Jeremiah 23:12 - Tedim Bible

¹² Tua ahih manin amaute’ lampi in, khuamial lak lam nal-a pai tawh a kibang ding a, amaute kinawhkhia gawpin a tuk ding uh hi. Bang hang hiam cih leh amaute’ thuakna hun hong tun’ ciangin amaute’ tungah gimna ka tung sak ding hi, Topa in kong ci hi.

Tedim Bible Revision 2017

¹² Tua ahih manin amauteʼ lampi pen khuamial lak lamnal hi dinga, amaute kinot khia gawpin a tuk ding uh hi. Bang hang hiam cih leh amauteʼ gimthuak ding hun hong tun ciangin amaute tungah gimna ka tungsak ding hi, Topa in kong ci hi.

Jeremiah 23:12 Referans Kwoze

Jeremiah 13:16

Topa in khua mialsak a, khuamialna mual tungah na tuk ma-un na lamet uh khuavak pen khua mial bikbek a suah ma-in, Topa na Pasian uh pahtawi un.

Jeremiah 11:23

Anathoth khua mite tungah siatna tungsak a, ka daantah hun ciangin a nungta lai kuamah a om nawn kei ding hi,” a ci hi.

Paunak 4:19

Migilote’ lampi ahih leh zan khuamial bangin mial a, amaute a tuksak, a suihkhak nate nangawn mu thei lo uh hi.

Late 35:6

Topa’ vantungmi’ delhna-ah a taina lampi uh mial-in nal sak in.

Johan 12:35

Tua ciangin Zeisu in, “Khuavakna in note kiangah tawlkhat a om lai ding hi. Khuamial in no hong lap loh nadingin khuavak a om lai takin na pai un. Khuamial lakah a pai mi in a tun’na ding a thei kei hi.”

Isaiah 8:22

amaute in lei lak a et suk hangun, lungkhamna leh khumialna, lungzing-a gimna bek om hi; khuamial ngeungau sungah amaute kihawlkhia ding hi.

Late 73:18

Nangmah in amaute mun nalna-ah na koih takpi a, a sia dingin amaute na tuksak hi.

Paikhiatna 32:34

Ahih hangin tu-in pai in, nang' tunga kong gensa mun-ah mite paipih in; en in, na mai-ah ka vantungmi pai ding hi. Ahi zongin ka thukkik ni ciangin amau' khialhna amau' tungah ka thuk ding hi,” a ci hi.

Juda 1:13

amau zumna thu a phuansak tui kilok gilo bang ahi zongin, khuamial pha mahmah a tawntungin amaute ading a kikoih khol a, a om aksi leeng bang ahi zongin a suak uh hi.

1 JOHAN MASA 2:11

A u a nau a mudah mi in khuamial sungah om a, khuamial sungah zong lam pai-in a gamta hi. Khuamial in ama mit khua musak thei lo a, a paina mun a thei kei hi.

Micah 7:4

Amaute lakah a hoih pen a, kineite lingkung bang hi a, a thutang pen a, kineite, linghiam bang hi lel uh hi. Pasian in amaute a hilhkholh bangin, a daan piak ding hun hong tung ta a, a lungman’ ding hun uh hi ta hi.

Jeremiah 50:27

A galkap hangte khempeuh uh thahsak un. Amaute in gimna a thuak ding uh hi, a thuak ni ding uh hun hong tung zo hi.

Jeremiah 48:44

Lauhuaina pana a taisim mite dum sungah a kia ding hi. Dum sung pan a, a hong kah khia mite, thang ah a awk veve ding hi. Bang hang hiam cih leh Moab ka daantah ni-in hih nate ka tung sak ding hi, Topa in kong ci hi.

JOB (Job) 18:18

A nungtate’ gam panin amah kihawl khia ding a, khuavakna mun panin khuamialna-ah kihawl khia ding hi.

Thu-hilhkikna 32:35

Phulakna leh thukkikna kei’ aa ahi hi, a hun ciangin amaute puk ding uh hi; bang hang hiam cih leh amau’ gim ngah hun ding hong nai a, amau’ siat nading hong tung pah hi.

Late 82:5

Amaute in thu-theihna ahi a, thutelna ahi zongin nei lo uh a, amaute khuamial sungah gamta uh hi; leitung bulpite khempeuh kiling hi.

Kah la 2:20

Topa aw hong en in. Na bawlsiat mite hong en dih in. Nupite in a it a tate’ sa uh ne tanghial uh hi. Siampite leh kamsangte in Biakinnpi sung mahmah ah thahna thuak uh hi.

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh hi; kisuang thei beek lo uh hi. Tua ahih manin a site’ lak mahah amau zong a si ding uh a, ka daantah ni ciangin a kilawnkhia ding uh hi, Topa in kong ci hi.