Jeremiah 23:21 - Tedim Bible

²¹ Topa in, “Keimah in ka sawlkhiat hi lo napi-in tua kamsangte a kuankhia teitei uh hi. Thu bangmah ka gen lohpi, kei’ min-in thu a gen mawkmawk uh hi.

Tedim Bible Revision 2017

²¹ Topa in, “Keimah in sawl khia lo napi-in tua kamsangte kuan khia teitei uh hi. Thu bangmah ka gen lohpi, keiʼ min paulamin thu a gen mawkmawk uh hi.

Jeremiah 23:21 Referans Kwoze

Jeremiah 14:14

Tua ciangin Topa in, “Tua kamsangte in kei’ min suang-in zuauthu hong gen uh hi. Amaute ka sawl kei a, thu ka pia kei a, zong ka hopih kei hi. Note kianga hong gen uh thute a manlo mangmuhna, bangmah kimang lo aisanna leh amau leh amau’ lungsim kikhem tawmna thute ahi hi.

Jeremiah 27:15

Topa in kong cih-inah, keimah in amaute ka sawl kei hi. Ahih hangin amaute in kei’ min tawh a man lopi-in thu hilh uh a, tua hangin note leh note’ kianga thu hong hilh kamsangte kong hawlkhia khawm ding a, na si ding uh hi,” ci-in ka gen hi.

Jeremiah 23:32

En un, Topa in kong gen-inah, ka sawl lohpi zuau mang manin tua thu hilh a, a zuauthu uh leh a kiphatsakna uh tawh ka mite a makaih khialhpih mite’ lang khatah kei ka pang hi. Ka mite adingin, amaute a kiman’na uh themkha beek om lo hi, Topa in kong ci hi.

Sawltak 13:4

Tua bangin Kha Siangtho in amaute pai sak a, Seleukia khua-ah a paisuk uh hi. Tua khua panin teembaw tuangin Saipras gamah a tung uh hi.

Johan 20:21

Zeisu in khatvei, “Nopna na ngah ta un, Pa in kei hong sawl bangin note kong sawl hi,” a ci kik hi.

Jeremiah 29:31

“Sal tang mi khempeuhte kiangah Nehelam khuami Shemai-ah tawh kisai-in Topa in kong cih-inah: Kong sawl lohpi Shemai-ah in note kiangah thu hong gen a, zuauthu hong um sak ahih manin,

Jeremiah 29:9

Bang hang hiam cih leh ka min tawh no’ tunga hong gen uh thute zuauthu hi a, ka sawl lohpi ahi uh hi, Topa in kong ci hi.

Jeremiah 28:15

Tua ciangin kamsangpa Jeremiah in zong Hananiah kamsangpa kiangah, “Na ngai in, Hananiah aw! Topa in nang hong sawl lohpi, hih mite zuauthu na umsak hi.

Isaiah 6:8

Tua ciangin, “Kua sawl ding a, eite’ adingin kua va pai ding ahi hiam?” Topa’ cihna aw ka za hi. Tua ciangin ke’n, “Hi lai-ah kei om ing! Kei hong sawl in,” ka ci hi.

ROM (Romans) 10:15

A kisawl kei leh, bang ci a hilh thei ding hiam? Lai Siangtho sungah a kigelh mah bangin, “Nopna Lungdamna Thu hong zasak mite’ khe in bang zahin kilawm ahi hiam!”

Jeremiah 27:14

Babilon kumpipa’ na sem kei un, ci-a note’ kiang-a hong gen kamsangte’ thu gennate um kei un. Bang hang hiam cih leh note kiang-a hong gen uh thu in zuauthu ahi hi.

Jeremiah 29:8

A vanglian Topa, Israel mite’ Pasian in kong gen-inah: note lak-a om na kamsangte uh leh na aisan theite uh’ khem sa-in ta kei un la, a mang mat hong gente uh na ngai kei un.