Jeremiah 2:35 - Tedim Bible

³⁵ nangmah in, ‘Kei ka mawh kei hi; kei tungah Pasian heh nawnlo taktak hi,’ na ci hi. En in, ‘Kei ka mawh kei hi,’ na cih manin nang’ tungah thu kong khen ding hi.

Tedim Bible Revision 2017

³⁵ nang in, ‘Kei ka mawh kei hi, kei tungah Pasian heh nawn lo hi,’ na ci hi. En in, ‘Kei ka mawh kei hi,’ na cih manin nang tungah thu kong khen ding hi.

Jeremiah 2:35 Referans Kwoze

Paunak 28:13

A khialhna a im mipa a dau pai lo ding a, a mawhna pulakin a kikheel mipa in hehpihna ngah ding hi.

ROM (Romans) 7:9

Nidang lai-inah thukham loin ka nungta hi. Ahih hangin thukham hong pian’ ciangin mawhna nungta kik a, kei ka si hi.

Jeremiah 25:31

A awging in leitung mong dongah kithawn ding hi, bang hang hiam cih leh gamte’ lang khatah Topa pang hi. Amah in mi khempeuh thu sit ding a, mi gilote namsau tawh a thatlum ding hi, Topa in ci hi.

Jeremiah 2:29

“Bang hangin kei hong mawh sak khin na hi uh hiam? Na vekpi-un nong langpan’ khin uh hi. Topa in kong ci hi.

Jeremiah 2:23

Bangci bangin nangmah in, ‘Kei ka nin kei hi, Baal pasiante’ nung ka zui kei hi,’ na ci thei peuhmah ding hiam? Mualkuam zang-a na lampi totte en dih in; na hih sate mu dih in— a leh tai kawikawi kalaoh huk na bang tazen hi.

Jeremiah 2:9

“Tua ahih manin Topa in kong cih-inah, note kong mawhsak lai ding a, na tate-uh’ tate zong ka mawhsak ding hi.

Isaiah 58:3

“Kote in an tang napi-in bang hangin hong mu lo na hi hiam? Kote kiniamkhiatin om napi-in bang hangin hong thei kha lo na hi hiam? ci uh hi. En un, note in an na tan’ ni-un nomau’ deihna na zong uh a, na nasemte uh na nengniam uh hi.

JOB (Job) 33:9

Nangmah in, ‘Kei ka mawh kei hi; khialhna bangmah ka gamta kei hi. Ka paubaang kei a, mawhna ka sukha kei hi.

Ezekiel 17:20

Amah a awk theih nadingin ngenthang ka zak ding a, amah ka awksak ding hi. Kei tungah amah hong thutak lo ahih manin Babilon-ah paipihin tua lai-ah daan ka pia ding hi.

Jeremiah 16:10

“Hih thu teng hih mite tungah na gen ciangin amaute in, ‘Bang hangin Topa in hih gimna lianpi eite tungah hong tungsak ahi hiam? I khialhna bang ahi hiam? Topa i Pasian tungah bang mawhna bawl i hi hiam?’ hong ci ding uh hi.