Jeremiah 2:11 - Tedim Bible

¹¹ Gam khat in pasian ahi taktak beek lo a pasiante uh nangawn a khek ngei peuhmah uh hiam? Ahih hangin ka mite in a minthan’na uh ahi, keimah pen bangmah-a kimang lo na peuh tawh hong khek tazen uh hi.

Tedim Bible Revision 2017

¹¹ Gam khat peuhpeuh in pasian ahi taktak beek lo a pasian-te uh nangawn a khek ngei peuhmah uh hiam? Ahih hangin ka mite in a minthanna uh ahi keimah, bangmahin a kimang lo na peuh tawh hong khek tazen uh hi.

Jeremiah 2:11 Referans Kwoze

ROM (Romans) 1:23

kisia thei lo Pasian’ vangliatna in a sia thei mite ahi zongin, vasate ahi zongin, khe li nei ganhingte ahi zongin, bawkbak a, paite ahi zongin, tuate a milim tawh a kheek uh hi.

Isaiah 37:19

amaute’ pasiante pen meikhuk sungah paihsakin susia khin hi; bang hang hiam cih leh tuate pen pasian hi loin, mite’ khut tawh a kibawl sing leh suangte ahi hi; tua ahih ciangin tuate kisusia hi.

Jeremiah 16:20

Mi in ama’ pasian ding bawltawm thei ahi hiam? Tuate pasian hi lo hi!” a ci ding uh hi.

Late 106:20

Amaute in Pasian’ minthan’na pen, lopa a ne bawngtal lim tawh kheekna uh hi.

Micah 4:5

Bang hang hiam cih leh mi khempeuh in, amau’ pasian ciat bia-in a thu mang ding uh a, ahi zongin eite in i hih leh i Topa Pasian a tawntungin bia-in a thu i mang ding hi.

1 KORIN MASA 8:4

Milim biakna sa nekna pan ahih leh, leitungah milim in a mawkna taktak hi a, Pasian khat bek longal Pasian dang a om kei hi cih i thei hi;

Jeremiah 2:8

Siampite in, ‘Topa koi-ah a om hiam?’ ci-in dong lo uh hi. Thukham theite nangawn in kei hong thei lo uh hi. Kumpi uliante kei’ tungah hong khial khin uh a, kamsangte in Baal min tawh thu genin, kiman’na nei lo nate’ nung a zui uh hi.

Jeremiah 2:5

Topa in hih bangin ci hi: “Na pute na pate un kei kiang panin gamlapi paikhia-in, bangmah-a kimang lo milim peuh bia-in, amau mahmah zong bang mah-a kimang lo a suah khit nadingun kei’ tungah bang mawhna mu uh ahi hiam?

Late 115:4

Amaute’ milimte pen ngun leh kham hi a, mihingte’ khut tawh kibawl ahi hi.

Late 3:3

Ahih hangin, Topa aw, nangmah in ka kidalna lum, ka minthan’na leh ka lu hong phongpa na hi hi.

Thu-hilhkikna 33:29

Israel aw, mi nuamsa na hi hi. Nang hong kihuhna lum, leh na gualzawhna namsau ahi Topa in nang banga, a hotkhiat mi kua om ahi hiam? Na galte in hong mai-etin na kiangah hong pai ding uh a, amau’ pumpi na tuancil ding hi,” a ci hi.

1 PETER MASA 1:18

Na pute na pate’ ngeina uh ahi mawkna gamtatna pan kham leh ngun-a kipan a kisia thei sum tawh note hong tankhia ahi kei hi;

Galati 4:8

Ahih hangin note in tua hun lai takin Pasian na theih loh lai takun a pian’ lim in Pasian ahi lo mite’ sila-in na om uh hi.

1 SAMUEL MASA 4:21

Tua ciangin amah in, “Israelte sung panin minthan’na paikhia khin ta!” ci-in a naungek Ikhabod phuak hi; bang hang hiam cih leh Pasian’ thuciamna singkuang a kimat hang leh a teekpa leh a pasal’ hang ahi hi.

2 KHANG TANGTHU NIHNATE 13:9

Note in Aaron’ suan, Topa’ siampite, leh Levi mite hawlkhia-in, gamdang mite bangin note’ adingin siampite bawl khin hilo na hi uh hiam? Bawngtalno khat tawh ahi a, tuutal sagih tawh ahi zongin a ki-ap dingin a hong pai peuhpeuh, pasian a hilote’ siampi suak pahpah hi.

Jeremiah 5:7

“Na mawhna uh hong koici maisak ding ka hi hiam? Na tate un kei hong nusia zo uh a, pasian ahi lopi peuh tawh kiciam zo uh hi. Amaute a gilvah dong uh an ka vak khit ciangin, ang kawmin numei paktatte’ innah a hon om uh hi.

Jeremiah 18:13

“Tua ahih manin Topa in kong cih-inah: Minam dangte lakah, hih bang thu a kiza ngei hiam, dong dih un. Ka mituam Israel in a mulkimhuai na khat a hih zo hi.

Ezekiel 5:7

Jerusalem aw, tu-in Topa Pasian ahi keima thugente ngai in. Ka thukhamte zui loin, ka thupiakte ngai lo na hih manin na kiim-a om minam dangte sangin siatna tamzaw na piangsak hi. Minam dangte’ gamtat ngeinate na zui hi.

Ezekiel 14:5

Tua milimte in keima kiang panin Israel mite pai khiatpih uh a, ahi zongin tua bangin ka dawn’na tawh kei lamah ka mite ngahkik dingin ka kilamen hi.

Thu-hilhkikna 32:16

Amaute in pasian dangte tawh ama hazat theih nadingin gamta uh a, a kihhuai gamtatnate tawh amaute in amah hehsak uh hi.

Thu-hilhkikna 32:21

Amaute in pasian a hilote tawh ka hazat nading hong bawl uh a, a milimte uh tawh kei hong hehsak uh hi. Tua ahih ciangin mi-a gentaak lote tawh amaute’ hazat theih nading ka bawl ding hi. A hai minam khat tawh amaute ka hehsak ding hi.

1 KUMPI MASATE 11:33

bang hang hiam cih leh amah in kei hong nusia a, Sidon mite’ nusian Ashtoreth, Moab pasian Khemosh, leh Ammon mite pasian Milkom bia-in, a pa David bangin keima muhna ah a manin gamtatna leh ka thukhamte leh ka ngeina kipte zuihna tawh ka lampite tawn lo hi.

2 KUMPI NIHNATE 1:3

Ahih hangin Topa’ vantungmi in Tishbe mi Elijah kiangah, “Ding in, Samaria kumpipa’ kamtaite dawn dingin paito in la, amaute kiangah, ‘Ekron pasian, Baalzebub kiangah thu dong dingin na pai nadingin Israel sungah Pasian om nawn lo ahi hiam?’ ci in.