Jeremiah 22:5 - Tedim Bible

⁵ Ahih hangin note in hih kammalte na ngaih kei uh leh keimah Topa in kong gen-inah, hih in gamlak suaksak dingin ka kiciam hi.

Tedim Bible Revision 2017

⁵ Ahih hangin note in hih thute na zuih kei uh leh keimah Topa in kong genin ah, hih inn gamlak a suaksak dingin ka kiciam hi.

Jeremiah 22:5 Referans Kwoze

Amos 6:8

Topa Pasian thupi takin kiciam khin a, Topa, mihonte’ Pasian in hih bangin ci hi: Israelte’ kiphatsakna ka hua a, a munmuanhuaite uh ka mu nuam kei hi. Tua ahih manin a khuapi leh a sunga om teng, galte khut sungah ka pia ding hi.

Hebru 6:13

Pasian in Abraham thuciamna a piak ciangin, amah sangin a lianzaw tawh ciam ding om lo ahih ciangin amahmah tawh,

Jeremiah 17:27

Ahih hangin ka thu nong ngaih kei uh a, sabbath ni siangthosak loin, sabbath ni-in Jerusalem khua kongpite pan van pua-in nong lutpih uh leh, tua kongpite ka hal ding hi. A mei in Jerusalem khua kumpi innte lawhin a kangtum ding a, mei a kiphelh zo kei ding hi,’ va ci in,” hong ci hi.

Piancilna 22:16

“Keimahmah ka kiciam hi, Topa in ci hi, bang hang hiam cih leh nang in hih thu na bawl khin a, na tapa, na tapa khat bek na humcip kei hi,

Jeremiah 39:8

Khadea mite in kumpipa’ inn leh midangte’ innte a hal uh a, Jerusalem khua kulhpi a susia uh hi.

Isaiah 1:20

Ahih hangin note in kei hong nialin nong lehdo uh leh namsau in note hong vatmai ding hi; bang hang hiam cih leh Topa in hih thu gen khin zo hi.”

Hebru 6:17

Tua ahih ciangin thuciamna a luah ding mite in Pasian’ hanciamna a kikheel zo lo a theih tel nadingun, Pasian in kiciamna tawh a kikham hi.

Hebru 3:18

“Note in keima nopsakna sungah na tum kei ding uh hi,” ci-in ciamsiatna a thuak mite, a thungai lote sim loh, kua mite ahi uh hiam?

Micah 3:12

Tua ahih manin note hangin, lo khawh bangin Zion kikho-in, Jerusalem, nin kipaihna phualpi suak ding a, biakinn omna mual, gamlak suak ding hi.

Late 95:11

Tua ahih ciangin ka nopsakna mun-ah amaute a lut lo dingin sinso kawmin ka kiciam hi.

2 KHANG TANGTHU NIHNATE 7:22

Tua ciangin amaute in, ‘Bang hang hiam cih leh Izipt gam panin amaute a paikhiatpih a pu a pate uh Pasian ahi Topa amaute in nusia uh a, pasian dangte pom uh a, tuate bia-in a na sem uh hi; tua ahih ciangin amah in hih siatna khempeuh amaute tungah tungsak hi,’ ci ding uh hi,” a ci hi.

2 KHANG TANGTHU NIHNATE 7:19

“Ahih hangin note kihei-in, na mai uhah ka koihsa ka thukhamte leh ka thupiaknate nusia a, pai-in pasian dangte’ na semin tuate na biak uh leh,

Mattiu 23:38

En un, na inn uh mi omlo gam simthamin kinusia ding hi.

Jeremiah 26:4

Nangmah in amaute’ kiangah, ‘Topa in hih bangin ci hi: Note in ka thu hong ngai loin, note’ mai-a kong lah sa ka thukham bangin na gamtat kei uh a,

Jeremiah 44:26

Ahih hangin Topa’ thugenna hong ngai un, no Izipt gama om Judah mite aw; en un, Topa in kong cih-inah, Izipt gama om Judah mi khat beek in, ‘Topa a nuntak bangin,’ ci-in ka min zangin a kiciam nawn loh nadingun ka min lianpi tawh ka kiciam khin zo hi.

2 KHANG TANGTHU NIHNATE 7:21

Tua ciangin a minthangsa hih inn a nawkkha khempeuh in lamdangsa-in, ‘Bang hangin hih bangin Topa in hih gam leh hih inn bawl ahi hiam?’ ci ding uh hi.

Jeremiah 12:7

Tua ciangin Topa in, “Ka inn ka nusia khin a, ka luahsa mite ka paaimang ta hi. Ka it mahmah ka mite, a galte’ khut sungah ka pia ta hi.