Jeremiah 2:13 - Tedim Bible

¹³ Bang hang hiam cih leh ka mite in mawhna nam nih a bawl zo uh hi: nuntakna ciktui ahi keimah a hong taisan zo uh hi; tuikhuk a to tawm uh a, tuikhuk keh-in tui a vung thei kei hi.

Tedim Bible Revision 2017

¹³ Bang hang hiam cih leh ka mite in mawhna nam nih a bawl zo uh hi. Nuntakna ciktui ahi keimah a hong taisan zo uh hi. Tuikhuk to tawm uh a, a tuikhuk tawh uh keu-in, tui a vung thei kei hi.

Jeremiah 2:13 Referans Kwoze

Johan 4:14

Ahih hangin ke’n ka piak tui a dawnte in a tawntungin a dangtak nawn kei ding hi. Ke’n ka piaksa tui in tua mi sungah nuntak tawntungna tuikhukin a piang ding hi,” a ci hi.

Johan 7:37

Pawikham a tawp ni alianpen ni-in Zeisu ding a, “Mi khatpeuh in tui a duh leh, ka kiangah hong pai-in dawn ta hen.

Jeremiah 17:13

Aw Topa, Israel mite’ lametpa aw, nang a hong taisan mite a zahhuai ding uh hi. Nang a hong lehngat san mite leivui laka min gelh bangin a mang thang ding uh hi. Bang hang hiam cih leh nuntakna ciktui ahi Topa a hong taisan zo uh hi.

Mangmuhna 21:6

“Tua bangin a piang khin zo hi. Keimah in Alfa leh Omega, a kipatna leh a tawpna ka hi hi. Tuiduh mite nuntakna ciktui man nei loin ka pia ding hi.

Late 36:9

Bang hang hiam cih leh nuntakna tuinak nang tawh om a, na khuavak sungah kote in khuavak ka mu uh hi.

Mangmuhna 22:1

Tua nung ciangin vantungmi in kei kiangah kristal suangmanpha tawh kibangin tangin, Pasian leh Tuuno’ tokhom pan pusuakin, khuapi lampi laizang tawntungah a luang nuntakna gun hong lak hi.

Isaiah 55:2

An ahi lo nate’ adingin bang hangin na sum uh zang a, hong gilvah sak thei lo nate adingin bang hangin na sem na hi uh hiam? Keima thu lim takin ngai-in, a hoih nate ne un la, an limte ah nuamsa-in om un.

Mangmuhna 22:17

Kha Siangtho leh a kipi Mo in, “Hong pai in!,” ci-in a gen uh hi. A za mi in zong, “Hong pai in,” ci ta hen. A dangtak mi hong pai ta hen. A dawn nuam mi in nuntakna tui man pia loin dawn ta hen.

Jeremiah 4:22

Topa in, “Ka mite hai uh a, kei hong thei lo uh hi; naupang haite bang uh a, bangmah thei lo uh hi. Siatna bawl siam bek uh a, hoihna, bawl thei lo uh hi,” a ci hi.

Jeremiah 2:11

Gam khat in pasian ahi taktak beek lo a pasiante uh nangawn a khek ngei peuhmah uh hiam? Ahih hangin ka mite in a minthan’na uh ahi, keimah pen bangmah-a kimang lo na peuh tawh hong khek tazen uh hi.

2 PETER NIHNA 2:17

Tua mite in tui om lo-a a kang cikte ahi zongin, huih nakpi-in nunga a leeng meiite ahi uh hi. Amaute ading a mial pha mahmah khuamial a kikoih khol zo hi.

Jeremiah 2:17

Israel aw, Topa na Pasian in lampi-ah hong makaih laitakin amah na nusiat manin hih teng nang’ tungah hong tung hilo ahi hiam?

Jeremiah 1:16

Ka mite in kei hong taisan uh ahih manin a mawhna uh hangin amau’ tungah thu ka khen ding hi; pasian dangte meihal biakna a pia uh a, a khut uh tawh a bawlsa milimte a bia uh hi.

Thuhilh-sia 2:26

Pasian in amah a lungdamsakte tungah pilna, theihna, leh lungdamna pia a, ahi zongin a hehpihhuai mi mawhte ahih leh a sep bek sisakin, amau’ thalawhsa khempeuh, amah a lungdamsakte tungah piaksak hi. Hih in a mawknapi taktak, huihpi nung delh bang bek ahi hi.

Jeremiah 15:6

Nangmah in kei nong taisan zo hi, Topa in kong ci hi, kei nong nungngat niloh hi; tua ahih manin ka khut kong zan-a kong susia hi—ka hehna ka ki-ipip zo nawn kei hi.

Isaiah 63:8

Bang hang hiam cih leh Topa in, “Amaute pen keima mi taktak hi a, amaute in kei hong khem lo ding hi,” ci hi. Tua ahih manin a lungkhamna panun amaute a honkhia suak hi.

Isaiah 5:13

Tua ahih ciangin thu theihlohna hangin ka mite sal suak uh hi; amau’ mi liante gilkialin si dek uh a, a mihonte uh dangtakin keu uh hi.

Isaiah 1:3

Bawng in amah a neipa thei a, la in ama topa’ an piakna mun thei buang hi; ahih hangin Israel in thei lo hi, keima mite in thei-thei lo hi,”

Thuhilh-sia 2:11

Tua ciangin ka sepsa na khempeuh, leh tua banga haksapi-a ka sepnate ka ngaihsut kik ciangin, na khempeuh a mawknapi ahihna leh leitungah bangmah phattuamna a omlohna ka phawk hi.

