Jeremiah 22:2 - Tedim Bible

² David’ tokhom tunga tu Judah kumpipa aw, nang leh na nasemte akipan hih kongpi-a hong lut na gammite khempeuh in Topa kammal ngai dih un.

Tedim Bible Revision 2017

² David tokhom tungah a tu Judah kumpipa aw, nang le na nasemte a kipan hih kongpi ah a hong lut na gam mite khempeuh in Topaʼ kammal ngai dih un.

Jeremiah 22:2 Referans Kwoze

Luka 1:32

Tua ta in milian hi ding a, Sang Bel Pasian’ Tapa kici ding hi. A pa David’ tokhom Pasian in pia ding a,

Jeremiah 22:4

Bang hang hiam na cih uh leh note in hih kammal na ngaih takpi uh leh David’ suante kumpi a suak tawntung ding uh a, amaute, a nasemte uh leh a mite uh sakolleeng leh sakolte’ tungah tuangin hih inn kongpite-ah hong lut ding uh hi.

Isaiah 9:7

Tua huna kipanin a tawntungin David kumpi tokhom tungah maangin ama gam sungah thutan’na leh thumanna phutin a kipsak nadingin, alian semsem ama ukna leh nopsakna in mong nei lo ding hi. Vanglianpen Topa’ deih luatna in hih thu hong tungsak ding hi.

Isaiah 1:10

Sodom a uk mangte aw, Topa’ thu za un! No Gomorrah mite aw, i Pasian’ hilhna ngai un!

Amos 7:16

Tu-in Topa’ thugen ngai in. Israel mite lang khatah ka thugen ding nong kho a, Isaak’ suan leh khakte lang khatah ka thugen ding nong kham hi.

Ezekiel 34:7

“Tua ahih manin no tuucingte aw, Topa ahi keima thugen ngai un:

Jeremiah 36:30

Tua ahih ciangin Judah kumpipa Jehoiakim’ thu tawh kisai-in Topa in kong gen-inah, amah in David’ tokhom tunga tu ding suan leh khak a nei kei ding a, ama’ luang in sun laitak-a ni sa kap ding leh zan laitaka vuksan vukngo tuam dingin a kipaaidak ding hi.

Jeremiah 29:20

Jerusalem khua pana Babilon khua-a kong puakkhiat, no sal tangte khempeuh aw, Topa kammal ngai dih un:

Jeremiah 19:3

Nangmah in, ‘Topa’ kammal ngai un, Judah kumpite leh Jerusalem khua mite aw, a vanglian Topa, Israel mite’ Pasian in hong cih-inah: En un, hih munah kong tun’sak ding siatna lian lua ahih manin a za mi khempeuhte’ bil sungah ging den ding hi.

Jeremiah 13:18

Kumpipa leh a nu’ kiangah, “Na kumpi tokhomte tung panin hong tuaksuk un, bang hang hiam cih leh na kumpi lukhute uh na lu tung pan-un kiakhin zo hi,” va ci un.

Jeremiah 7:2

Topa’ biakinn kongkhakpi kiangah ding in la, hih thu teng va tangko in: Topa bia ding-a kongkhak sung-a hong tum Judah mite aw, Topa’ kammal ngai dih un.

Isaiah 28:14

Tua ahih ciangin Jerusalem khua sungah hih mite a uk, midangte a kote aw, Topa’ thu za un!

1 KUMPI MASATE 22:19

Tua ciangin Mikaiah in, “Tua ahih ciangin Topa’ thu ngai in: Topa a kumpi tokhom tungah tu-in, ama pang a taklam khut leh a vei lamah vantungmi honpi a ding ka mu hi;

Jeremiah 22:1

Topa in hong hopih a, “Judah kumpipa’ innah va paisuk in la, hih bangin va hopih in.

Jeremiah 34:2

“Topa Israel mite’ Pasian in kong cih inah: Judah kumpipa Zedekiah kiangah pai in la, hih bangin va gen in; ‘Topa in hong gen-inah, En in, keimah in hih khuapi Babilon kumpipa’ khut sungah ka pia ding a, amah in mei tawh a hal ding hi.