Jeremiah 20:10 - Tedim Bible

¹⁰ Mite’ kihuau simna tampi ka za a, mun khempeuh lauhuai hi. Ka lawm itte khempeuh in, ka cihmawh ding hong ngak gige uh a, “A mawhna pulak un! A mawhna pulak ni! Amah i khem zo kha ding hi. Tua hi leh i zo pah ding a, tua ciangin i thukkik ding hi,” a ci uh hi.

Tedim Bible Revision 2017

¹⁰ Miteʼ kihuau simna thu tampi ka za a, mun khempeuh lauhuai hi. Ka lawm itte khempeuh in ka cihmawh ding hong ngak gige uh a, “A mawhna pulak ni! A mawhna pulak ni! Amah i khem zo kha ding hi. Tua hileh i zo kha dinga, tua ciangin i thukkik ding hi,” hong ci uh hi.

Jeremiah 20:10 Referans Kwoze

Late 41:9

Ka muan’, ka lawm itpa, keima an a nepa nangawn in, a khetul tawh keimah hong peek hi.

Late 31:13

Hi hi, mi tampi’ kihuauna ka za hi—mun citeng-ah launa om! kei langpangin amaute vaihawm khawmin, thah dingin kei hong sawm uh hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite hong hilh dingin siampite ahi zongin, i dot dingin mipilte ahi zongin, Pasian’ thu hong gen dingin kamsangte ahi zongin i nei hi. Hong pai un, amah mawhsakin ama’ thu peuhmah mal khat zong i mang kei ding hi,” a ci uh hi.

Sawltak 24:13

Tua tham loin, kei tungah hong mawhsakna thu a gentel dingin teci hong lak thei kei uh hi.

Ezekiel 22:9

Mi pawlkhat in milim biakna sa ne uh hi. Pawl khatte in amau’ lanna tawh kizui-in gamta tawntung hi.

Jeremiah 6:25

Gamlakah paikhia kei un la, lampi ah zong pai dah un; bang hang hiam cih leh i galte in namsau a tawi uh a, i kimkot khempeuh lauhuai khin hi.

Paunak 10:18

Mi a mudahte bekin zuauthu gen a, mi a gensiate in mihai ahi hi.

Luka 20:20

Tua lai takin amaute in Zeisu ensim uh a, mangpipa’ vaihawmna leh thukhente tungah a piak nadingun, ama kampau tawh mat theih nadingin thusim kante a kiangah a sawl uh hi.

JOB (Job) 19:19

Ka lawm it pente nangawn in kei hong muhdah et uh a, ka it pente nangawn in kei hong lang bawl uh hi.

1 KUMPI MASATE 21:20

Ahab in Elijah kiangah, “Ka galpa aw, kei hong mu na hi hiam?” a ci hi. Amah in dawngin, “Topa muhna ah a sia gamta dingin nangmah kipia tawm na hih manin nangmah kong mu hi.

1 KUMPI MASATE 19:2

Tua ciangin Jezebel in Elijah kiangah kamtai khat sawlin, “Zing ciang tu bang hunin amaute khat’ nuntakna bangin nangma nuntakna ka bawl kei taak leh pasiante in kei hong dawm kei ta hen,” cisak hi.

Sawltak 7:54

Amaute in hih thu a zak uh ciangin a lungso uh a, Stefen tungah a ha a gawi uh hi.

Sawltak 5:33

Amaute in hih thu a zak uh ciangin lungsim kitamkhia dektak zahin heh uh a, sawltakte that dingin khat leh khat a kikum uh hi.

Late 57:4

Mihing tate, huaihamna tawh a netum humpinelkaite laizang ah ka om hithiat hi; amau hate in teipi leh thaltangte hi a, amau leite in namsau hiamte ahi hi.

1 KUMPI MASATE 22:27

tua ciangin, ‘Kumpipa in hih bangin ci hi, “Hih mipa thong sungah koih un la, lungnuamin kei kong ciahkik matengin an leh tui tawmno cik bek tawh vaak un,” ci hi,” va ci un,” a ci hi.

1 KUMPI MASATE 22:8

Tua ciangin Israel kumpipa in Jehoshafat kiangah, “Topa thu i dot theih ding, Imlah’ tapa Mikaiah kici mi khat om lai hi; ahih hangin amah in kei’ thu a hoih gen ngei loin a sia gen ahih manin amah ka mudah hi,” a ci hi. Tua ciangin Jehoshafat in, “Kumpipa in tua bangin ci kei in,” a ci hi.

Jeremiah 11:19

A kithatlum dinga kipaipih mawhna nei lo tuuno bang ka hi hi. Amaute in, “Singkung a gah phat hun lai takin phuktan ni; ama’ min a kiphawk nawn loh nadingin, amah that lum ni,” ci-in a gen uh, kei hong sawmna uh ahih lam ka thei kei kha hi.

Jeremiah 11:21

Tua ahih manin hong that nuam a, “Topa’ min tawh thu hilh kei in. Na hilh leh kote’ khutlum-in na si ding hi,” a hong ci Anathoth khua mite tawh kisai-in

Jeremiah 20:3

A zing ciangin Pashhur in a kol bulhna panin Jeremiah a khahkik ciangin Jeremiah in, “Topa in nang Pashhur ci-in hong sam nawn lo a, Mun khempeuhah Launa ci-in hong sam ta hi.

Jeremiah 37:13

Benjamin Kongpi a tun’ ciangin Shelemiah’ tapa, Hananiah’ tupa Irijah a kici kong cingpa in kamsangpa Jeremiah kiangah, “Nang Khaldea mite lama tai sim ding na hi hi,” ci-in a na man hi.

Daniel 6:4

Tua ciangin vaihawmpi dangte leh gam ukpi teng in Daniel’ nasepna en cikin a mawhna zon’ ding a hanciam uh hi. Ahih hangin Daniel pen a thuman leh a citak khat ahih manin a mawhna leh a simtatna a mu zo kei uh hi.

Late 31:14

Ahih hangin keimah in nang kong muang hi, Topa aw, “Nangmah in keima Pasian na hi hi,” kong ci hi.

Late 41:10

Ahih hangin, Topa aw, amaute ka thukkik theih nadingin kei hong hehpih in la, hong phong to in!

Jeremiah 1:19

Amaute in nang’ lang khatah hong do ding uh hi. Ahih hangin a hong zo kei ding uh hi; bang hang hiam cih leh, Topa in kong cih-inah, nangmah hong dal dingin kong ompih ding hi,” hong ci hi.