Jeremiah 2:32 - Tedim Bible

³² Nungak khat in a kizepnate a mangngilh thei hiam? A kipi mothak nu in a mothak puante a mangngilh thei hiam? Ahih hangin ka mite in sim zawh loh ni tampi a hong mangngilh uh hi.

Tedim Bible Revision 2017

³² Nungak khat in a kizepnate mangngilh thei ahi hiam? A kipi mothak in a mothak puante mangngilh thei ahi hiam? Ahih hangin ka mite in sim zawh loh ni tampi sung a hong mangngilh uh hi.

Jeremiah 2:32 Referans Kwoze

Late 106:21

Amaute in Izipt gam sungah na lianpite a bawl, Ham’ gam sungah nalamdangte leh San Tuipi-ah a kihtak-huai nate a bawl, amau’ Honpa, Pasian mangngilh uh hi.

Jeremiah 13:25

Hih pen nangma’ tan’ dinga kong sehsa ahi hi, Topa in kong ci hi. Bang hang hiam cih leh kei nong mangngilh a, pasian zuau peuh na um hi.

Jeremiah 3:21

Mual tung pan awging khat kiza hi, Israel mite’ kahna leh tauna aw ahi hi. Lam a pialna hang uh leh Topa a Pasian uh a mangngilhna hang uh ahi hi.

Jeremiah 2:11

Gam khat in pasian ahi taktak beek lo a pasiante uh nangawn a khek ngei peuhmah uh hiam? Ahih hangin ka mite in a minthan’na uh ahi, keimah pen bangmah-a kimang lo na peuh tawh hong khek tazen uh hi.

Isaiah 17:10

Note in, nomau’ kihotkhiatna Pasian mangngilhin,nomau’ belh Suangpi phawk lo na hih manun note in biakna huan bawlin kung hoihte suan a, leenggui kung namdangte tawh peh-in,

Hosea 8:14

Bang hang hiam cih leh Israel mite in amau a Piangsakpa mangngilh uh a, inn lianpipite lam uh hi. Judah mite in zong kulh nei khuapi tampi lam thuah uh hi. Keimah in tua khuapite mei tawh halin a inn lianpite uh ka kangtumsak ding hi, ci hi.

Isaiah 61:10

Topa hangin nakpi takin ka lungdam ding a, ka Pasian hangin kipakin ka diang ding hi; bang hang hiam cih leh zipipa in a lu kizemin, mo thaknu a suangmanphate tawh a kizep mah bangin amah in hotkhiatna puan kei hong silhsakin, thumanna puanpi tawk kei hong tuam khin hi.

Late 9:17

Pasian a mangngilh minam khempeuh ahi migilote in Leinuai ah pai ding uh hi.

Jeremiah 18:15

Ahih hangin ka mite in kei hong mangngilh khin uh a, milim pasiante kiangah paknamtui a hal uh hi. Amau’ tot ding lampi-ah tuk uh ahih manin a tot ngei uh lampi lui zui nawnloin, lampi lopi a tawn uh hi.

Jeremiah 13:10

Ka thu hong ngai nuam lo-a, amau’ ngaihsutna bang bek-a a pai tentan nuam, pasian dangte’ nasem ding leh bia dinga a nung zuih hih mi gilote in zat theih ding ahi nawn lo, hih dialkaih bang ahi ding uh hi.

Mangmuhna 21:2

Tua lai takin Jerusalem khua thak ahi Khuapi Siangtho in a pasal ading a kizeemsa-in a om, a kipi mo bangin kiging kholin Pasian kiang vantung pan hong kiasuk ka mu hi.

Ezekiel 22:12

Pawlkhat in sum deih manin mi that uh hi. Pawl khatte in a Israel mipih sum leitawi late tungah nuamtak sa-in a met lakna tawh hauh lawh uh hi. Amaute in kei hong mangngilh uh hi, Topa Pasian in ci hi.

Piancilna 24:22

Kalaohte in tui a dawn khit ciangin mipa in shekel lang a gik kham nakbah khat leh shekel sawm a gik kham tau nih tua nu’ khut adingin la a,

2 SAMUEL NIHNA 1:24

“No Israel numeite aw, Saul’ hangin kap un, puansan neel takin a silhte aw, na puan tung uh ah kizepna kham a suangte aw,

Piancilna 24:53

Nasempa in ngun leh kham kizepnate leh puante hong suahkhia-in Rebekah pia hi; a sanggampa leh a nu zong a manpha kizepnate pia hi.

Piancilna 24:30

Amah in nakbah leh a sanggamnu’ khut tunga taute a muh ciang leh, “Mipa in kei tungah hih bangin hong gen,” ci-a a sanggamnu Rebekah’ kam gen a zak ciangin, mipa' kiangah amah pai hi; en in, tuikhuk-a kalaohte' kiangah amah na ding hi.

Isaiah 57:11

Nang zuau-in, kei hong phawk loin, kei nong ngaihsut loh nadingin na kihtak hih pasiante bang ahi hiam? Sau veipi sung pau loin ka om hit-hiat manin kei hong zahtak lo na hi hiam?

Jeremiah 2:33

“Na lawm ngaih ding na zon’ siam mahmah a, numei gilote nangawn na lampi na hilh zen hi!

Thu-hilhkikna 32:15

“Israel mite thau mahmah uh a, a lehdo thei mi suak uh hi; note thau-in, lianpi pha-in, na zol uh hi; tua ciangin amaute a bawl Pasian amaute in nusia-in, amau’ a Honkhiapa thusim lo uh hi.

Thukhente 8:34

Israel mite in, mun khempeuh panin amau’ galte’ khut sung pan a honkhia Topa a Pasian uh phawk lo uh hi;

Jeremiah 23:27

A pute a pate in kei’ min hong mangngilh in Baal a biak uh bangin a mangmat uh a gen kawikawina uh tawh ka mite in ka min hong mangngilh ding uh hi, ci-in a ngaihsun uh hi.