Jeremiah 22:30 - Tedim Bible

³⁰ Topa in hih bangin ci hi: “Hih pa, taselpa, a khan’ tawntung a gualzo ngeilo pa hi, ci-in ciamteh un. Ama’ suan leh khakte khat beek in David’ tokhom luahin, Judah gam a uk kei ding hi,” a ci hi.

Tedim Bible Revision 2017

³⁰ Topa in hih bangin ci hi: “Hih pa, ta nei lopa, a khan tawntungin a gualzo ngei lopa, ci-in ciamteh un. Ama suanlekhakte khat beek in Davidʼ tokhom luah lo dinga, Judah gam a uk kei ding hi,” a ci hi.

Jeremiah 22:30 Referans Kwoze

Jeremiah 36:30

Tua ahih ciangin Judah kumpipa Jehoiakim’ thu tawh kisai-in Topa in kong gen-inah, amah in David’ tokhom tunga tu ding suan leh khak a nei kei ding a, ama’ luang in sun laitak-a ni sa kap ding leh zan laitaka vuksan vukngo tuam dingin a kipaaidak ding hi.

Late 94:20

Sih nadinga ngeina a bawl, a gilo gam ukte, nang tawh kipawl thei ding ahi hiam?

Jeremiah 10:21

Bang hang hiam cih leh makaite hai khin uh a, Topa’ deihna dong lo uh hi; tua hangin amaute maapai lo uh a, a mite uh kikhenthang mang hi.

Jeremiah 2:37

Nangmah in zong tua gam panin maizumna tawh na lu tungah khut koih sa-in nong paikhia ding hi; bang hang hiam cih leh na muan’ mite Topa in ka nial zo-a, amaute’ hangin na zo ngei kei ding hi.

Jeremiah 22:2

David’ tokhom tunga tu Judah kumpipa aw, nang leh na nasemte akipan hih kongpi-a hong lut na gammite khempeuh in Topa kammal ngai dih un.

Jeremiah 29:32

Topa in kong cih-inah: En un, keimah in Nehelam khuami Shemai-ah leh a suan a khakte daan ka tat ding hi. Amah in keimah hong langpan nading thu gen ahih manin ka mite ading-a a hoih ka bawl ding nate, amah leh a suan a khakte khat beek in a mu kei ding uh hi,” Topa in kong ci hi,” a ci hi.

Jeremiah 52:10

Riblah khua-ah Babilon kumpipa in Zedekiah’ muh mahin a tate a thahlup sak a, Judah gam kumpi ulian khempeuh zong a thatlum hi.

JOB (Job) 18:19

Amah in suan-le-khak nei lo a, a teen’nasa mun-ah ama gui zom ding om lo hi.