Jeremiah 2:16 - Tedim Bible

¹⁶ Tham loin, Memfis leh Tahpanhes mite in zong a luguh a suktap sak zo hi.

Tedim Bible Revision 2017

¹⁶ Tham loin, Memfis le Tahpanhes mite in zong a luguh a suk tapsak zo uh hi.

Jeremiah 2:16 Referans Kwoze

Jeremiah 46:14

“Izipt gam leh Migdol khua-ah va gen un; Memfis khua leh Tahpanhes khua-ah va tangko un: ‘Kigalging sa leh kithawi sa-in om un, bang hang hiam cih leh namsau-in note hong kithat khin ding hi,’ va ci un.

Jeremiah 44:1

Izipt gam Migdel khua, Tahpanhes khua, Memfis khua leh leitaw lamah a teeng Judah mite tawh kisai-in Topa in Jeremiah hopih a,

Isaiah 19:13

Zoan uliante mihai suak khin a, Memfis uliante zong hai khin uh hi: minamte a makaih ding a, kineite mah in Izipt mite lam khialhpih khin hi.

Thu-hilhkikna 33:20

Gad thu genin, “Gad a lian-in a bawlpa in thupha ngah hen! Gad in humpinelkai bangin buk a, amah in a baan, leh a luzang balkham hi.

Ezekiel 30:16

Izipt gamsung ka hal ding a, Pelusium khuapi in gimna lianpi thuak ding hi. Thebes khuapi kulh kicim ding a, tui in a khuapi tuum ding hi. Memfis in lungkham paisuak ding hi.

Ezekiel 30:13

“Milim khempeuh ka susia ding a, Memfis khuapi-a pasian man lote ka beisak ding hi. Izipt gam a uk ding om nawn lo ding a, mi khempeuh lau-in ka liingsak gawp ding hi.

Jeremiah 46:19

Sal-a hong kipaipih ciang ading na puanlomte uh, zial khol un, no Izipt gama teengte aw! Bang hang hiam cih leh Memfis khua in gamlak suak ding a, kisia-in kuamah teeng lo ding hi.

Isaiah 8:8

Judah gam dong hong nawtsuk ding a, dimlet-in pai suaksuak-in, ngawng ciang dong tum ding hi,” hong ci hi. Ahih hangin Pasian in eite hong ompih a, a kizal ama khate in i gam hong hu ding hi.

2 KUMPI NIHNATE 23:33

Tua ciangin amah in Jerusalem a uk theih loh nadingin Faro Neko in Hamath gam sung Riblah khua-ah amah kol bulh a, tua gamte ama tungah ngun talen zakhat leh kham talen khat siah kipiasak hi.

2 KUMPI NIHNATE 18:21

En un, a tungah a kingam mipa’ khut a sun ding pumpeeng kitam kung a bang lel Izipt tu-in na suang uh hi. Amah a suangte khempeuh tungah Izipt kumpipa Faro in tua bang lel ahi hi.

Jeremiah 48:45

A bah gawp galtaite in Heshbon khua hong beel uh hi. A hih hangin Sihon kumpipa a maan’na ngei Heshbon khua panin meikuang hong kipan khia veve hi. Galsim nuam mite’ teen’na Moab gam gammong dongin mualsangte zong a kangtum hi.

Hosea 9:6

Lungkhamna hun hong tungin, mite na kithehthang uh ciangin, Izipt mite in note hong saangin hong kaikhawm ding a, amau gam Memfis khuapi-ah vui ding bek na hi uh hi. Na inn na lote uh, kiak leh lopa in khuhcip lel ding hi.

Isaiah 59:13

Nangmah hong lehdo-in, nang kong nungngat uh a, nangma thu kong zui kei uh hi. Midangte nengniamin nang kong lehdo uh hi. Ka ngaihsutnate uh khial a, ka thugente uh zuau thu vive ahi hi.