Jeremiah 2:30 - Tedim Bible

³⁰ Na tate uh thu hilh-in ka sat hangin a mawkna suak zo hi, amaute kibawlpha tuan lo uh hi; na namsaute un humpi an zong bangin na kamsangte uh a that khin zo uh hi.

Tedim Bible Revision 2017

³⁰ Na tate uh thuhilhin ka sat hangin a mawkna suak zo ta hi. Amaute kibawl pha tuan lo uh hi. Humpinelkai hawk bangin na namsaute un na kamsangte uh a that khinzo uh hi.

Jeremiah 2:30 Referans Kwoze

Nehemiah 9:26

“‘Ahi zongin amaute in dem nopna lungsim nei-in nang hong lehdo uh hi; amaute in na thukham nungngat uh a, nangma lamah hong ciahkik nadingun amaute a hilhkhol na kamsangte that uh a, amaute in gendai-mawhna lianpi bawl uh hi.

1 THESALONIKA MASA 2:15

Tua Judah mite in, Topa Zeisu akipan kamsangte a that zo uh hi. Kote zong hong hawlkhia uh a, Pasian lungsim tawh kituak loin mi khempeuh tawh zong kilem lo uh hi.

Sawltak 7:52

No na pute na pate un a bawlsiat loh kamsang kua ahi hiam? ‘Midik Pa hong pai ding ci-a a genkholh mite a that uh hi. Tu-in tua Midik Pa a heekte, a thatte na suak zo uh hi.

Jeremiah 5:3

Topa aw, nangmah in thuman en gige hilo na hi hiam? Nangmah in amaute na sat hangin a awlmawh tuan kei uh hi; na sukgawp hangin na thu hilhna a ngai tuan kei uh hi. Amaute’ maitang suangtum sangin sakzaw a, a kisik nuam kei uh hi.

Isaiah 1:5

Bang hangin note hong kisat beh lailai nadingin lehdo teitei na hi uh hiam? Israel aw, na lutang khempeuh liamma dim a, na lungsim leh na ngaihsutna gim mahmah hi.

Mattiu 23:29

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Pasian’ kamsangte’ han na bawl uh a, miphate’ han na zeem uh hi.

Jeremiah 7:28

Tua ciangin nangmah in amaute’ kiangah, ‘Hih gam in, Topa amaute’ Pasian’ thu a mang lo gam hi a, thuhilhna sang loin, thuman om nawn lo a, genin zong a nei nawn kei uh hi,’ na ci ding hi.

Isaiah 9:13

Amaute a satpa’ lamah mite kihei lo a, Vanglianpen Topa zong lo uh hi.

Mangmuhna 16:9

Mei sa pha lua-in mite a kang tum uh a, gimnate a uk Pasian’ min a kosia uh hi. Topa’ vangliatna phat nading a kisik kei uh hi.

Zefaniah 3:2

Topa’ thu ngai nuam lo a, a thuhilhna sang nuam lo hi. Topa muang nuam lo a, a Pasian naih nuam lo hi.

Ezekiel 24:13

Jerusalem aw, na gamtat hoih lohnate in nang hong ninsak khin hi. A sian’suah dingin kong hanciamciam hangin a nin mahin na om lai veve hi. Ka heh mahmahna na thuak khit matengin na siang kik ngei kei ding hi.

Jeremiah 31:18

Efraim’ kahna aw ka za zo a, ‘Topa aw, bawngtal sin loh bangin keimah nong thuhilh khin zo hi. Kong ciahkik theih nadingin hong la kik in, bang hang hiam cih leh nangmah in Topa ka Pasian na hi hi.

2 KHANG TANGTHU NIHNATE 36:16

ahih hangin a mite tungah Topa’ hehna a suah ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

2 KHANG TANGTHU NIHNATE 28:22

Hih Kumpi Ahaz mah pen—a lungkham hunin Topa tungah citak lo zawlai hi.

2 KHANG TANGTHU NIHNATE 24:21

Ahih hangin amaute in amah sawmsim uh a, kumpipa’ thupiakna tawh amaute in Topa’ inn tual-ah suang tawh amah denglum uh hi.

1 KUMPI MASATE 19:14

Amah in, “Vanglianpen Pasian, Topa adingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawnkhia a, namsau tawh na kamsangte that hi; kei, kei bekbek ka om lai hi; amaute in kei thah dingin hong zong uh hi,” a ci hi.

1 KUMPI MASATE 19:10

Amah in, “Vanglianpen Pasian, Topa adingin ka huaiham mahmah hi; bang hang hiam cih leh Israel mite in na thuciamna nusia-in, na biakna taute lawn khia a, namsau tawh na kamsangte that hi; kei, kei bekbek ka om lai hi; amaute in kei thah dingin hong zong uh hi,” a ci hi.

Isaiah 59:3

Bang hang hiam cih leh na khutte uh mi thahna sisan tawh nin a, na khutmete uh mawhna tawh nin hi; na mukte un zuau thu gen a, na leii un gitlohna thu gen hi.

Jeremiah 46:14

“Izipt gam leh Migdol khua-ah va gen un; Memfis khua leh Tahpanhes khua-ah va tangko un: ‘Kigalging sa leh kithawi sa-in om un, bang hang hiam cih leh namsau-in note hong kithat khin ding hi,’ va ci un.

Kah la 4:13

Hih thu a hong piang hi. Kamsangte leh siampite in mawhna a bawl manun mi siangtho midikte’ sihna a hong piang hi.

Ezekiel 22:24

“Ezekiel aw, Israel mite pen, ka hehna hangin puah loin, a tungah guah ka zuksak lohna leitang tawh a kibatna uh amaute kiangah gen in.

Daniel 9:13

Moses’ thukham sunga kigen daan khempeuh ka thuak uh hi. Topa Pasian aw, tu nangawnin zong nangma maipha hong zong loin, na thuman ka zuih theih nangun mawhna ka kisik kei uh hi.