Jeremiah 2:37 - Tedim Bible

³⁷ Nangmah in zong tua gam panin maizumna tawh na lu tungah khut koih sa-in nong paikhia ding hi; bang hang hiam cih leh na muan’ mite Topa in ka nial zo-a, amaute’ hangin na zo ngei kei ding hi.

Tedim Bible Revision 2017

³⁷ Nangmah zong tua gam panin maizumna tawh na lu tungah vut khusa-in nong paikhia ding hi; bang hang hiam cih leh p keimah Topa in na muan mite ka nial zo hi; amauteʼ hangin na gualzo ngei kei ding hi.

Jeremiah 2:37 Referans Kwoze

2 SAMUEL NIHNA 13:19

Tua ciangin Tamar in a lu tungah vut koihin ama silh puantualpi bansau balkek hi; tua ciangin a lutungah a khut koihin paikhia a, a pai kawmin a gingin kap hi.

Jeremiah 17:5

Topa in kong cih-inah: Mi bek muangin mi’ hatna bek suanga a lungsim Topa tawh a kilehngat mi in haamsiatna a ngah hi.

Jeremiah 32:5

Amah in Babilon khua-ah Zedekiah a la ding a, ama tungah na ka sep mateng tua lai-ah a om ding hi. Khaldea mite na do uh hangin na zo kei ding uh hi, Topa in hong ci hi,’ ci-in bang hangin thu hilh na hi hiam?” ci-in thong sungah a khum ahi hi.

Jeremiah 2:36

Bang hangin na lungsim khel ziauziau na hi hiam? Assiriate in nang hong maizumsak ngei bangin Iziptte in zong hong maizum sak ding uh hi.

Isaiah 10:4

Thongkiate’ lakah tonbucip-a om ding leh a kithat mite’ lakah tuk ding bek a om hi. Hih thute khempeuh hangin ama hehna dam zo nai lo a, ama khut kizan lai hi.

2 KHANG TANGTHU NIHNATE 13:12

En un, kote’ lutang-in kote tawh Pasian hong omkhawm a, note a do ding sapna peengkul a tum dingin a siampite a galkap peengkulte tawh hong om uh hi. Israel’ mite aw, na pu na pate uh Pasian, Topa do kei un; bang hang hiam na cih uh leh na tangtung kei ding uh hi,” a ci hi.

Gamlak-vakna 14:41

Ahih hangin Moses in, “Bang hangin tu-in Topa’ thupiakna palsat na hi uh hiam, tangtung lo ding hilo ahi hiam?

Jeremiah 14:3

Uliante in a nasemte uh tui tawi dingin sawl uh a, tuikhuk a zuat uh leh tui na om lo hi. A beel hawm uh tawh hong kilehkik uh a, lungkhamin cih nading thei loin a lu uh puan a khuh uh hi.

Jeremiah 14:4

Lokhote a lungmang uh a, a lu uh puan a khuh uh hi. Bang hang hiam cih leh guahzu lo ahih manin lei a keugawp hi.

Jeremiah 22:30

Topa in hih bangin ci hi: “Hih pa, taselpa, a khan’ tawntung a gualzo ngeilo pa hi, ci-in ciamteh un. Ama’ suan leh khakte khat beek in David’ tokhom luahin, Judah gam a uk kei ding hi,” a ci hi.

2 SAMUEL NIHNA 11:12

Tua ciangin David in Uriah kiangah, “Hih lai-ah tu ni zong om in la, zing ciangin nang kong paikhia sak ding hi,” a ci hi. Tua ahih ciangin Uriah tua ni leh a zing ciang Jerusalem ah om hi.

Isaiah 28:18

Tua ciangin sihna tawh na thuciamna uh kiphiat ding a, Leinuai tawh na thukimna uh kip lo ding hi; a tuumcip ding tuiciin in hong nawk ciangin note hong sugawp ding hi.

Jeremiah 22:20

Jerusalem khua mite aw, Lebanon Mual tungah kahto un la, awng un; Bashan gamah va kiko un. Abarim mual tungah va kiko un, bang hang hiam cih leh na pawlte un gal a lel khin uh hi.

Kah la 4:17

Huhna ngenin ka khawdakdak uh a, khawdak zo nawn lo zah dongin ka om uh hangin bangmah ka ngah kei uh hi. A hong pia zo lo ding minamte tungah huhna ka ngenngen kha uh hi.