Jeremiah 20:16 - Tedim Bible

¹⁶ Topa in hehpih lo-a a lumlet khuapite bangin tuapa hi ta hen. Zing sangin kahna aw za hen la, sun ciangin gal patauhna aw za ta hen.

Tedim Bible Revision 2017

¹⁶ Topa in hehpih loin a lumlet khuapite tawh tua pa kibang tahen. Zingsangin kahna aw za henla, sun ciangin patauhna aw za tahen.

Jeremiah 20:16 Referans Kwoze

Jeremiah 18:22

Amau a thatlum ding galkapte thakhat thu-in paisak in la, amau’ innte panin kahna aw kizasak in! Bang hang hiam cih leh ka kiat nadingin dum a to uh a, ka khete a awk nadingin thang hong siah uh hi.

Thu-hilhkikna 29:23

a gambup in kaat leh ci, leh nin a kangtum, khai kituh lo, bangmah po lo, lopa zong a po zawh lohna mun Sodom leh Gomorrah, Admah leh Zeboi-im bangin a kilawnthal gawp, a hehna leh a sinsona tawh Topa’ lotgawpte tawh kibang hi, ci ding uh hi—

Juda 1:7

Tua mah bangin Sodom leh Gomorrah khuapi akipan a kimkot ah a om khuapite zong tua mite bangin a kihhuai noptatna ah gamta-in, a man lo pumpi’ deihna lungsim zui uh ahih maninah, meikuang tawntung daan thuakin, thu hilhkholh nading lim ahihna uh a kilang hi.

2 PETER NIHNA 2:6

Sodom leh Gomorrah khuapite, mei vut suakin, cip siatna daan thu khen a, a nung ciangin Pasian bia lote adingin limin a koih hi.

Luka 17:29

Ahih hangin Lot in Sodom khua sung pan a taikhiat ni-in, vantung panin mei leh kat guah bangin hong zu a, amaute khempeuh kang gawp hi.

Zefaniah 2:9

Keimah in a nungta Israel Pasian ka hih mah bangin, Moab mite, Sodom khuamite bangin kisusia-in, Ammon mite, Gomorrah khuamite bangin kisusia-in, a gam sung uhah lingkung bek po zoin, a gam uh cikhuk tawh kidimin a sia tawntung suakin, a suakta lai ka mite in a neihsa uh sutin, a gam uh a laksak tak kei leh, ci-in ka kiciam hi,” ci hi.

Zefaniah 1:16

galdo nading peengkul a kitum ni, leh kulh nei khuapite leh a tausangte a kisimna-a galkapte’ kiko ni, hi ding hi.

Jonah 4:2

Topa’ kiangah thungen a, “Kong ngen hi, Topa aw, ka gam sungah ka om lai pekin hi ci mah in teh, ci hilo ka hi hiam? Tarshish khua-ah hanciam-a ka tai simna zong tua hang mah ahi hi; bang hang hiam cih leh nangmah in a hehpih thei Pasian, a heh hak, a migi mahmah, siatna tun’ sak nading a kisik kik nuam Pasian na hihna kong thei hi.

Jonah 3:4

Jonah zong khua sung lam manawh-in kipan-a, nikhat sung lam a pai khit ciangin, “Ni sawmli khit ciangin Nineveh khuapi a kisusia ding hi,” ci-in a kiko hi.

Amos 4:11

Sodom leh Gomorrah khuapite ka suksiat bangin, note pawl khat kong susia hi. Meikhuk panin a kitenkhia, singkhuah khat tawh na kibang uh hi. Tua bang hi napi-in kei lamah nong kihei kei uh hi, Topa in ci hi.

Amos 2:2

Tua ahih ciangin Moab gamsung ka kangsak ding a, Kerioth khuapi munmuanhuai teng kangtum ding hi. Galkapte’ otna leh peengkul kitumna lak, gal kidona gamlum sungah Moab mite si ding uh hi.

Amos 1:14

Tua ahih ciangin Rabbah khuapi kulh ka hal ding a, a mun muanhuai teng kangtum ding hi. Gal do-a kikona aw ging ding a, tua kidona awging khuapi huih nung bang ding hi.

Hosea 11:8

Israel aw, bang ci-a hong nusia thei ding a, bang ci-a hong paidak thei ding ka hi hiam? Bang ci-in Admah khua banga hong bawl ding a, bang ci-in Zeboi-im khua bangin hong bawl ding ka hi hiam? Note hong khasiat mahmah ka hih manin tua banga hih ding ka lungsim ah om lo hi.

Hosea 10:14

gal in na mite uh hong sim ding a, na kulh muanhuaite uh kisusia ding hi. Kumpi Shalman in a galsimna-ah Bethar-bel khuapi sugawpin, nupite leh a tate leilak den’na-in a sih mangsak hun lai mah bang ding hi.

Ezekiel 21:22

Jerusalem ah a pai ding ai a phatna a lak a thaltangte a taklam khutah tawi hi. Tua ai in Jerusalem ah a pai nading, gal nan’ nading phung a cian’ nading galsim nadingin a kiko nading, kulhpite satkham nading molhtumte a bawl nading, kidal nading phung bawlin dumte a tawh nading gen hi.

Jeremiah 26:13

Tua ahih manin tu-in na nuntakdante uh leh na gamtatziate uh khel un la, Topa na Pasian uh’ thu ngai un. Tua hi leh Topa in note’ kisiat nading a gensa pen a khelkik ding hi.

Jeremiah 18:8

tua ka gen sa minam leh gam in a siatna panin a kihei kik leh, ama tung-a siatna tun’ sak ding-a ka seh sa pen ka kisikkik ding a, ka tungsak nawn kei ding hi.

Jeremiah 4:19

Aw, ka lungtang, ka lungtang! Na ka sa mahmah hi! Ka lungtang kisai vanvan a, ka om hithiat thei kei hi; bang hang hiam cih leh peengkul mutna aw, gal kisimna aw ka za hi.

Jeremiah 23:14

Ahih hangin Jerusalem khua-a kamsangte sungah a mulkimhuai zaw na khat ka mu hi. Angkawmin zuauthu a gen uh a, mite a gitlohna uh pan a kikhel loh nadingin mi hoihlote a hanthawn zawlai uh hi. A vekpiun kei’ muhna-ah Sodom khua mite tawh kibang khin ka sa a, Gomorrah khua mite tawh zong kilamdang lo uh hi.

Kah la 4:6

Jerusalem’ mawhna in Sodom khuapi mawhna sangin lianzaw ahih manin, thakhatin Pasian khut sungpan kisiatna a ngah uh hi.

Hosea 13:14

Leinuai-a misite’ omna-ah a pai nading uh panin honin, sihna panin tankhia ding ka hi hiam? Sihna aw, gimna na piakna-ah amaute ka hehpih kei hi. Leinuai-a mi site gam aw, na suksiatna-ah amaute ka khasiat kei hi.

Thu-hilhkikna 29:22

Hong khang lai ding mi, note nungah hong piang na tate uh leh a gamla panin hong pai gamdang mi in tua gam in a gim ngahna leh Topa in a natsakna cinatnate a muh uh ciangin—