Jeremiah 23:20 - Tedim Bible

²⁰ A lungsim sunga a tupna teng a tangtun’ sak matengin, Topa’ hehna kilehkik lo ding hi. Hong pai lai ding hunte ah note in siang takin na telzaw semsem ding uh hi.

Tedim Bible Revision 2017

²⁰ A lungsim sunga a tupna teng a tangtunsak matengin Topaʼ hehna damkik lo ding hi. Hong pai lai ding hunte ah note in siangtakin na tel zaw semsem ding uh hi.

Jeremiah 23:20 Referans Kwoze

Jeremiah 30:24

A lungsim sunga a tupna teng a tangtun’sak matengin, Topa’ hehna a lauhuaipi kilehkik lo ding hi. Hong pai lai ding hunte ah note in na telzaw semsem ding uh hi.

Isaiah 55:11

keima kam panin a paikhia ka thu zong tua mah bang ding hi; a hawmpi-in kei kiangah hong tungkik lo ding a, keima ngimna-sa bangin tangtung sakin, amah ka sawlna thu tangtun’ ding hi.

Zekhariah 1:6

Ahi zongin ka nasem ahi kamsangte’ tung tawnin ka hilhkholhna leh ka thupiaknate in note dongin hong su kha lo ding sa na hi uh hiam? Tua ahih ciangin a tawpna-ah amaute kisik uh a, hih dinga ka lungsimah ka geelsa bangin amau’ gamtatna tawh kizui-in daan ka piakna thu phawk uh hi,’ ci in,” a ci hi.

Isaiah 14:24

Vanglianpen Topa kiciam khin a: “Ka geelsa bangin piang ding a, ka ngimsa bangin kip ding hi,

Paunak 21:30

Pilna, theihna, thugennate in, Topa’ mai-ah bangmah man lo hi.

Piancilna 49:1

Tua ciangin Jakob in a tapate sam a, “A hong tung ding hunte ah note tunga hong tung ding thu kong gen theih nadingin note hong kikhawm un.

2 KUMPI NIHNATE 23:26

Manasseh in amah a phinna ahi hih phinnate khempeuh hangin Judah tungah ama hehna, a lauhuai hih hehna lian panin Topa kihei nai lo hi.

1 KUMPI MASATE 8:47

ahi zongin amaute in a kipuak khiatna leitungah amaute in a lungsim uhah tua thu ngaihsunin kisikkik a, ‘Kote khialin lam pialin ka gitloh tat uh hi,’ ci-in amaute a mante’ leitang panin nang tungah hong thuum uh a,

Thu-hilhkikna 4:30

Note in gimna thuakin, mai lam hunah hih nate khempeuh no tungah hong tun’ ciangin, Topa na Pasian uh lamah kihei-in ama thu na mang ding uh hi,

2 KUMPI NIHNATE 23:27

Topa in, “Israel ka khinkhiat bangin ka muhna panin Judah zong ka khinkhia ding a, keimah in ka teelsa khuapi Jerusalem, leh ka min om ding hi, ka cihna inn ka paaikhia ding hi,” a ci hi.

Jeremiah 4:28

Tua hangin leitung kap ding a, vantung a mial ding hi. Bang hang hiam cih leh ka gensa, ka khensat sa hi-a, ka kisikkik loh bangin ka lungsim zong ka khelkik kei ding hi,” a ci hi.

Jeremiah 51:12

Babilon khua kulhpi tungah dial khai un; galvil ding tampi koih un. Cing sak un la, galte buk sim dingin kithawi un. Bang hang hiam cih leh Babilon khua mite tawh kisai-a Topa in a gensa teng, a geel khin zo a, a sem khin zo hi.

Ezekiel 21:5

Topa ahi keimah in namsau ka dawh khitna leh a paai-ah ka siatkik loh nading thu mi khempeuh in thei ding uh hi,’ ci-in gen in.

Ezekiel 21:10

Mi thah nadingin kitat hiam sitset a, khuaphia bangin a tee zialzial dingin kipuah hi. Note in thuhilhna ngai nuam lo na hih manun, kuamah in tua namsau kho thei lo hi.