Jeremiah 22:24 - Tedim Bible

²⁴ Topa in Jehoiakim’ tapa Judah kumpipa Jekoniah’ tungah, “Kei a nungta Pasian ka hih mah bangin, nangmah in ka taklam khut-a khut zungbuh na hih hangin nang kong lakhia ding a,

Tedim Bible Revision 2017

²⁴ Topa in Jehoiakim tapa Judah kumpipa Jehoiakhin tungah, “Kei a nungta Pasian ka hih mah bangin, nangmah in ka taklam khut ah a om ka letmatthuhna tawh a kibang na hih hangin nang kong la khia dinga,

Jeremiah 22:24 Referans Kwoze

Jeremiah 37:1

Babilon kumpipa Nebukhadnezzar in Jehoiakim’ tapa Koniah’ taangin Judah gam uk dingin Josiah’ tapa Zedekiah a koih hi.

Solomon la 8:6

Kei sim loh, kuamah ngai kei in la, kei sim loh, kuamah na ang-ah kawi kei in. Itna in sihna zahin thahat a, ngaihna in sihna zahin khauh hi. Itna in mei bangin kuangkhia a, meikuang lianpen a suak hi.

1 KHANG TANGTHU MASATE 3:16

Jehoiakim’ suan leh khakte in: A tapa Jekoniah leh Zedekiah ahi uh hi;

Haggai 2:23

Ka nasem Zerubbabel aw, tua ni ciangin nang hong la-in ka min gelhna zungbuhin kong bawl ding hi. Bang hang hiam cih leh nang in ka hong teelpa na hi hi, Vanglianpen Topa in ci hi, ci-in gen in,” a ci hi.

Jeremiah 22:28

Jekoniah in kuama’ deih loh a kipaimang beel kitam tawh kibang ahi hiam? Bang hangin amah leh a tate kilawnkhia a, a theih loh gamah kipaai mang ahi hiam?

Jeremiah 22:6

Bang hang hiam cih leh Judah kumpi inn tawh kisai-in Topa in kong cih-inah: Nangmah in Gilead gam bangin ahi zongin Lebanon mualvum bangin ahi zongin na hoih hi. Ahih hangin nang sehnel gam kong suaksak ding a, kuamah teen’ lohna khua kong suaksak ding hi.

2 KUMPI NIHNATE 24:12

tua ciangin Judah kumpipa Jehoiakhin in Babilon kumpipa tungah amahmah, ama nu, a nasemte, a uliante, leh a kumpi inn-a zaneite kipia hi. Topa in a genkholhsa bangin Babilon kumpipa in ama uk a kum giatna kumin thongkia-in amah la a, Topa’ inn a, vanmanpha khempeuh, leh kumpipa’ inn a, vanmanpha khempeuh puakhia-in, Israel kumpi Solomon in a bawlsa, Topa’ biakinn sunga kham nazat khempeuh la hi.

2 KUMPI NIHNATE 24:15

Amah in Babilon ah Jehoiakhin a ciahpih hi; kumpipa’ nu, kumpipa’ zite, ama nuai-ah a zaneite, leh tua gam sung ukpite, Jerusalem panin Babilon ah amah in galmatin la hi.

2 KHANG TANGTHU NIHNATE 36:9

Jehoiakhin in uk ding a kipatin kum sawm-le-giat pha a, amah in Jerusalem ah khathum leh nisawm sung uk hi. Amah in Topa’ muhna ah a sia gamta hi.

Isaiah 49:16

Jerusalem aw, ka khut peekte sungah nang kong gelh khin zo a, na kulhpite ka mai-ah om den hi.

Jeremiah 28:4

Jehoiakim’ tapa Judah kimpipa Jekoniah leh Judah gam pana Babilon-a sal a, a paite khempeuh zong hih munah ka la kik ding hi, Topa in hong ci hi. Bang hang hiam cih leh Babilon kumpipa’ hakkol ka kuaitan ding hi, a ci hi,” hong ci hi.

Jeremiah 29:2

Tua hunin Jekoniah kumpipa leh a nu, a kumpi inn mangte, Judah gam leh Jerusalem khua-a makai upate, khutsiamte leh sik sekte, Jerusalem khua panin kipaikhiatpih khin zo hi.

Jeremiah 13:18

Kumpipa leh a nu’ kiangah, “Na kumpi tokhomte tung panin hong tuaksuk un, bang hang hiam cih leh na kumpi lukhute uh na lu tung pan-un kiakhin zo hi,” va ci un.

Jeremiah 24:1

Babilon kumpipa Nebukhadnezzar in Jerusalem khua panin Jehoiakim’ tapa Judah kumpipa Jekoniah leh Judah kumpi uliante, khutsiamte leh siksek siamte, Babilon khua-ah sal dingin a pai khiatpih khit ciangin Topa in hih mang hong musak hi. Topa’ biakinnpi mai-ah theigah bawm nih dim ka mu hi.