Jeremiah 20:3 - Tedim Bible

³ A zing ciangin Pashhur in a kol bulhna panin Jeremiah a khahkik ciangin Jeremiah in, “Topa in nang Pashhur ci-in hong sam nawn lo a, Mun khempeuhah Launa ci-in hong sam ta hi.

Tedim Bible Revision 2017

³ A zing ciangin Pashhur in a kolbulhna panin Jeremiah a khah khit ciangin Jeremiah in, “Topa in nang, Pashhur ci-in hong sam nawn lo a, ‘Mun Khempeuh ah Launa,’ ci-in hong sam ta hi.

Jeremiah 20:3 Referans Kwoze

Jeremiah 20:10

Mite’ kihuau simna tampi ka za a, mun khempeuh lauhuai hi. Ka lawm itte khempeuh in, ka cihmawh ding hong ngak gige uh a, “A mawhna pulak un! A mawhna pulak ni! Amah i khem zo kha ding hi. Tua hi leh i zo pah ding a, tua ciangin i thukkik ding hi,” a ci uh hi.

Kah la 2:22

Kei hong dipkua sak dingin ka galte pawisiim ding bangin na sam a, amaute in hong umcih uh a, na heh ni-in a suakta zo khat beek a om kei hi. Ka hawmthawh ka it ka tate hong thahsak uh hi.

Jeremiah 46:5

A bangci mawk a hia? Amaute lungmangin lah a nungkik ta uh-a! A galkapte uh kileh hawl a, lau-in taikek mang mawk uh hi. Kinunglehhei kik lo uh hi, mun khempeuh ah launa vive! Topa in a ci hi.

Late 31:13

Hi hi, mi tampi’ kihuauna ka za hi—mun citeng-ah launa om! kei langpangin amaute vaihawm khawmin, thah dingin kei hong sawm uh hi.

Jeremiah 6:25

Gamlakah paikhia kei un la, lampi ah zong pai dah un; bang hang hiam cih leh i galte in namsau a tawi uh a, i kimkot khempeuh lauhuai khin hi.

Isaiah 8:3

Tua ciangin kamsangnu tawh ka lumkhawm a, amah gai-in tapa khat hong nei hi. Tua ciangin Topa in ka tungah, “Ama min pen Mahershalalhasbaz, ci-in phuak in:

Sawltak 16:30

Amah in amaute inn pua-ah a paipih khit ciangin, “Tote aw, gupna ngah nadingin bang ka hih ding hiam?” ci-in a dong hi.

Jeremiah 29:29

Siampipa Zefaniah in hih laikhak kamsangpa Jeremiah’ kiangah a simkhia hi.

Jeremiah 19:6

Tua ahih manin, en un, Topa in kong cih-inah, hih mun pen Tofeth ahi zongin Ben-Hinnom Mualkuam ahi zongin a kicih nawn loh hun hong tung ding hi. Kithahna Mualkuam a kici zaw ding hi.

Jeremiah 19:2

ni suahna lam kongpi gei, Ben-Hinnom Mualkuamah pai-in, tua lai-ah kong gen thute tangko in.

Jeremiah 7:32

Tua ahih manin en un, Topa in kong cih-inah, tua mun pen Tofeth ahi zongin Ben-Hinnom mualkuam ahi zongin a kicih nawn loh hun hong tung ding hi. Kithahna mualkuam a kici zaw ding hi, bang hang hiam cih leh Tofeth ah mun awng om nawn lo zah dongin mi site a kivui ding hi.

Piancilna 32:28

Tua ciangin amah in, “Na min Jakob kici nawn loin Israel kici ding hi, bang hang hiam cih leh Pasian leh mite tawh na kilai khin a, na zo hi,” ci hi.

Piancilna 17:15

Pasian in Abraham’ kiangah, “Na zi Sarai ahih leh, ama' min Sarai na ci nawn kei ding a, ama' min Sarah hi ding hi.

Piancilna 17:5

Na min in Abram hi nawn lo ding a, Abraham hi ding hi; bang hang hiam cih leh minam honpite’ pa-in nang kong bawl khin hi.

Ezekiel 13:9

Zuau thu tawh maangmu kineihin, mite a khialh theih nadingin zuau thu a gen khol no kamsangte daan a hong pia ding ka hi ta hi, Ka mite a kikhop uh ciangin tuate lakah na kihel kei ding uh a, Israel mite’ min a kigelhna lakah note’ min kigelh lo ding hi. Na gam uhah na ciahkik ngei kei ding uh hi. Tua ciangin Topa Pasian ka hihna thu na thei ding uh hi.