Jeremiah 20:2 - Tedim Bible

² Tua ciangin Pashhur in kamsangpa Jeremiah sat a, Topa’ biakinn Benjamin Kongpi sak nungah kol a bulh hi.

Tedim Bible Revision 2017

² Tua ciangin Pashhur in kamsang Jeremiah sat a, Benjamin Kongpi saknung gei, Topaʼ biakinn sungah kol a bulh hi.

Jeremiah 20:2 Referans Kwoze

Jeremiah 37:13

Benjamin Kongpi a tun’ ciangin Shelemiah’ tapa, Hananiah’ tupa Irijah a kici kong cingpa in kamsangpa Jeremiah kiangah, “Nang Khaldea mite lama tai sim ding na hi hi,” ci-in a na man hi.

Zekhariah 14:10

Leilu lam Geba khua panin leitaw lam Rimmon khua dong, leitang khempeuh, zanglei suak ding hi. Ahi zongin Jerusalem khuapi pen bangmah ci loin a sangpi-in om ding a, Benjamin Kongpi pan-a kipan, ni danga kongpi a omnasa Kiu Kongpi dong, leh Hananel Tausang panin kumpipa’ leenggahcilna phual ciang dong ban ding hi.

Jeremiah 1:19

Amaute in nang’ lang khatah hong do ding uh hi. Ahih hangin a hong zo kei ding uh hi; bang hang hiam cih leh, Topa in kong cih-inah, nangmah hong dal dingin kong ompih ding hi,” hong ci hi.

2 KHANG TANGTHU NIHNATE 16:10

Tua ciangin thu-mupa tungah Asa heh a, amah kol bulhin thong sungah koih hi; bang hang hiam cih leh hih thu hangin ama tungah nakpi takin heh hi. Tua hun mahin Asa in mi pawl khat zong gitlohna tawh gimsak hi.

Jeremiah 36:26

Tua ciangin kumpipa in kumpipa’ tapa Jerahme-el tawh, Azriel’ tapa Seraiah tapa, Abde-el’ tapa Shelemiah tawh a sawl a, kumpi thuvanpipa Baruk leh kamsangpa Jeremiah man dingin thu a pia hi. Ahih hangin Topa in amau tegel a seel sim hi.

Jeremiah 29:26

‘Topa in siampi Jehoiada taangin nangmah siampi-in hong koih khin zo a, Topa’ biakinnpi sungah a ukpi ding na hi ta hi. Tua ahih manin thu a hilh mawkmawk kamsang bang a, a gamta mihaite thongkia sakin kol na bulh ding hi.

2 KHANG TANGTHU NIHNATE 24:21

Ahih hangin amaute in amah sawmsim uh a, kumpipa’ thupiakna tawh amaute in Topa’ inn tual-ah suang tawh amah denglum uh hi.

1 KUMPI MASATE 22:27

tua ciangin, ‘Kumpipa in hih bangin ci hi, “Hih mipa thong sungah koih un la, lungnuamin kei kong ciahkik matengin an leh tui tawmno cik bek tawh vaak un,” ci hi,” va ci un,” a ci hi.

Mangmuhna 17:6

Tua numei in zong misiangthote’ sisan ahi zongin, Zeisu’ teci pangte’ sisan ahi zongin dawnin kham a, om ka mu hi. Kei in ka et ciangin lamdang ka sa mahmah hi.

Mangmuhna 2:10

Nang in na thuak ding lai takte kihta kei in. Ze-etna na thuak nadingun note kimkhat Dawimangpa in thong sungah hong khia-in, note in nisawm sung gimna na thuak ding uh hi. Nangmah in sihna na thuak dongin thumanin om in. Tua hi leh, nuntakna kumpilukhu nang kong pia ding hi.

Sawltak 7:52

No na pute na pate un a bawlsiat loh kamsang kua ahi hiam? ‘Midik Pa hong pai ding ci-a a genkholh mite a that uh hi. Tu-in tua Midik Pa a heekte, a thatte na suak zo uh hi.

Sawltak 5:40

Ama kam a ngai uh a, sawltakte a sap khit uh ciangin a sat uh a, Zeisu’ min tawh thuhilh lo dingin a khamcip uh a, a khah uh hi.

Sawltak 5:18

Amaute in sawltakte a mat khit uh ciangin thong sungah a khum uh hi.

Sawltak 4:3

Amaute a mat khit uh ciangin nitak ahih maninah, a zingsang dongin thong sungah a khum uh hi.

Mattiu 21:35

Tua lo khawh lawhte in a nasemte a mat khit uh ciangin, khat sat, khat that, khat suang tawh a deeng uh hi.

Jeremiah 26:8

Mi khempeuh’ tunga Topa in gen dinga a sawl teng Jeremiah in a gen khit ciangin, siampite, kamsangte leh mi khempeuhte in a man uh a, “Nang na si ding hi.

JOB (Job) 13:27

Nangmah in ka khe sikkol nong bulh a, ka kalsuanna khempeuh leh ka khekhap nangawn na entel hi.

2 KHANG TANGTHU NIHNATE 18:23

Tua ciangin Khen-anah’ tapa Zedekiah a nai-ah hong pai-in Mikaiah a paang bengin, “Cik hun akipanin Topa’ Kha in kei hong nusia-in, nang tungah thu hong gen ahi hiam?” a ci hi.

JOB (Job) 33:11

Amah in ka khe kol hong bulh a, ka gamtatna khempeuh hong encik hi,’ na cihna ka za hi.

1 KUMPI MASATE 13:4

Beth-el a, biakna tau langpangin Pasian’ mipa’ thugenna kumpipa in a zak ciangin biakna tau panin Jeroboam in a khut zan a, “Amah lencip un,” a ci hi. Tua ciangin amah langpangin a zankhiat a khut keu cip ahih manin ama pum lamah a khut tonsak kik thei nawn lo hi.

Jeremiah 26:10

Judah gam uk uliante in hih thu a zak uh ciangin kumpipa’ inn sung pan Topa’ biakinnpi ah hong paito uh a, Topa’ biakinnpi lutna Kongpi Thakah a tu uh hi.

Jeremiah 37:21

Tua ahih manin kumpipa Zedekiah in kumpi thonginn sungah a kiat zawk nading thu pia a, khua sunga anlum a bei matengin anlum sai panin ni simin anlum khat ta a piasak den hi. Tua ahih manin kumpipa’ thong sungah Jeremiah a om suak hi.