Jeremiah 2:20 - Tedim Bible

²⁰ “Sawt pek lai-a kipanin ka hakkol kuaitan-in ka ukna nong nial a, hong kihenna khau sutat-in, ‘Na na ka sem kei ding hi,’ nong ci hi. Hi hi, numei paktat na bang a, mualsang tung teng leh singliim nuai tengah milim na bia kawikawi hi.

Tedim Bible Revision 2017

²⁰ “Sawt pek lai a kipanin ka hakkol kuaitanin ka ukna nong nial a, hong kihenna khau su tatin, ‘Na na ka sem kei ding hi,’ na hong ci hi. Numei paktatte na bang uh a, mual sang tung teng le sing liim nuai tengah milim na bia kawikawi uh hi.

Jeremiah 2:20 Referans Kwoze

Thu-hilhkikna 12:2

Na suankhiat ding uh minamte in amau’ pasiante’ na sepna uh mualsangte tung leh mualneute tung leh singniim nuai, mun khempeuh na susia taktak ding uh hi;

Siampi Laibu 26:13

Note in amau sila na hih loh nadingun Izipt gam panin note a hong paikhiatpih Topa na Pasian uh ka hi hi; keimah in note’ hakkolte kuaitanin note a dingtangin kong pai sak hi.

Jeremiah 17:2

A tate un singlim nuai khempeuh leh mualsangte’ tunga a biakna taute uh leh a nusian uh Asherah milimte a phawk veve uh a,

Hosea 3:3

ama kiangah, “Sau veipi sung keima zi bangin na om ding a, midang tawh na paktat nawn kei ding hi. Midang tawh na lupkhop loh mah bangin kei nangawn tawh zong i lumkhawm kei ding hi,” ka ci hi.

Jeremiah 30:8

“A vanglian Topa in kong cih-inah, tua ni ciangin amau’ ngawng panin a hakkolte uh ka kuaihtan sak ding a, a khaute ka sutat ding hi. Amaute in gamdang mite’ sal-in a om nawn kei ding uh hi.

Isaiah 1:21

A thutak khuapi, thutang tawh a kidim ngeisa, bang ci-a a paktat numei tawh kibang ta ahi hiam! Ama sungah thumanna om ngei a, ahih hangin tu-in mi thatte bek a om hi.

Nahum 1:13

Note tungah Assiria mite’ aana neihna ka beisak ta ding a, note hong khihna sikkhaute ka sutat ding hi,” ci hi.

Hosea 2:5

A nu uh a paktat hi a, tua ahih manin amaute, tua a paai numei in zumna mel thei loin a gamta ahi hi. Amah in, “Ka it pasal dangte kiangah ka pai ding hi; amaute in an leh tui, samul puan leh saihadial puan, leh oliv thau leh zu hong pia uh hi,” a ci zaw lai hi.

Ezekiel 23:5

Keima zi hi napi-in Oholah in numei paktatte mah bangin gamta lailai a, Assiria gam pan-a a lawm ngaihte lunggulh mahmah hi. Tua a lawm ngaihte pen,

Ezekiel 20:28

Amaute tungah piak dingin ka ciamna gamah amaute ka paipih hi. Amaute in mual sang ahi a, singniim khatpeuh peuh ahi zongin a muh uh ciangin tua bang mun khempeuh ah biakna pia uh hi. Meihal biakna a piakna uh leh tuiphih biakna a piaknate uh tawh kei hong hehsak uh hi.

Ezekiel 16:41

Amaute in na innte hong haltum sakin, na daantuahna, numei honpi en sak ding uh hi. Numei paktat na hihna kong khawlsak ding a, na mawhpih ding pasalte sum tawh na guaihna kong khawlsak ding hi.

Ezekiel 16:31

Kongzing citengah milim biak nading mun na bawl a, paktatna na gamta hi. Ahi zongin numei paktat dangte bangin sum a ngah zong na hi kei hi.

Ezekiel 16:28

Bang hang hiam cih leh adangte tawh lungkim zo nai lo na hih manin Assiria mite na nungdelh lai hi. Tuate tawh na paktat a, ahi zongin na lungkim zo nai sam kei hi.

