Jeremiah 2:25 - Tedim Bible

²⁵ Na khe guakin lam pai kei in la, na dang taksak kei in, kong cih hangin, nangmah in, ‘Bang phamawh hiam? Khual mite ka it a, amau’ nung ka zui ding hi,’ na ci hi.

Tedim Bible Revision 2017

²⁵ Na khe guakin lam pai kei inla, na dang taaksak kei in, kong cih hangin, nangmah in, ‘Bang phamawh ahi hiam? Gamdang pasian-te ka it a, amauʼ nung ka zui ding hi,’ na ci hi.

Jeremiah 2:25 Referans Kwoze

Thu-hilhkikna 32:16

Amaute in pasian dangte tawh ama hazat theih nadingin gamta uh a, a kihhuai gamtatnate tawh amaute in amah hehsak uh hi.

Jeremiah 18:12

Amau in, ‘Tua bang gen kul lo hi. Ko’ ngimna bangin ka zui ding uh a, mi khempeuh in ama’ lungsim sia’ deihna bangin ka gamta ding uh hi,’ hong ci ding uh hi.

Jeremiah 3:13

Na mawhna na phawk ding bek kisam hi, Topa na Pasian na langpan’na, singliim nuai khempeuh-ah khualmite tawh na khialh kawikawina leh ka thu nong man’ lohnate pulak in, Topa in kong ci hi.

ROM (Romans) 8:24

Eite in lametna hangin gupna i ngah hi. Ahih hangin lametna in i muhsa ahih leh, lamet nading a om kei hi. Bang hang hiam na cih uh leh, a muhsate kua in a lamen nawn ding hiam?

Kah la 4:4

Amaute in a tangeekte uh gilkial dangtak-in sisak uh a, naupang note anngen dingin vaksak uh a, kuamah in an a pia kei hi.

Jeremiah 14:10

Hih mite tawh kisai-in Topa in hih bangin a gen hi: “Amaute in hih bangin kei kiang panin vakkhia kawikawi nuam uh a, a kidek kei uh hi. Tua ahih manin Topa in amaute ka sang kei a, a khialhnate uh phawk-in, a mawhnate uh ka daantat ding hi.”

Jeremiah 13:22

‘Bang hang-a hih thute kei’ tungah hong tung ahi hiam?’ ci-a na ngaihsut leh na mawhna a liatluat hang ahi hi. Tua hangin na nik hong kihawk gawp sak a, a hong kibuan gawp hi.

Isaiah 57:10

A gamla na khualzinna tawh nang na gim a, ahih hangin nangmah in, “Lametna om kei,” na ci kei hi; nangmah in thahatna thak na ngah a, tua ahih manin na gim kei hi.

Isaiah 2:6

Amaute pen nisuahna lam gam khongkhaite leh Filistia mite bangin aisante tawh kidim uh a, gamdang mite’ ngeina zui uh ahih manin, Jakob suan leh khakte, na mite nang na nial hi.

2 KHANG TANGTHU NIHNATE 28:22

Hih Kumpi Ahaz mah pen—a lungkham hunin Topa tungah citak lo zawlai hi.

Thu-hilhkikna 28:48

Topa in note’ langah a hong sawl ding na galte uh’ na, gilkialna leh dangtakna, pum guak-a omna, leh na khempeuh kitangsapna tawh, na sem ding uh hi; na galte un note hong suksiat matengin note’ ngawng ah sik hakkol hong thuah ding hi.

Luka 16:24

‘Pa Abraham aw, kei hong hehpih in, Lazaras in a khutme dawn tui ah diah hen la, ka lei hong votsak nadingin ka kiangah hong sawl in. Bang hang hiam na cih leh, hih meikuang sungah gimna nakpi ka thuak hi,’ ci-in a kiko hi.

Luka 15:22

Ahih hangin a pa in, ‘Puan hoih bel hong la meengmeeng un la, silhsak un. Ama khut ah zungbuhte hong butsak un.

Hosea 2:3

A gamtat hoih lohna khawl kei leh, a nu sung pan a suah lai-in a guaktangin a om mah bangin, a puan teng hawk khiatsakin a guaktangin ka om sak ding a, a keu, bangmah a po zawh lohna gamlak bangin ka bawl ding a, dangtakin a si ding hi.

Jeremiah 44:17

Ahih hangin ka ciamsa uh bangin kote, ka pute ka pate, ka kumpite uh leh kumpi uliante in Judah gam khuapite leh Jerusalem khua kongzing lakah ka hih ngei uh bangin vantung kumpinu kiangah paknamtui hal-in tuidawn biakna ka hih zaw ding uh hi. Bang hang hiam cih leh ka tuacih uh ciangin an tampi ka nei uh a, hau-in gimna zong ka thuak kei uh hi.

Jeremiah 2:31

No khangthakte aw, Topa’ kammal limtak ngai dih un. Israel mite adingin keimah in gamlak bang hi ngei ka hi hiam? A mial mahmah gam bang hi ngei ka hi hiam? Tua ahih leh bang hangin ka mite in, ‘Ko ka suakta uh hi, nang kiangah kong pai nawn kei ding uh hi,’ ci uh ahi hiam?

Jeremiah 13:21

Nangma’ lawm ding a, na bawl mite teekteek in nang hong uk ni ciangin bang na ci ding hiam? Numei nau suakte in na a sak uh bangin nang zong na na sa ding hi.

Jeremiah 22:20

Jerusalem khua mite aw, Lebanon Mual tungah kahto un la, awng un; Bashan gamah va kiko un. Abarim mual tungah va kiko un, bang hang hiam cih leh na pawlte un gal a lel khin uh hi.

Kah la 1:2

Amah zan khuavakin kap a, a khitui a biang tungah a tak kauhkauh hi. Amah a it ngeite khempeuh a hehnem ding khat beek a om nawn kei hi. A kipawl pihte khempeuh in kheemin, tu in a langpan’ khin ta uh hi.

Ezekiel 20:32

Note in na lungsim ngaihsutna uh khentat khinin, gam danga a teeng minam dangte mah bangin sing leh suang na bia nuam uh hi. Ahi zongin note’ ut bang hi thei ngei lo ding hi.

Hosea 2:5

A nu uh a paktat hi a, tua ahih manin amaute, tua a paai numei in zumna mel thei loin a gamta ahi hi. Amah in, “Ka it pasal dangte kiangah ka pai ding hi; amaute in an leh tui, samul puan leh saihadial puan, leh oliv thau leh zu hong pia uh hi,” a ci zaw lai hi.

Malakhi 3:14

Note in, ‘Pasian’ na i sep a mawkna hi. Ama hong sawl bangin i sep hangin bang a kiman’na om a, i gamtatnasate hangin i dahna lim, Vanglianpen Topa’ mai-ah i lah hangin bang phattuamna om ahi hiam?

2 KHANG TANGTHU NIHNATE 28:23

Bang hang hiam cih leh amah a zo Damaskas’ pasiante tungah biakna pia-in, “Siria kumpite’ pasiante in amaute huh ahih manin amaute in kei hong huh theih nadingin amau’ tungah biakna ka pia ding hi,” ci hi. Ahih hangin tua pasiante in amah leh Israel khempeuh’ siatna ahi hi.

Jeremiah 22:21

Na daupai laitak-un kong hopih hangin na hong ngai nuam kei uh hi. Na neu tung-ua kipan nong tua cih ngitnget uh a, ka thu nong mang ngei kei uh hi.