Jeremiah 2:34 - Tedim Bible

³⁴ Mawhnei lo mizawngte’ sisan na puan tungah a baang hi; amaute in na inn hong luh ngei beek lo uh hi. Tua bang teng hi napi-in,

Tedim Bible Revision 2017

³⁴ Mawhnei lo mizawngteʼ sisan na puan tungah baang hi. Amaute in na inn hong luh ngei beek lo uh hi. “Tua bang teng hi napi-in

Jeremiah 2:34 Referans Kwoze

2 KUMPI NIHNATE 21:16

Tua tham loin amaute in Topa’ muhna ah a sia a gamtat nadingun amah in Judah mite a khialhsakna banah, Jerusalem mong khat pan mong khat sisan tawh a kidimsak dongin Manasseh in mawhbaang lo mi tampi that hi.

Jeremiah 19:4

Bang hang hiam cih leh hih mite in kei hong taisan khin zo uh a, amaute-a kipanin a pu a pate uh leh Judah kumpite’ theih ngei loh pasian dangte’ kiangah paknamtui a hal uh a, hih mun a ninsak uh hi. Hih mun mawhna nei lo mite thahna sisan tawh a dimsak uh a,

Ezekiel 24:7

Khuapi sungah mi kithahna om a, a sisante, leivui in a vuh theih nading lei lakah taaksak loin, suang tungah taaksak uh hi.

Ezekiel 20:31

Tu ni ciang dongin note in a kipia ngei letsongte mah puakin tua milimte mah biakna-in na tate uh na hal uh ciangin no leh no a kininsak tawm na hi uh hi. Tua bangin na gamtat khit uh ciangin no Israel mite in kei kiangah thu a dong dingin nong pai lai uh hi. Keimah in a nungta Topa Pasian ka hih mah bangin, note’ thudotin ka om het kei taktak ding hi.

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh hi; kisuang thei beek lo uh hi. Tua ahih manin a site’ lak mahah amau zong a si ding uh a, ka daantah ni ciangin a kilawnkhia ding uh hi, Topa in kong ci hi.

Jeremiah 7:31

Ben-Hinnom mualkuam-ah a tapate a tanute uh mei sungah a hallup nading uh Tofeth a kici biakna tau khat a bawl uh hi. Tua pen kei’ sawl lah hi loin, zong ka ngaihsun kha beek kei hi.

Jeremiah 6:15

Hih a kihhuai nate a sep uh ciangin a maizum beek uh hiam? Maizum beek lo uh hi, kisuang thei beek lo uh hi. Tua ahih manin a site’ lak mahah amau zong a si ding uh a, ka daantah ni ciangin a kilawnkhia ding uh hi,” Topa in hong ci hi.

Isaiah 59:7

Siatna bekbek na gelgel uh a, na hih ding uh na ngaklah mahmah uh hi. Mawh nei lo mite sisan luan ding haksa na sa kei uh hi. Na paina khempeuh uhah siatna vive om kawikawi hi.

Isaiah 59:3

Bang hang hiam cih leh na khutte uh mi thahna sisan tawh nin a, na khutmete uh mawhna tawh nin hi; na mukte un zuau thu gen a, na leii un gitlohna thu gen hi.

Jeremiah 2:33

“Na lawm ngaih ding na zon’ siam mahmah a, numei gilote nangawn na lampi na hilh zen hi!

Jeremiah 7:6

nam dang mite, pa nei lote leh meigongte na nuaisiah kei uh a, hih munah mawh nei lo mite that nawnloin, note’ gim nading mah ahi pasian dang peuh na biak nawn kei uh leh,

Kah la 1:9

A kihhuaina teng kimu khia pah hi napi, gimna thuak ding ahih lam bang mah a awlmawh thei tuan kei hi. Tua ahih manin gimna a thuakna lian lua mahmah a, kuamah in a hehnem zo kei hi. A galte in zo ahih manin Topa kiangah hehpihna a ngen hi.

Kah la 4:14

Amaute mittaw bangin kongzing lakah vak uh a, kuama lawn’ngam loh dingin si-le-nai tawh a dim uh hi.

Ezekiel 9:9

Tua ciangin amah in hong dawng a, “Israel mite leh Judah mite’ mawhna nak liat mahmah hi. Gam sung khempeuh mi thahna tawh kidimsak uh a, Jerusalem khuapi, siatna namkim tawh kidimsak uh hi. Amaute in, ‘Topa in i gam susia khin a, Topa in eite hong mu lo hi,’ ci uh hi.

Ezekiel 22:25

A uliante uh pen ganhing a that humpinelkai hawk tawh kibang uh hi. Amaute in mi thatin, a sum leh a neihsa khempeuh laksak uh a, a mi thahna hangun numei tampi tak meigong suaksak uh hi.

Paikhiatna 22:1

“Mi khat in bawngtal ahi a, tuu ahi zongin gu-in, a that a, a zuak zongin, amah in bawngtal khat tang dingin bawngtal nga, tuu khat tang dingin tuu li piakik ding hi. Guta pa in ditkikna bawl ding hi; amah in bangmah a neih kei leh, ama' guktakna hangin amah kizuak ding hi. A kigu ganhing, bawngtal ahi a, la ahi a, tuu ahi zongin a hing-in ama' khut sungah a kimuh leh, amah in a zah nih pia ding hi. “Guta khat in inn vutlet a, kisatin amah a sih leh, tua sihna hangin mawhna om lo ding hi; ahih hangin ni suah khit ahih leh tua sihna hangin mawhna om ding hi.

Ezekiel 23:45

Amaute in nu-le-pa mawhna bawlin mi thahna tawh kipelh lo uh ahih manin mi dikte in nu-le-pa mawhna bawlna hang leh mi thahna hangin mawhsak ding uh hi.