Isaiah 14:25

Keimah in ka gam sungah Assiria mi ka susia ding a, ka mual tungah ka sikcip ding hi; ka mite’ tung panin Assiriate hakkol, amaute’ liangko panin Assiriate’ vangik kia khia ding hi,” a ci hi.

Isaiah 10:27

Tua ni ciangin na liangko panun ama vangikpi kinkhia ding a, ama hakkol pen na ngawng panun kilakhia ding hi; bang hang hiam cih leh na thau luatna hangin, hakkol ki sukham ding hi.”

Isaiah 9:4

Bang hang hiam cih leh Midian mite a kizawh ni-a bangin nangmah in gik a sak uh a hakkol uh, amau liangko tunga singzawl leh amaute a nengniamte in a satna ciangkhut na kuaihtan sak a, nangma mi a bawlsia minamte na zo gawp hi.

Late 78:58

Bang hang hiam cih leh amaute in amau’ munsangte tawh amah a sinso nadingin phin uh a, amau’ milim bawlte tawh ama hazat nading piangsak uh hi.

1 KUMPI MASATE 12:32

Tua ciangin Jeroboam in Judah a, om pawi tawh a kibangin a kha giatna a ni sawm-le-nga ni-in pawi khat bawl a, biakna tau tungah biaknate pia hi; tua mah bangin amah in Beth-el ah bawlin ama bawlsa bawngnote tungah biakna pia hi. Tua ciangin amah in ama bawlsa mual tunga biakna siampite Beth-el ah koih hi.

1 SAMUEL MASA 12:10

Tua ciangin Topa tungah amaute kiko uh a, ‘Kote ka khial khin uh hi; bang hang hiam cih leh Topa nusia-in Baalte leh Ashtaroth’ na ka sem uh hi; ahih hangin tu-in ka galte uh khut sung panin kote hong honkhia in, nangma’ na kong sem ding uh hi,’ a ci uh hi.

Joshua 24:26

Tua ciangin Joshua in Pasian’ thukham laibu sungah hih kammalte gelh hi; amah in suangtum lianpi khat la-in Topa’ biakinn sung tawsaw nuai-ah phut hi.

Joshua 24:24

Mite in Joshua kiangah, “Topa i Pasian’ na ka sem ding uh a, ama thu ka mang ding uh hi,” a ci uh hi.

Joshua 1:16

Amaute in Joshua dawngin, “Kote nong thupiak khempeuh ka hih ding uh a, nong sawlna peuhpeuhah ka pai ding uh hi.

Thu-hilhkikna 26:17

Tu ni-in, Topa in note’ Pasian ahihna leh note in ama lampite tawnin, ama thukhamte leh ama thupiaknate leh ama ngeina kipte zui-in, ama thu na man’ ding uh na gen khin uh hi;

Thu-hilhkikna 15:15

Izipt gamah sila na hihna leh Topa na Pasian in nang hong tatkhiatna na phawk ding hi; tua hih manin hih thu tu ni-in kong pia hi.

Thu-hilhkikna 5:27

A nai-ah va pai in la, Topa i Pasian in a gen ding khempeuh va za in; Topa i Pasian in nang tungah hong gen ding teng ko tungah hong gen in; kote in hong mangin ka sem ding uh hi,’ nong ci uh hi.

Thu-hilhkikna 4:34

Tua ahih kei leh, Topa na Pasian un Izipt gam sungah note adingin na muhna uhah a bawlte khempeuh tawh kibangin, ze-etna, lim, nalamgdang, gal, a vanglian leh a thahatna leh launa lianpi tawh pasian khat sung pan minam khat a va lak ding hanciam ngam ngei ahi hiam?

Thu-hilhkikna 4:20

Ahih hangin Topa in tu ni-a bangin sik meikhuk, Izipt panin ama neih mi dingin note hong la-in hong paikhiatpih khin hi.

Paikhiatna 24:3

Moses hong pai-in Topa’ thugente khempeuh leh biakna ngeinate khempeuh mite' kiangah gen hi; mite khempeuh in aw kikhatin dawng uh a, “Topa’ gensa thute khempeuh ka hih ding uh hi,” a ci uh hi.

Paikhiatna 19:8

Mi khempeuh in, “Topa’ gensa khempeuh ka hih ding uh hi,” ci-in dawng khawm uh hi. Moses in mite’ thugente Topa’ tungah gen hi.

