Jeremiah 23:22 - Tedim Bible

²² Ahih hangin amaute in ka lungsim tawng dong thei uh hi leh ka thu gente ka mite tungah a tangko ding uh a, a nuntakna hoihlote panin kikhel sakin, a gamtat hoih lote panin zong a kikhelsak khin zo ding uh hi.

Tedim Bible Revision 2017

²² Ahih hangin amaute in keima lungsim tawng hong thei uh hileh keima thugente ka mite tungah taangko ding uh a, a nuntakna uh a hoih lote panin kikhelsakin, a gamtat hoih lote uh panin zong kikhelsak khinzo ding uh hi.

Jeremiah 23:22 Referans Kwoze

Zekhariah 1:4

Na pu na pate uh bang nawn kei un. Nidanga kamsangte in amaute kiangah ka thu gen uh a, gamtatsia gamta loin, a mawh nawn lohna ding uh hilh uh hi. Ahi zongin amaute in ka thu ngai nuam loin, ka thu hong mang lo uh hi.

Jeremiah 25:5

Amaute in, ‘Tu-in na vekpi-un na giltohna uh leh na gamtat khialhnate uh panin na kihei uh leh Topa in note leh tanglai-a na pute na pate uh tungah na neih tawntung ding uh a, a hong piak gam sungah na teeng thei ding uh hi.

Jeremiah 23:18

Amaute’ lakah kua in Topa tawh thu kikum khawm ngei-a, a thu gennate va thei ngei, va za ngei ahi hiam? Kua in ama’ kammal va ngai ngei a, va thupi ngaihsut ngei ahi hiam?

Sawltak 20:27

Bang hang hiam na cih uh leh, Pasian’ thu buppi note kiangah gen dingin ka pelh kei hi.

Ezekiel 13:22

Keima gen hilo pi-in, na thu zuau gen teng uh tawh mi hoihte na lunggimsak uh a, mi gilote a nuntak theih nadingun hong kihei loh nadingin na lehhanthot zawsop uh hi.

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna-uh panin kihei un la, na gamtat hoihlote uh kipuah pha un. pasian dangte nung delh loin, ama’ na na sep kei uh leh note leh na pute na pate’ kianga kong piak gam sungah na teeng ding uh hi,’ ci-in hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

1 THESALONIKA MASA 5:6

Tua ahih ciangin adang mite a ihmut bangun eite ihmu loin, pilvangin kikem ni.

Ezekiel 3:17

“Ezekiel aw, Israel minamte’ galvilpa dingin nang kong koih hi. Nangma tungah ka hong gen hilhkholhnate khempeuh amaute tungah na gen sawn ding hi.

Ezekiel 2:7

Amaute in hong mang a, hong mang kei zongin, nang tungah kong gen khempeuh amaute tungah va gen in. Amaute pen a lehdo thei mi ahihna uh phawk in.

Ezekiel 18:30

“Topa Pasian ahi keimah in note kiangah kong genin ah: Israel mite aw, na gamtatnasa bang ciatun thu kong khen ding hi. Kisik kikin na gamtatsiatna khempeuh panun khawl un la, na mawhna bangun kisiasak kei un.

Jeremiah 36:3

Judah mite in amau tunga tun’sak dinga ka ngaihsut siatna khempeuh za-in mi khempeuh in a siatna lampi-uh panin kiheina-in a nei kha thei ding uh a, keimah in zong amau’ khialhna leh amau’ mawhnate ka maisak kha thei ding hi,” a ci hi.

Jeremiah 9:12

Hih thu a tel thei ding mipil kua ahi hiam? Hih thu a genkhia dingin Topa in kua hopih na hi hiam? Kuamah in hih gam a kantan nawn loh nadingin bang hangin kisia-in gamlak tawh kibang ahi hiam?

Jeremiah 23:14

Ahih hangin Jerusalem khua-a kamsangte sungah a mulkimhuai zaw na khat ka mu hi. Angkawmin zuauthu a gen uh a, mite a gitlohna uh pan a kikhel loh nadingin mi hoihlote a hanthawn zawlai uh hi. A vekpiun kei’ muhna-ah Sodom khua mite tawh kibang khin ka sa a, Gomorrah khua mite tawh zong kilamdang lo uh hi.

Ezekiel 13:5

Amaute in kulh a kicipna munte cing lo uh a, a kicimte ciangkik lo uh ahih manin Topa’ ni-in gal hong tun’ ciangin Israelte hu zo lo uh hi.

Amos 3:7

Topa Pasian in ama nasem kamsangte tungah, ama geelna theisak lopi-in bangmah hih het lo hi.

Malakhi 2:6

Amaute in thuman taktakte mah hilhin gen uh a, amaute’ kam panin zuauna thu ging khia lo hi. Ka deihna bangin amaute gamta uh a, a khial ding mi tampite, thuman lamah paisak uh hi.