Jeremiah 22:26 - Tedim Bible

²⁶ Nangmah leh nang hong paai na nu, na suahna mun a hi lo gam dangah kong lawnkhia ding a, tua lai takah na si ding uh hi.

Tedim Bible Revision 2017

²⁶ Nangmah le nang hong paii na nu, na suahna mun uh ahi lo gam dangah kong lawn khia dinga, tua laitak ah na si ding uh hi.

Jeremiah 22:26 Referans Kwoze

2 KUMPI NIHNATE 24:15

Amah in Babilon ah Jehoiakhin a ciahpih hi; kumpipa’ nu, kumpipa’ zite, ama nuai-ah a zaneite, leh tua gam sung ukpite, Jerusalem panin Babilon ah amah in galmatin la hi.

Isaiah 22:17

En in, nang mi thahatpa aw, Topa in nang hong lawnkhia gawp ding hi. Amah in nakpi takin nang hong lenin,

2 KUMPI NIHNATE 24:8

Jehoiakhin kumpi a suahin kum sawm-le-giat pha a, amah in Jerusalem ah kha thum sung uk hi. Ama nu’ min in Nehusta hi a, Jerusalem khuami Elnathan’ tanu ahi hi.

Jeremiah 10:18

Bang hang hiam cih leh Topa in, “En un, tu-in hih gam sunga teeng mite ka lawnkhia ding a, a theih nadingun a tung uhah lungkhamna ka tungsak ding hi,” a ci hi.

Jeremiah 13:18

Kumpipa leh a nu’ kiangah, “Na kumpi tokhomte tung panin hong tuaksuk un, bang hang hiam cih leh na kumpi lukhute uh na lu tung pan-un kiakhin zo hi,” va ci un.

Jeremiah 16:13

Tua ahih manin hih gam panin note leh na pu na pate un na theih ngei nai loh uh gamah kong nawhkhia ding hi. Tua lai-ah sun-le-zan-in pasian dangte’ na na sem niloh ding uh hi; bang hang hiam na cih uh leh note kong ang-van nawn kei ding hi,” a ci hi,’ na ci ding hi.

Jeremiah 22:27

Na ciahkik nopna gam uhah na ciahkik thei nawn kei ding uh hi,” a ci hi.

Jeremiah 28:4

Jehoiakim’ tapa Judah kimpipa Jekoniah leh Judah gam pana Babilon-a sal a, a paite khempeuh zong hih munah ka la kik ding hi, Topa in hong ci hi. Bang hang hiam cih leh Babilon kumpipa’ hakkol ka kuaitan ding hi, a ci hi,” hong ci hi.

Jeremiah 29:2

Tua hunin Jekoniah kumpipa leh a nu, a kumpi inn mangte, Judah gam leh Jerusalem khua-a makai upate, khutsiamte leh sik sekte, Jerusalem khua panin kipaikhiatpih khin zo hi.

Jeremiah 44:14

Izipt gamah pai-a a teeng Judah mi a om laite in a zuatkik nop uh ahi Judah gamah ciahkik thei nawn loin khat beek suakta loin, zong a nungta suak kei ding uh hi. Galtai pawl khat longal khat beek a suakta kei ding uh hi,” a ci hi.

2 KUMPI NIHNATE 25:27

Judah kumpipa Jehoiakhin thong sungah a om zawh kum sawmthum-le-sagihna kum, kha sawm-le-nihna, tua kha in sawmnih-le-sagih ni, Babilon kumpipa Evil-merodak in uk ding a kipat kumin, hehpihna tawh thong panin Judah kumpipa Jehoiakhin khah hi;

2 KUMPI NIHNATE 25:29

Tua ahih ciangin Jehoiakhin in a thong puante suahkhia hi. Tua ciangin a nuntak sung ni simin kumpipa’ sabuai ah a manmanin an ne hi;

2 KUMPI NIHNATE 25:30

tua ciangin ama ngah thuap dingin, amah a nuntak sung tawntung ni simin tanh khat, a manman a, ngahthuapna ama tungah kumpipa in pia hi.