Paikhiatna 3:8

Izipt mite’ khut sung panin amaute khahkhia-in, tua leitang panin amaute lakhia-in a hoih a tanzau leitang, bawngnawi leh khuaizu a luan’na leitang, Kanaan mite, Hit mite, Amor mite, Perez mite, Hiv mite leh Jebus mite’ omna-ah amaute paipih dingin kong paisuk hi.

Mangmuhna 17:1

Tua nung ciangin hai sagih a tawi vantungmite khat in hong pai-in kei kiangah, “Hih lai takah hong pai in, tui lianpi tungah tu-in a om a lian numei gilo in a thuak ding thukhenna kong musak ding hi.

1 KUMPI MASATE 14:23

Bang hang hiam cih leh amaute in amau’ adingin mualtung a biaknate, khuampite, leh mualsang tung khempeuh leh singnim nuai khempeuh ah Asherah milimte bawl uh hi;

Late 107:14

amah in, khuamial sung leh a ziing sung panin amaute lakhia a, amau a kihennate botsatkhia hi.

Jeremiah 2:31

No khangthakte aw, Topa’ kammal limtak ngai dih un. Israel mite adingin keimah in gamlak bang hi ngei ka hi hiam? A mial mahmah gam bang hi ngei ka hi hiam? Tua ahih leh bang hangin ka mite in, ‘Ko ka suakta uh hi, nang kiangah kong pai nawn kei ding uh hi,’ ci uh ahi hiam?

Jeremiah 3:13

Na mawhna na phawk ding bek kisam hi, Topa na Pasian na langpan’na, singliim nuai khempeuh-ah khualmite tawh na khialh kawikawina leh ka thu nong man’ lohnate pulak in, Topa in kong ci hi.

Jeremiah 5:5

Mi liante’a kiangah pai-in, ka va kiho ding uh hi; amaute in Topa’ lampi a thei uh a, amau’ Pasian’ deihna a thei uh hi,” ci-in ka ngaihsun hi. Ahih hangin a vekpi-in ka ukna hong nial khin uh a, ka hakkol kuaitan-in ka henna khaute a sutat khin zo uh hi.

Jeremiah 13:27

Na kihhuainate, na ang kawmna, na hukna leh gamlak mual tunga numei paktat banga milim pasian peuh na biak kawikawinate ka mu zo hi. Jerusalem aw, gimna ngah ta in! Na sian’tho nadingin bang tanvei sawt ding ahi hiam?”

Hosea 4:13

Amaute in mual sangte’ dawn-a biakna munte-ah biakna pia uh a, a nuai liim hoih ahih manin mual neute tungah a po tawsaw kung, poplar kung, leh terebinth kungte nuai-ah paknamtui halin bia uh hi. Tua thu hangin na tanute uh numei paktat suak uh a, na mote un midang tawh mawhna a bawl uh hi.

Thukhente 2:11

Tua ciangin Israel mite in Topa muhna-ah a sia gamta-in Baalte’ na sem uh hi;

Thukhente 2:13

Amaute in Topa nusia uh a, Baalte leh Asharoth pasiante bia uh hi.

Thukhente 10:6

Tua ciangin Israel mite in Topa’ muhna-ah a sia gamta kik uh a, Siria mite pasiante, Sidon mite pasiante, Moab mite pasiante, Ammon mite pasiante, leh Filistia gam mite’ pasiante ahi Baalte leh Ashtaroth’ na sem uh hi; amaute in Topa nusia-in ama’ na sem lo uh hi.

Late 2:3

“Amau’ hong hennate su-tat khia-in, amau khaute ei kiang panin paikhia ni,” ci uh hi.

Hosea 1:2

Topa in Hosea tung tawnin Israelte tungah thu a na gen cil lai-in, amah in Hosea kiangah, “Hih gam mite kei tungah citak loin pasian dangte bia uh ahih manin, nang zong hong tulpih lo ding numei paktat khat ten’pih in la, tua nu tawh ta nei in,” a ci hi.

Hosea 9:1

Israel mite aw, mi dangte bangin lungdamin kipak kei un. Na Pasian uh na nusia uh a, ama tungah na citak kei uh hi. Numei paktatte bangin mun citeng ah Baal tungah na kizuak uh a, a hong leina ante hangin na lungdam uh hi.