Jeremiah 2:18 - Tedim Bible

¹⁸ Tu-in Izipt gamah na pai manin bang phattuamna ngah ding na hi hiam? Nail guntui va dawn lel ding na hi hiam? Assiria gamah na pai manin bang phattuamna ngah ding na hi hiam? Eufrates guntui va dawn lel ding na hi hiam?

Tedim Bible Revision 2017

¹⁸ Tu-in Egypt gamah nang na pai manin bang phattuamna ngah ding na hi hiam? Nail gun tui a va dawn lel ding na hi hiam? Assiria gamah na pai manin bang phattuamna ngah ding na hi hiam? Eufratis gun tui a va dawn lel ding na hi hiam?

Jeremiah 2:18 Referans Kwoze

Joshua 13:3

(Kanaan mite gam ci-a a kiciamteh, leilu lam Ekron gamgi lam, Izipt nisuahna lam-a om Shihor gun pan; Fillitia gam Gaza, Ashdod, Ashkelon, Gath, leh Ekron gamte a uk mi nga om hi), leh Avvim gam,

Hosea 7:11

Israel in a khem nop kawl vakhu hai tawh kibang hi. Izipt-te kiangah huhna va ngen masa uh a, tua ciangin Assiria-te kiangah va tai uh hi.

Jeremiah 2:36

Bang hangin na lungsim khel ziauziau na hi hiam? Assiriate in nang hong maizumsak ngei bangin Iziptte in zong hong maizum sak ding uh hi.

Isaiah 31:1

Izipt gamah huhna ngen dingin paisuk a, sakolte suan’ in a nei, leengte a tam manin muang a, sakol tuangte a hat mahmah manin a suang, ahih hangin Israelte’ Siangtho Pa a suang lo, Topa thu a dong lote in gimna ngah ta hen!

Hosea 5:13

Israel in ama ci natna kithei a, Judah in ama liamna a muh ciangin, kumpi lianpa kiangah huh ngen dingin Assiria gamah Israel va pai hi. Ahi zongin amah in amau’ natna na damsak thei lo a, a liamna uh zong na damsak thei tuan lo hi.

Ezekiel 17:15

Ahi zongin Judah Kumpipa in amah lehdo veve a, sakol galkapte leh galkap honpite a ngen dingin Izipt gamah mi paisim sak hi. A deihna bangin tangtung ding ahi hiam? Tua banga a gamtatna tawh suakta zo ding ahi hiam? A thuciamna palsat napi-in daan thuak loin om thei ding ahi hiam?

Kah la 4:17

Huhna ngenin ka khawdakdak uh a, khawdak zo nawn lo zah dongin ka om uh hangin bangmah ka ngah kei uh hi. A hong pia zo lo ding minamte tungah huhna ka ngenngen kha uh hi.

Isaiah 7:20

Tua ni ciangin Topa in Gun gal khat pan a, a kikawm temta ahi Assiria kumpipa zangin a sam leh a khemul mettol ding a, a khamul zong metkhia ding hi.

Isaiah 23:3

Izipt gam a, piang ante lei-in na zuak uh a, minam khempeuh tawh sumbawlin na kizom uh hi.

Ezekiel 16:28

Bang hang hiam cih leh adangte tawh lungkim zo nai lo na hih manin Assiria mite na nungdelh lai hi. Tuate tawh na paktat a, ahi zongin na lungkim zo nai sam kei hi.

2 KHANG TANGTHU NIHNATE 28:16

Tua hun lai takin Kumpi Ahaz in Assiria kumpipa kiangah huhna ngen dingin sawl hi.

Jeremiah 31:22

Bang tan vei lungka ding na hi hiam? a zulhzau ka tanu aw, Bang hang hiam cih leh Topa in leitungah na thak khat ka bawl a, numei in pasal a hon zo hi.”

Kah la 5:6

Ka nuntak theih nadingun Assiria leh Izipt-te kiangah an ngen dingin ka pai uh hi.

Ezekiel 23:30

nangma tungah hih bang teng hong tungsak hi. Minam dangte tawh na paktat a, a milimte uh tawh na kininsak hi.