Jeremiah 21:14 - Tedim Bible

¹⁴ Na nasepna gahte tawh kituakin nang kong daantat ding hi, Topa in kong ci hi. Tuulak-a sing hoihte tawh a kilam na kumpi innte uh mei tawh kihal ding a, a kimkot khempeuh ka kangtum sak ding hi,” a ci hi.

Tedim Bible Revision 2017

¹⁴ Na gamtatna tawh kizui-in gimna kong pia ding hi, Topa in kong ci hi. Tu lak a sing hoihte tawh a kilam na kumpi innte uh mei tawh kihal dinga, a kimkot khempeuh ka kaang tumsak ding hi,” a ci hi.

Jeremiah 21:14 Referans Kwoze

Jeremiah 32:19

na ngimnate lian mahmah a, na sepnate thupi mahmah hi. Mite’ nuntakzia khempeuh na mu a, amau’ nuntakdan leh a nasepna gahte tung tawnin mi khempeuh’ tungah thaman na pia kim hi.

Paunak 1:31

na gamtatna bangun na thuak ding uh a, nomau’ gamtatna mah in note hong gimsak ding hi.

Jeremiah 52:13

Amah in Topa’ biakinnpi akipan kumpipa’ inn leh Jerusalem khua-a inn lian khempeuh a hal hi.

Jeremiah 17:10

Keimah Topa in mi khempeuh’ nuntak zia leh gamtatna tawh kizui-a piakhia dingin ngaihsutna ka entel a, lungsim ka sittel hi.”

2 KHANG TANGTHU NIHNATE 36:19

Tua ciangin amaute in Pasian’ inn halin Jerusalem kulh nusia uh a, a kumpi inn khempeuh mei tawh halin a um-le-beel manpha khempeuh susia uh hi.

Jeremiah 9:25

“En un, Topa in kong cih-inah, vun ki-at hi napi-a vun ki-at taktak lote khempeuh ka daantah ni hun hong tung ding hi.

Zekhariah 11:1

Mei in na taamtaak kungte a kat theih nadingin, na kongpite hong in, Lebanon aw,

Jeremiah 22:7

Nang’ lang khatah a hong susia ding mi ka kithawisak ding a, a hei uh hong keng ding uh hi. Amaute in na sidar khuam hoihpente hong phuksak ding uh a, mei-ah hong khul sak ding uh hi.

Jeremiah 11:22

a vanglian Topa in “En un, amaute ka daantat ding hi. A tangvalte uh namsau-in a si ding uh a, a tapate leh a tanute uh kial-in a puksi ding uh hi.

Jeremiah 6:29

Nakpi takin pum a kizap hangin a ninte tui thei loin luangkhia lo hi. Pum a kizapzap hangin a mawkna a suak hi, bang hang hiam cih leh mi gilote om lai veve hi.

Isaiah 37:24

Nangmah in na nasempa zangin, Topa na zahko a, Lebanon mual dong pek, mual sangte tungah ka leeng tampite tawh ka pai khin hi; taamtak sing a sang pente, taksing hoih pente ka phuk khin hi; a sang pen mun, tulak a thuk penna munah ka paikhin hi.

Isaiah 24:21

Tua ni ciangin Topa in vantung a, om vangliatnate, leh leitung kumpite daantat ding hi.

Isaiah 10:12

Topa in Zion Mual leh Jerusalem khua-ah ama nasep ding teng a zawh khit ciangin, amah in Assiria kumpipa kihisakin a kisialhna leh a kiphatsakna daantat ding hi.

Isaiah 10:16

Tua ahih ciangin Topa, Vanglianpen Topa in ama mi thahat galkapte lakah natna lianpi tungsak ding a, tua natna in amaute sungah meikuang bangin kuang niloh ding hi.

Jeremiah 11:16

Khat vei lai-in Topa in note, a hing dikdek a gah pha oliv kung tawh kong genteh hi. Ahih hangin kong hal ding a, na hiangte kang tumin a ging huhu ding hi.

Jeremiah 17:27

Ahih hangin ka thu nong ngaih kei uh a, sabbath ni siangthosak loin, sabbath ni-in Jerusalem khua kongpite pan van pua-in nong lutpih uh leh, tua kongpite ka hal ding hi. A mei in Jerusalem khua kumpi innte lawhin a kangtum ding a, mei a kiphelh zo kei ding hi,’ va ci in,” hong ci hi.

Jeremiah 22:1

Topa in hong hopih a, “Judah kumpipa’ innah va paisuk in la, hih bangin va hopih in.

Jeremiah 46:23

Gam pha lua-in a kiphut zawh loh hangin a galte un a singte uh a phukmai sak teitei ding uh hi, Topa in a ci hi. Bang hang hiam cih leh amaute kauphe sangin tamzaw uh a, sim zawh loh zahin tam uh hi.

Jeremiah 50:32

A kisathei gam, hoi-in tuk ding a, kuamah in a phongto kei ding hi. A khuapite mei tawh ka hal ding a, a kim-a om khempeuh a kangtum ding hi.

Kah la 2:3

A hehna tawh Israelte’ tha hatnate hong suksiatsak gawp a, gal in a hong sim ciangin Amah in eite a hong huh nuam kei hi. Meikuang tawh kibangin eite langah hong pang a, na khempeuh a susia hi.

Paunak 12:14

Mite in kamhoih pauna hangin thaman ngah a, a sepna bangun zong thaman ngah hi.

Jeremiah 6:19

Leitung aw, ngai in! En in, hih mite tungah a thuak ding mah uh-a kilawm siatna ka tung sak ding hi; bang hang hiam cih leh ka thu hong ngai lo uh a, ka thukhamte a nial uh hi.

Ezekiel 21:3

Israel gam mite tungah Topa ahi keima thugen, hih bangin gen in: ‘Note ka hong langpan’ hi. Ka namsau dokin, note a sia a pha a kibangin kong that mang khin ding hi.

Micah 7:13

Ahi zongin a tunga teeng mite’ gitlohna hangin, leitung in sehnel gamkhing suak ding hi.