Jeremiah 2:28 - Tedim Bible

²⁸ No ading-a na bawl uh na pasiante uh koiah om ahi hiam? Haksatna na tuah uh ciangin, a hong hot theih leh kihon sak ta ve un; bang hang hiam cih leh Judah gam aw, na khuapi zahzah-ah pasian na nei tazen uh hi.

Tedim Bible Revision 2017

²⁸ “Note-aʼ dinga na bawl uh na pasian-te uh koi ah om ahi hiam? Haksatna na tuah uh ciangin a hong hon thei ahihleh kihonsak ta un; bang hang hiam cih leh Judah gam aw, na khuapi zahzah uh pasian na nei tazen uh hi.

Jeremiah 2:28 Referans Kwoze

Jeremiah 11:13

Bang hang hiam cih leh, Judah aw, na khua om zahzah uh pasian na nei uh a, Jerusalem khua kongzing om zahzah meihal biakna tawh Baal biak nading a zum huai biakna taute na bawl tazen uh hi.

Isaiah 45:20

“Minam sung panin a suakta lai note aw, nomau kikaikhawmin hong pai un la, hong nai un! Amau’ sing milim a pua kawikawi mite in theihna nei lo uh a, a honkhia thei lo pasian tungah thu ngenngen uh hi.

Thu-hilhkikna 32:37

Tua ciangin amah in, ‘Amau’ pasiante, a bukna uh suangpi,

Thukhente 10:14

Pai un la note’ teel pasiante tungah ko un;’ na lungkham hun-un amaute kihonkhia sak un,” a ci hi.

Isaiah 46:7

Amaute in tua pasian pen a liangko tung uhah ngato-in pua uh a, ama om nading munah amaute in koih a, tua lai-ah om niloh hi; ama omna panin amah kinkhia thei lo hi. Mi khatpeuh in amah sam leh amah in dawng thei lo a, ama lungkhamna panin zong honkhia thei lo hi.

Hosea 10:1

Israel mite ahih leh a gah pha mahmah leenggui tawh kibang hi. Cithei semsem leh biakna tau tam semsem lam uh hi. A gam sung uh cithei semsem leh biakna khuampi hoih bawl semsem uh hi.

Isaiah 46:2

Amaute kunin, amaute puksuk khawm uh a, amaute in vangik pengsak thei lo uh a, amaute mahmah zong galte’ matna sungah tung uh hi.

2 KUMPI NIHNATE 3:13

Tua ciangin Elisha in Israel kumpipa kiangah, “Nang tawh bang kisai ka hi hiam?” Na nu’ kamsangte leh na pa’ kamsangte kiangah pai in,” a ci hi. Ahih hangin Israel kumpipa in ama kiangah, “Hilo hi; Moab khut sungah a piak dingin hih kumpi thumte a sampa in Topa ahi hi,” a ci hi.

Jeremiah 1:16

Ka mite in kei hong taisan uh ahih manin a mawhna uh hangin amau’ tungah thu ka khen ding hi; pasian dangte meihal biakna a pia uh a, a khut uh tawh a bawlsa milimte a bia uh hi.

Jeremiah 11:12

Tua ciangin Judah mite leh Jerusalem khua mite in meihal biakna tawh a biak uh a pasiante uh kiangah pai-in na va thuum ding uh a, ahih hangin hih gimna hong tun’ ciangin a honkhia thei tuan kei ding uh hi.

Jeremiah 30:7

Nu ei! tua ni lianpi hong tung ding a, nidang tawh teh theih hi lo ding hi! Jakob’ suante’ gimna ngah hun hi ding a, ahih hangin amau a suakta veve ding uh hi.

Jeremiah 37:19

Nang’ kiang a, ‘Babilon kumpipa in nang leh hih gam hong sim lo ding hi,’ ci-a thu a hong genkhol, na kamsangte tu-in koiah om uh ahi hiam?

Habakkuk 2:18

Milim, banga kimang ahi hiam? Mihingte’ bawl na khat hi lel a, thuman hong gen thei lo hi. Tua bang a pau thei beek lo pasian khat, a bawlpa in muan’in a neih bang phatuam ahi hiam?

Habakkuk 2:19

Sing a kibawl na khat kiangah, “Khanglo in,” ci-in, a pau thei lo suangtum kiangah, “Tho in,” ci na hih manun, gimna na ngah ding uh hi. Hih bang milim in na hong hilh thei ding ahi hiam? Ngun leh kham tawh a kizut hangin, a sungah nuntakna om lo hi.

Isaiah 57:13

Nang cimawh-in na kiko ciangin na milim kaihkhopte kihonsak in! Huih in amaute mutkhia-in, husan’na in amaute seem khia ding hi. Ahih hangin kei hong beel mi in leitang ngah ding a, ka mual siangtho luah ding hi.