Biblia Todo Logo
Bib sou entènèt

- Piblisite -




Jeremiah 22:20 - Tedim Bible

20 Jerusalem khua mite aw, Lebanon Mual tungah kahto un la, awng un; Bashan gamah va kiko un. Abarim mual tungah va kiko un, bang hang hiam cih leh na pawlte un gal a lel khin uh hi.

Gade chapit la Kopi

Tedim Bible Revision 2017

20 Jerusalem khua mite aw, Lebanon Mual tungah kah to-in awng unla, Bashan gamah va kiko un. Abarim mual tungah va kiko un; bang hang hiam cih leh na pawlte un gal lel khin hi.

Gade chapit la Kopi




Jeremiah 22:20
22 Referans Kwoze  

Topa in Moses kiangah, “Hih Abarim mual tungah paito in la, Israel mite tungah ka piak leitang en in.


“Oholibah aw, Topa Pasian ahi keima hong gen thu in: Tu-in nang in hih na lunggulh mite na cimtak ta hi. Ahi zongin nangma tungah amaute ka hehsak ding a, nang a hong umcih dingin ka hong paipih ding hi.


Amah zan khuavakin kap a, a khitui a biang tungah a tak kauhkauh hi. Amah a it ngeite khempeuh a hehnem ding khat beek a om nawn kei hi. A kipawl pihte khempeuh in kheemin, tu in a langpan’ khin ta uh hi.


Tua ahih ciangin a lunggulh mahmah, a it Assiria mite khut sungah amah ka pia hi.


Ka kipawl pihte ka sapsap hangin a hong huh nuam kei uh hi. A nuntak nading uh an a zon’na lamun siampite leh makaite kongzing lakah a si uh hi.


en un, leilu lam-a om minam khempeuhte leh ka nasempa ahi Babilon kumpipa Nebukhadzezzar ka vaikhak ding a, hih gam leh a sunga teeng mi khempeuh leh hih kim-a om gam khempeuh a sim dingin ka va la ding hi. Keimah in amaute ka susia khin mang ding a, amaute a tawntungin siacip-in simmawhna ka thuaksak ding hi, ci-in Topa in kong gen hi.


Na makaite uh huih in hong mut mangsak ding a, na pawlte uh sal-in kiman ding uh hi; tua ciangin na gitlohna uh hangin maizum-in na lunggam ding uh hi.


A kisia ding nangmah in bang cih ding na hi hiam? Puan san silh-a kham tawh na kizep liatluat hangin, na mitte zemin na golsak hangin, a mawkna-a kizem na hi ta hi. Na lawm ngaihte in nang hong paaikhia uh a, hong that nuam uh hi.


Bang hangin na lungsim khel ziauziau na hi hiam? Assiriate in nang hong maizumsak ngei bangin Iziptte in zong hong maizum sak ding uh hi.


Tua ciangin Babilon kumpipa in Izipt Lui panin Eufrates gun dong Izipt kumpipa’ neih khempeuh laksak khin ahih manin Izipt kumpipa a gam panin hong kuankhia kik nawn lo hi.


Jerikho gal lam, Moab sungah a om Nebo Mual, hih Abarim mual tungah kahto in; a neih dingun Israel mite tungah ka piak Kanaan gam en in;


Nang cimawh-in na kiko ciangin na milim kaihkhopte kihonsak in! Huih in amaute mutkhia-in, husan’na in amaute seem khia ding hi. Ahih hangin kei hong beel mi in leitang ngah ding a, ka mual siangtho luah ding hi.


Na khe guakin lam pai kei in la, na dang taksak kei in, kong cih hangin, nangmah in, ‘Bang phamawh hiam? Khual mite ka it a, amau’ nung ka zui ding hi,’ na ci hi.


“Mi khat in a zi ma hen la, tua nu in zong amah nusia-in, pasal dang khat’ zi suak leh, a pasal masa in tua nu la kik thei ding ahi hiam? Tua gam teng a nin suaksak khin ding hilo ahi hiam? Nang in numei paktat suak-in mi tampi tawh kingai khin zo napi cin tu’n kei’ kiang hong zuankik ding na hi hiam? Topa in kong ci hi.


Nangmah hawh nadingin Bashan-a tawsaw singte la uh a, Grik tuikulh pana kila taaksante tawh, na sual ding bawl uh a, saiha pak tawh zem uh hi.


Nangmah in zong tua gam panin maizumna tawh na lu tungah khut koih sa-in nong paikhia ding hi; bang hang hiam cih leh na muan’ mite Topa in ka nial zo-a, amaute’ hangin na zo ngei kei ding hi.


Swiv nou:

Piblisite


Piblisite