Jeremiah 22:9 - Tedim Bible

⁹ Tua ciangin, “A Pasian uh Topa’ thuciamna taisan uh a, pasian dang peuh bia-in a na a sepsak man uh ahi hi,” ci-in a kidawng kik ding uh hi,’ va ci in,” hong ci hi.

Tedim Bible Revision 2017

⁹ Tua ciangin, ‘A Pasian uh Topaʼ thuciamna taisan uh a, pasian dang peuh bia-in a na a sepsak man uh ahi hi,’ ci-in a kidawngkik ding uh hi, va ci in,” hong ci hi.

Jeremiah 22:9 Referans Kwoze

2 KHANG TANGTHU NIHNATE 34:25

Amaute in amau’ gamtatna tawh kei hong hehsak theih nadingun amaute in kei hong nusia in, pasian dangte tungah paknamtui hal uh ahih manin hih mun tungah ka hehna kisungin dai lo ding hi.

2 KUMPI NIHNATE 22:17

Bang hang hiam cih leh amaute in kei hong nusia-in pasian dangte tungah paknamtui hal uh a, amau’ khut tawh a bawl milimte tawh kei hong hehsak uh ahih manin hih mun tungah ka hehna kitawhkuang ding a, kimitsak lo ding hi.

Jeremiah 50:7

Amau a mute in na negawp uh hi. A galte un, ‘Ko bangmah khialhna ka nei kei uh hi. Bang hang hiam cih leh a pute a pate uh a muan’ leh a lametna uh ahi Topa’ tungah amaute a mawh uh hi,’ a ci uh hi.

1 KUMPI MASATE 9:8

Tua ciangin hih inn in nin bulomtang suak ding hi; a nawk kha mi khempeuh in lamdang sa-in ee! ci ding uh hi; amaute in, ‘Bang hangin Topa in hih leitang leh hih inn hih bangin hih hiam? ci ding uh hi.

Jeremiah 9:13

Topa in, “Amaute in a mai uh-a ka lah ka thukham a nusia uh a, ka thu hong mang loin ka cih bangin ta lo uh a,

Jeremiah 11:3

Topa, Israel mite’ Pasian in kong cih-inah, hih thuciamna a mang lo mi peuhmah in haamsiatna thuak ta hen, ci-in va gen in.

Jeremiah 16:11

Tua ciangin nangmah in amaute’ kiangah, ‘Topa in, “Na pu na pate un kei hong taisan khin uh a, kei hong nusia-in ka thukham a zui kei uh hi.

Ezekiel 5:15

Note tungah hehin sinsona tawh daan kong piak ciangin na kiim uh a, om minam dangte khempeuh lau ding uh hi. Amaute in note hong muhdah etin hong simmawh bawl ding uh hi.

Ezekiel 12:16

Ahi zongin gal sung, kialpi leh natna sung panin tawm khat ka suaktasak dinga minam dangte’ lak-a a omna mun panun a gamtatnasate uh a muhdahhuaina phawkin, keimah in Topa ka hihna thu hong thei ding uh hi,” hong ci hi.

Ezekiel 14:23

Amaute’ gitlohna zia na muh ciangin ka hihnate khempeuh a kilawm mah ahihna na phawk ding hi. Topa Pasian in thu hong gen khin ta hi,” hong ci hi.

Ezekiel 39:23

Tua ciangin kei tungah hong khialhna hangin Israel mite sal suak uh a, amaute nungngatin, a galte uh khut sungah pia-in gal sungah a vekun a sisak ka hihna,

Thu-hilhkikna 29:24

hi hi, minamte khempeuh in bang hangin Topa in hih bangin hih gam bawl ahi hiam? Hih hehna lian in bang a cihnopna ahi hiam?’ ci ding uh hi.

Jeremiah 11:10

Ka thu a ngai nuam lo a pu a pate uh’ mawhna lamah a kileh hei khin zo uh a, pasian dangte’ na sem dingin a zui khin zo uh hi. Israel mite leh Judah mite in a pu a pate uh tawh ka bawlsa uh ka thuciamna a palsat khin zo uh hi.