Jeremiah 2:6 - Tedim Bible

⁶ Amaute in, ‘Izipt gam panin eite hong paikhiatpih-a sehnel lak leh dum lak, leikeu lak leh a lauhuai khuamial bekbak lak, kuama’ pai ngei lohna mun, kuama’ teen’ lohna gamlak-ah a hong makaih Topa koi-ah a om hiam?’ ci beek lo uh hi.

Tedim Bible Revision 2017

⁶ Amaute in, ‘Egypt gam panin eite hong paikhiat pihin sehnel lak le dum lak, lei keu lak le a lauhuai khuamial bekbak lak, kuama pai ngei lohna mun, kuama ten lohna gamlak ah a hong makaih Topa koi ah om ahi hiam?’ ci beek lo uh hi.

Jeremiah 2:6 Referans Kwoze

Thu-hilhkikna 32:10

“Amah in sehnel gam, huihpi nun’na gamlakah amaute mu hi; amah in kawi-in kem a, ama mit nauta bangin amaute kem hi.

Hosea 13:4

Keimah in Izipt gam pana kipan note’ Topa Pasian ka hi hi. Tua hun lai-in kei sim loh Pasian dang na thei kei uh a, note a hong honkhiapa in kei bek ka hi hi.

Mattiu 4:16

Khuamial sungah a om mite in, Khuavakna a mu uh hi; Sihna liim gam sungah a tute tungah, Khuavak a taang zo hi,” a ci hi.

Hosea 12:13

Topa in kamsang khat zangin Izipt panin Israelte paikhiatpih a, kamsang khat nasepna tawh amaute suakta-in nungta uh hi.

Jeremiah 5:2

“Topa a nuntak bangin,” ci-in a kiciam uh hangin a zuaupi uh ahi hi.

Jeremiah 2:8

Siampite in, ‘Topa koi-ah a om hiam?’ ci-in dong lo uh hi. Thukham theite nangawn in kei hong thei lo uh hi. Kumpi uliante kei’ tungah hong khial khin uh a, kamsangte in Baal min tawh thu genin, kiman’na nei lo nate’ nung a zui uh hi.

Jeremiah 2:2

“Pai in la, Jerusalem khua’ zak dingin va tangko in: Topa in hong cih-inah, Na khangno lai-a nong kipiakna, na mothak lai-a nong itna, a kikho nai lo gamlak-a kei’ nung nong zuih hun lai ka phawk hi.

Isaiah 64:7

Tua ahih ciangin nangmah hong pom dingin a hanciam tawm, nangma min a lo kuamah om lo hi; bang hang hiam cih leh kote kiang panin nang in na maitang na seel a, mawhna khut sungah kote nong pia hi.

Isaiah 63:9

Ama ompihna vantungmi in amaute honkhia hi. Ama itna leh ama hehpihna tawh amaute tankhia a, amah in a beisa hun lui khempeuh ah amaute domto-in a pua hi.

Late 77:5

Hunluite ka ngaihsun a, sawt pek lai-a kumte ka phawk hi.

Late 23:4

Sihna lim guam sung nangawn ka nawk hangin, siatna ka kihta kei hi. Bang hang hiam cih leh kei tawh nang nong omkhawm hi. Na molhtum leh na ciangkhut in kei hong lungmuang sak hi.

JOB (Job) 35:10

Lungziin’ pen hun lai takin thahatna a pia, amau a Piangsakpa Pasian’ lam nga lo uh hi.

JOB (Job) 3:5

Khua niim leh khuamial in khuhcip hen. Tua ni-in meiipi zing hen la, tua ni awk in valh tum hen.

2 KUMPI NIHNATE 2:14

Tua ciangin amah in ama tung panin a kiakhia Elijah’ puan la-in tui sat a, “Elijah’ Pasian, Topa koi-ah om na hi hiam?” a ci hi. Amah in tui a sat khit ciangin a pang khat leh a pang lang khatah a tui kikhen hi; tua ciangin Elisha pai-in galkah hi.

Thukhente 6:13

Gideon in ama kiangah, “Kong thuum hi, sia aw, Topa in kote tawh hong om ahih leh, bang hangin hih nate khempeuh ko tungah hong tung ahi hiam? Ka pate un kote tungah hong genin ‘Topa in Izipt panin eite hong paipih to hilo ahi hiam?’ a cih uh a lamdang ama sepnate khempeuh koi-ah om ahi hiam? Ahih hangin tu-in Topa in kote hong paaikhia-in, Midiante’ khut sungah hong pia khin hi,” a ci hi.

Paikhiatna 20:2

“Keimah in salsuahna, Izipt leitang panin nang a hong paikhiatpih Topana Pasian ka hi hi.

Thu-hilhkikna 1:19

“Tua ciangin Horeb panin i ding khia a, Topa i Pasian in hong thupiak bangin Amor mite’ gam mualtung gam zuatna lam kalah note’ muhsa a lian a lipkhaphuai keugawgam i nawk hi; tua ciangin Kadesh-barnea i tung hi.

Jeremiah 13:16

Topa in khua mialsak a, khuamialna mual tungah na tuk ma-un na lamet uh khuavak pen khua mial bikbek a suah ma-in, Topa na Pasian uh pahtawi un.

Jeremiah 51:43

A khuapite a mulkimhuai suak ta a, leikeuna sehnel gam suak ta hi. Gam sungah kuamah teeng lo a, kuamah in kantan ngei lo hi.

Thu-hilhkikna 8:2

A thupiakte na zui uh hiam na zui kei uh hiam cih a theih nadingin note hong niamkhiatin na lungsim uhah bang om hiam cih a theih nadingin Topa na Pasian un gamlakah hih kum sawmli sung note hong paipihna lampi khempeuh na ciamteh ding uh hi.

Jeremiah 5:12

Amaute in Topa hong nial uh a, ‘Amah in bangmah hih lo ding hi; i tungah siatna hong tung lo ding a, gal ahi zongin kial ahi zongin i thuak kei ding hi.

Amos 2:10

No ka mihingte, Izipt gam panin hong paikhiatpihin, gamlakah kum sawmli sung kong makaih a, note’ adingin Amor mite’ gam kong pia hi.