Jeremiah 22:13 - Tedim Bible

¹³ Thumanlo pi-a inn lam a, zuauthu tawh in dei tungnung a lam mi, a mawkna-a ama’ na a innvengte a semsak mi, a thaman a pia lo mi in gimna thuak ta hen.

Tedim Bible Revision 2017

¹³ Thuman lopi-in inn lam a, zuau thu tawh inn dei tungnung a lam mi, ama na a mawkna-in a inn veengte a semsak mi, thaman a pia lo mi in gimna thuak tahen.

Jeremiah 22:13 Referans Kwoze

Jeim 5:4

Ngai un, note’ lo lai-ah an atte na kheem uh a, a thaman uh pia loin na om uh a hih ciangin tua thaman in kiko-in a om hi. Tua lo-ah a at mite a kikona aw un zong vantungmite’ Topa’ bil sungah a tum zo hi.

Micah 3:10

Mi thahna leh thuman lohna tawh, Pasian’ khuapi, Jerusalem na lam uh hi.

Siampi Laibu 19:13

“Note in na vengte uh na nengniam kei ding uh a, a na na sut kei ding uh hi. A kicial nasempa’ thaman pen a zingsang dong zan tawntung na kemcip kei ding uh hi.

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Jeremiah 22:18

Tua ahih manin Judah kumpipa Josiah’ tapa Jehoiakim’ thu tawh kisai-in Topa in hih bangin kong ci hi: “Amaute in, ‘Sanggampa aw,’ ‘Sanggamnu aw,’ ci-a a sih ciang uh a, a kikah bangun amah a sih ciangin a kah kei ding uh a, ‘Topa aw,’ ‘Kumpipa aw,’ ci-in a kah kei ding uh hi.

2 KHANG TANGTHU NIHNATE 36:4

Tua ciangin Izipt kumpipa in Judah leh Jerusalem tungah a ukin Jehoahaz’ sanggampa Eliakim koih a, ama min Jehoiakim-in khelsak hi; ahih hangin Neko in a sanggampa Jehoahaz la-in Izipt-ah paipih hi.

2 KHANG TANGTHU NIHNATE 36:5

Jehoiakim in uk ding a kipatin kum sawmnih-le-nga pha a, amah in Jerusalem ah kum sawm-le-khat sung uk hi. Amah in Topa a Pasian’ mai-ah a sia gamta hi.

Isaiah 5:8

Leitang tungah amau guak a teeng zah dongin midang’ adingin mun khempeuh a bei matengin inn khat leh khat, lo khat leh khat, gawmin a la thuah tawntung mite in gimna ngah ta hen.

Jeremiah 17:11

Thu manlo pi tawh a hau mi in ama’ tui lopi keuhsak dinga a op sim vasa tawh kibang hi. A khan’ lai-in a neihsa teng a taan ding a, a tawpna-ah mihaipi a suak ding hi.

Thu-hilhkikna 15:13

Na kiang panin a suakta-in na paikhiat sak ciangin khut hawm guakin na paisak kei ding hi;

JOB (Job) 31:39

tua leitang-a piang ante ka nek a, tua lo a khote puksi-in ka omsak taak leh,

Habakkuk 2:12

Note in mi thahna tawh khuapi satin, mawhna tawh khuapi phut na hih manun, gimna na ngah ding uh hi.