Jeremiah 20:18 - Tedim Bible

¹⁸ Gimna leh dahna mu ding leh ni sim-a maizum den dingin bang hangin a gil sung panin suak khia sese ka hi hiam?

Tedim Bible Revision 2017

¹⁸ Gimna le dahna a mu ding le nisim a maizum den dingin bang hangin a gil sung panin suak khia sese ka hi hiam?

Jeremiah 20:18 Referans Kwoze

JOB (Job) 3:20

Bang hangin lungkhamna a thuak mipa tungah khuavak kipia a, nuntakna haksa a sa mahmah mipa tungah nuntakna kipia hiam?

Kah la 3:1

Pasian in daan hong piakna zia a thuak khinpa in keimah ka hi hi.

JOB (Job) 14:1

“Mihingte a nuntak hun tom a, lungkhamna tawh kidim hi.

Late 69:19

Keimah hong kisimmawhna, ka maizumna leh ka mindaina nang na thei a, ka galte khempeuh nang na thei hi.

Hebru 13:13

Tua ahih ciangin eite in Topa tawh kosiatna thuakin giahbuk pualam ama kiangah nai ni.

Hebru 12:2

eite upna a piangsakpa a kicingsakpa Zeisu a tel takin enin, i mai-ah a om kitaitehna-ah thakiamsak loin kidem ni. Tua Topa Zeisu in ama mai-ah a koih lungnopna thu hangin zumna ngaihsun loin, singlamteh a thuak khit ciangin Pasian’ tokhom ziat lamah a tu hi.

Hebru 11:36

Kim khatte in kosiatna, satgawpna tham loin, leh-henna, thongkiatnate tawh ze-etna a thuak uh hi.

Hebru 10:36

Bang hang hiam na cih uh leh, Pasian’ deihna bang na nasep khit uh ciangin ama kamciamna na ngah nadingun thuakzawhna lungsim na kisam uh hi.

2 TIMOTI NIHNA 1:12

Tua thu hangah hih gimnate zong ka thuak hi. Ahih hangin ka zum kei hi. Bang hang hiam cih leh, ka uppa ka thei a, ama kiangah ka piak nate zong tua Ni dongin a kem zo ding hi ci-in ka um hi.

Sawltak 5:41

Tua ciangin sawltakte in Zeisu’ min hanga zumhuaina thuak dinga kilawm a kisak manun ah lungdamin, upa vaihawmna pan a paikhia uh hi.

Johan 16:20

Ke’n aman takpi kong cih-inah, note kapin na kiko ding uh hi. Leitung mite ahih leh, a lungdam ding uh hi. Note na dah ding uh hangin, na dahna uh lungdamna a suak ding hi.

Kah la 1:12

A kim a pama pai mi khempeuh kiangah, “Hong en in, kei’ thuak zah a gimna a thuak, Topa in a heh lai taka a hong thuaksak gimna a thuak kei longal midang kuamah om lo hi” ci-in a kiko hi.

Jeremiah 8:18

Ka dahna dam thei lo a, ka lungsim na mahmah hi.

Isaiah 51:7

“Thumanna a thei, na lungsim sung uhah keima thu a vom mite aw, ka thu ngai un; mihingte’ kosiatna kihta kei un la, amaute’ simmawhna hangin lungkia kei un.

Isaiah 1:6

Khe nuai-a kipan lutang dong nangawnin a cidamna om lo a, satnim gawpnate leh meimapite leh si luang liammate om hi; tuate pen a nai kisaal lo, kitun lo, sathau tawh kinomsak lo hi.

JOB (Job) 14:13

Hih gimna tawh ka kipelh theih nadingin nong phawk loh nading mun misite’ gam sungah hong busak in. Misite hing kik thei lo ahih manin, a hingin hong omsak peuh lecin, tua lai-ah ka ut hi. Na hehna a dam ciangin hong phawkkik ding hi peuh lecin, tua lai-ah ka ngak nuam hi.

JOB (Job) 5:7

mei-ek a tolen’ ngei mah bangin mihing in ama lungkham nading mah piangsak hi.

Late 102:3

Bang hang hiam cih leh keima nuntakna, meikhu bangin beimang a, ka pumpi, meikuang bangin a sa hi.

Jeremiah 3:25

Tua ahih manin, zumin lum ni: i minsiatna silh ni. Bang hang hiam cih leh i neulai akipan tu ni ciang dong eite leh i pu i pate in Topa i Pasian’ tungah i mawh khin zo hi. Topa i Pasian’ thu i mang kei khin zo hi,” a ci uh hi.

Jeremiah 15:10

Gimna ka thuak hi, ka nu aw, gamsung khempeuh-a mite tawh kitawng kisel ding a, kei nong suahsak se se! Ka sumte kuamah lah leitawi sak loin kuama’ aa lah leitawi lo napi a vekpi-un kei hong haamsiat teitei uh hi.

Habakkuk 1:3

Bang hangin hih bang siatnate leh lungkhamnate hong musak na hi hiam? Kisuksiatna leh kisukgawpna in hong umcih a, kitotna leh kiseelna, mun citeng ah om hi.

1 KUMPI MASATE 19:4

Ahih hangin amahmah gamlakah ni khat lam pai-in poding kung nuai khatah tu hi; tua ciangin amah in a sih nading ngenin, “Pha zo hi; tu-in Topa aw, ka nuntakna hong la ta in; bang hang hiam cih leh keimah in ka pate sangin ka hoihzaw kei hi,” a ci hi.

Jeremiah 15:18

Bang hangin ka natna dai thei lo a, ka liamna dam thei loin dam ding ut lo ahi hiam? Kei adingin nang, tui a kang lui tawh kibangin hong lungkia sak ding na hi hiam?