Thuhilh-sia 1:2

Thugen Siampa in hih bangin ci hi: A mawknapi, a mawknapi, na khempeuh a mawknapi,

1 SAMUEL MASA 12:10

Tua ciangin Topa tungah amaute kiko uh a, ‘Kote ka khial khin uh hi; bang hang hiam cih leh Topa nusia-in Baalte leh Ashtaroth’ na ka sem uh hi; ahih hangin tu-in ka galte uh khut sung panin kote hong honkhia in, nangma’ na kong sem ding uh hi,’ a ci uh hi.

Jeremiah 5:31

Kamsangte in thuman gen lo uh a, siampite in amau’ ut bangun a uk uh hi; ka mite in phamawh a sa kei sawnsawn uh hi, a tawpna hun hong tun’ ciangin bang na cih ding uh hiam?

Thuhilh-sia 4:4

Mi khat leh khat, hauh nop man-a kidemna hangin nakpi-a na kisem ahihna ka mu hi. Hih zong a mawknapi hi a, huihpi nung delh mah tawh kibang bek hi.

Jeremiah 2:26

“Guta khat a kimat cianga a zum bangin, Israel mite, a kumpite uh, uliante, a siampite uh leh a kamsangte uh zong a zum ding uh hi.

Thuhilh-sia 2:21

Pilna, siamna, theihna siit loin na kisem a, themkhat zong a gimpih het lo mi khat’ adingin nusiat ding hi zenzen hi. Hih thu in a man het lo, a mawknapi taktak ahi hi.

Thuhilh-sia 1:14

Leitungah a kisem khempeuh ka mu khin a, tuate khempeuh a mawknapi na hi a, huihpi nungdelh tawh kibang hi.

Thukhente 10:13

Tua hi napi-in note in kei hong nusia-in pasian dangte’ na na sem uh hi; tua ahih ciangin note kong honkhia nawn kei ding hi.

Micah 6:3

Topa in hih bangin thu sung a, “Ka mite aw, note bang hong cih kha ka hi hiam? Bang thu-ah note hong lunggimsak ka hi hiam? Tu-in hong dawng dih un!

Micah 2:8

Ahi zongin Topa in hih bangin hong ci hi: Note in ka mite’ gal na suak uh a, gal sung panin a hong ciahkik, lungmuanga a om mite’ puantualpi ngahte na sut uh hi.

Jeremiah 18:14

Lebanon mualtung vuk in nusia ngei ahi hiam? Mualtung pan-a hong luang a vot kilkel luite kang ngei ahi hiam?

Jeremiah 5:26

Ka mite lakah mi gilote kihel uh a, vasa thang siah bangin mite thang siah-in man uh hi.

Thuhilh-sia 12:8

Thugen Siampa in, “A kiman’na a om lo, a mawknapi, na khempeuh a mawknapi ahi hi,” a ci hi.

Johan 4:10

Zeisu in, “Pasian’ hehpihna leh ‘Dawn ding tui hong pia in,’ ci-a hong ngenpa kua mi ahih thei le-cin ama kiangah tui na ngen ding a, amah in nuntakna tui a hong pia ding hi,” a ci hi.

Johan 4:11

Numei in, “Topa aw, nangmah in tui dip nading na nei kei hi. Tuikhuk lah a thuk hi. Tua nuntakna tui bangci ngah ding na hi hiam?

Thu-hilhkikna 31:16

Tua ciangin Topa in Moses kiangah, “En in, na pu na pate kiang a zuan ding na hi ta hi; nang’ om nawn loh ciangin hih mite in a paina uh mite lakah a gam sung pasiante tawh paktat ding uh a, amaute in kei hong nusia in amaute tawh ka bawl ka thuciamna uh siasak ding uh hi.

Isaiah 12:3

Tui siangtho in a dangtakte a lungdamsak mah bangin, Pasian’ hotkhiatna tuikhuk in a mite lungdamsak ding hi.

Jeremiah 14:3

Uliante in a nasemte uh tui tawi dingin sawl uh a, tuikhuk a zuat uh leh tui na om lo hi. A beel hawm uh tawh hong kilehkik uh a, lungkhamin cih nading thei loin a lu uh puan a khuh uh hi.

Jeremiah 19:4

Bang hang hiam cih leh hih mite in kei hong taisan khin zo uh a, amaute-a kipanin a pu a pate uh leh Judah kumpite’ theih ngei loh pasian dangte’ kiangah paknamtui a hal uh a, hih mun a ninsak uh hi. Hih mun mawhna nei lo mite thahna sisan tawh a dimsak uh a,

Ezekiel 47:1

Tua ciangin biakinn lutna kongkhak-ah hong paipih kik hi. Biakinn kongkhak sangkil nuai panin tui luang a, biakinn ngatna nisuahna lamah luang sukin, biaknatau leitaw lam pang tawnsuk hi.

Zekhariah 13:1

Tua ni hong tun’ ciangin David’ suan-le-khakte leh Jerusalem khuamite’ mawhna leh nitna teng khempeuh a silsiang dingin tuinak khat hong kihong ding hi.

2 KUMPI NIHNATE 22:17

Bang hang hiam cih leh amaute in kei hong nusia-in pasian dangte tungah paknamtui hal uh a, amau’ khut tawh a bawl milimte tawh kei hong hehsak uh ahih manin hih mun tungah ka hehna kitawhkuang ding a, kimitsak lo ding hi.

Isaiah 1:4

Ah, a khial minam, mawhna tawh a gik mite, siatna a bawlte’ suan leh khakte, a gamtatsia tapate! Amaute in Topa nusia khin uh a, amaute in Israelte’ Siangtho Pa simmawh khin uh hi; amaute in amah nungngat uh hi.

Ezekiel 14:5

Tua milimte in keima kiang panin Israel mite pai khiatpih uh a, ahi zongin tua bangin ka dawn’na tawh kei lamah ka mite ngahkik dingin ka kilamen hi.