsak dingin kei in kua ka hi hiam?

Daniel 4:35

Amah in leitung mite bang mahin a sim kei a; vantung mite leh leitung mite in, ama’ khut nuai ahi hi. Ama deihna kuamah in nial thei lo a, A bawl nate kuamah in ahang a kan thei kei hi.

Ezekiel 9:9

Tua ciangin amah in hong dawng a, “Israel mite leh Judah mite’ mawhna nak liat mahmah hi. Gam sung khempeuh mi thahna tawh kidimsak uh a, Jerusalem khuapi, siatna namkim tawh kidimsak uh hi. Amaute in, ‘Topa in i gam susia khin a, Topa in eite hong mu lo hi,’ ci uh hi.

Ezekiel 8:12

Tua ciangin amah in, “Ezekiel aw, Israel mite in a kimu lo mun-a a gamtatnate uh tu-in na mu hiam? Amaute in milim a dimna inn sungah biakna bawl uh hi. Amaute in, ‘Topa in hong mu lo hi. Topa in hih gam nusia khin ta hi,’ ci-in paulap zong uh hi,” hong ci hi.

Jeremiah 49:10

Ahih hangin Esau’ suan le khakte khempeuh ka guaksuak sak a, a bukna munte uh ka kilangkhia sak hi; tua ahih manin a bu thei nawn kei uh hi. A tate uh, a sanggamte uh leh a innvengte uh, si khin a, khat beek a suakta kei hi.

Late 148:13

Topa’ min phatsak un, bang hang hiam cih leh ama min bek lian a, ama minthan’na in leitung leh vantung sangin sangzaw lai hi.

Piancilna 16:13

Tua ahih ciangin ama' tungah thu a gen Topa pen, “Nang in a mu thei Pasian khat na hi hi,” ci hi. Bang hang hiam cih leh amah in, “Keimah in Pasian mu khin taktakin amah ka muh khit ciangin hing lai hilo ka hi hiam?” ci hi.

Hebru 4:13

Tua tham loin, eite thu hong khenpa mai-ah a kilang lo na khat beek a om kei hi; na khempeuh a liah a dal om loin Pasian mai-ah kipho laakin a om hi.

JOB (Job) 34:21

“Pasian in mihingte gamtatna khempeuh hong encik a, i kalsuanna themno dongin hong mu khin hi.

JOB (Job) 34:22

Gamtatsia mite a buk theih nadingun a seel zo ding, khuamial khuazing koi mah-ah om lo hi.

Jeremiah 16:17

Bang hang hiam cih leh a omdan khempeuh uh ka mit-in ka mu a, kei’ kiang pana a kiseel bangmah om lo hi. A khialhna khempeuh uh zong ka mit panin a kiseel kei hi.

Jeremiah 32:19

na ngimnate lian mahmah a, na sepnate thupi mahmah hi. Mite’ nuntakzia khempeuh na mu a, amau’ nuntakdan leh a nasepna gahte tung tawnin mi khempeuh’ tungah thaman na pia kim hi.

Daniel 2:22

Amah in thu thukpite leh thu simte a lakkhia hi. Amah in khuamial sunga kiselte thei a, amah khuavak in a umcih hi.

Late 139:8

Vantungah kahto leng tua lai-ah nang na om a, Leinuai misite gamah lupna bawl ta leng zong tua lai-ah nang na om veve ding hi.