Jeremiah 20:13 - Tedim Bible

¹³ Topa’ tungah la sa un la, Topa phat un! Mi gilote’ khut sung pan amah in mi cimawhte a honkhia hi.

Tedim Bible Revision 2017

¹³ Topaʼ tungah la sa unla, Topa phat un! Migiloteʼ khut sung panin amah in mi cimawhte a hon khia hi.

Jeremiah 20:13 Referans Kwoze

Isaiah 25:4

Bang hang hiam cih leh nang pen mizawngte’ adingin mun muanhuai, a cimawh mi’ adingin a lungkhamna ah mun muanhuai, huihpi panin bukna leh nisa panin nilim na hi hi; bang hang hiam cih leh thukhual lo mite’ hihna pen huihpi in kulh a nawk tawh kibang a,

Late 69:33

Bang hang hiam cih leh Topa in a cimawhte’ aw za a, henna sunga om ama mite simmawh lo hi.

Late 72:4

Amah in mizawngte’ ading thu khen hen la, mi cimawhte suahtakna pia-in, mi nengniamte sucip ta hen!

Late 34:6

Hih mi hehpihhuaipa kiko-in, Topa in amah za a, ama haksatna khempeuh panin honkhia hi.

Jeremiah 15:21

Mi gilote’ khut sungpan nang kong suahtak ding-a mi lauhuaite’ khut kol pan nang kong tankhia ding hi,” hong ci hi.

Jeremiah 31:7

Bang hang hiam cih leh Topa in kong cih-inah, “Jakob adingin lungdamna tawh ngaih takin la sa un la, gam khempeuh lak a, gam lianpen adingin awng un. ‘Topa in Israel mi a om laite, ama’ mite hong honkhia khin zo hi,’ ci-in tangko un la, phat un.