Jeremiah 19:7 - Tedim Bible

⁷ Hih munah Judah mite leh Jerusalem mite’ ngimna ka tangtung sak kei ding a, a galte’ namsau leh a that nuamte’ khutlum-in amaute ka sisak ding hi. Amau’ si luangte huih laka leng vasate leh lei lak a ganhingte’ an dingin ka pia ding hi.

Tedim Bible Revision 2017

⁷ Hih munah Judah mite le Jerusalem miteʼ ngimna ka tangtungsak kei dinga, a galte uhʼ namsau le a that nuamteʼ khutlumin amaute ka sisak ding hi. Amauʼ luanghawmte huihlak a leeng vasate le leilak ganhingteʼ an dingin ka pia ding hi.

Jeremiah 19:7 Referans Kwoze

Siampi Laibu 26:17

Keimah in note kong maisiat ding a, na galte uh mai-ah, lelhna na thuak ding uh hi; note hong mudah mite in note hong uk ding a, kuamah in note hong delh lo napi-in na tai ding uh hi.

Jeremiah 16:4

Natna lian tawh si ding uh a, kuamah in kah loin kuamah in lah a vui kei ding uh hi. Lei laka ek kitha bang ahi lel ding uh hi. Namsau kial tawh a si ding uh a, a siluangte uh huih laka leeng vasate leh lei laka ganhingte in a ne ding uh hi.

Jeremiah 34:20

A galte’ khut sungah amaute ka pia ding a, a that nuam mite’ khut sungah ka pia ding hi. A siluangte uh van-a vasate leh leitunga gam sate’ an a suak ding uh hi.

Jeremiah 15:9

Ta sagih a nei nupi nu khakham vei-in, a sibup hi. Sun kimlai hi napi ama adingin khuamial bang a, maizumna leh mindaina a thuak hi. No a nungta lai teng na galte un namsau-a a hong satlup dingun kong pia ding hi, Topa in kong ci hi.”

Jeremiah 15:2

Amaute in, “Koi-ah ding ka hi uh hiam?” ci-a hong dot uh leh hih bangin gen kik in: ‘Topa in, “Pulnatna tawh a si dingte a si ding uh a, namsau tawh a si dingte a si ding uh hi; kial tawh a puksi dingte a puk si ding uh a, sal-a kikai dingte zong a kikai ding uh hi,” a ci hi,’ va ci in.

Jeremiah 7:33

Misiluangte huih laka leeng vasate leh leitunga om ganhingte’ an suak ding uh a, tuate a delhmang ding kuamah om lo ding hi.

ROM (Romans) 4:14

Thukham tawh kipawlte bek in gamh a luah uh leh, upna thu a siasak a, kiciamna zong a mawkna ahi hi.

ROM (Romans) 3:31

Tua ahih leh, upna hangin eite in thukham paaikhia i hi hiam? Tua bang hi lo hi. Thukham i kip sak hi.

Kah la 3:37

Topa deihna bang bekin na khempeuh a piang hi.

Jeremiah 46:26

Amaute a that nuam Babilon kumpipa Nebukhadnezzar leh a uliante’ khut sungah amaute ka pia ding hi. Tua khit ciangin Topa in kong cih-inah, nidang lai bangin Izipt gamah mi a teeng kik ding hi.

Jeremiah 22:25

na kihtak, nang hong that nuamte’ khut sungah kong pia ding hi. Babilon kumpipa Nebukhadnezzar leh Khaldea mite’ khut sungah nang kong pia ding hi.

Jeremiah 22:19

La si kivui bang lelin amah a kivui ding a, Jerusalem kongpi pua lamah kikai tal-in kipaai ding hi.

Jeremiah 18:21

Tua ahih manin a tate uh kial tawh puksi sak in la, amaute namsau-in si sak in. A zite uh tasel sak in la, meigong suaksak in. A pasalte uh pulnatna tawh si sak in la, a tangvalte uh gal sungah namsau tawh kithatlumsak in.

Jeremiah 8:2

amaute in a it uh, a na a sepsak uh, a delh uh, a zon’ uh leh a biak uh ahi ni leh kha leh van-a om nate khempeuh’ mai-ah a kipho khia ding hi. Tua guhte kikhawm nawn loin a kiphum nawn kei ding a, lei laka ek kinusia bang ahi lel ding hi.

Isaiah 8:10

Thu na vaihawm khawm uh hangin a mawkna suak ding hi; thu khat peuhpeuh na gen uh hangin kip lo ding hi; bang hang hiam cih leh kote tawh Pasian omkhawm hi.

Paunak 21:30

Pilna, theihna, thugennate in, Topa’ mai-ah bangmah man lo hi.

Jeremiah 8:8

“Bangci bangin note in, ‘Ko ka pil uh a, Topa’ thukham ka nei uh hi,’ ci thei ding na hi uh hiam? En un, thuman lo laitheite in tua thukham zuauthu a suah uh hi.

Jeremiah 8:9

Na mipilte uh a maizum ding uh hi; lungmang-in a cih nading a thei kei ding uh hi. En un, amaute in Topa’ thu a nial uh hi, bang pilna a nei nawn uh hiam?

Jeremiah 32:28

Tua ahih manin, Topa in kong cih-inah: En in, hih khuapi Khaldea mite’ khut sung leh Babilon kumpipa Nebukhadnezzar’ khut sungah ka pia ding a, amah in a la ding hi.

Siampi Laibu 26:25

Keimah in thuciamna omsa bangin phulakna na a sem ding namsau khat note tungah kong tung sak ding hi; na khuapi sung uhah note na kikhaihkhop uh leh zong keimah in note’ lakah natna kong tung sak ding a, galte khut sungah note hong kipia ding hi.

1 SAMUEL MASA 17:46

Tu ni-in Topa in ka khut sungah nang hong pia ding a, keimah in nang hong sattukin na lu ka tankhia ding hi; tua ciangin tu ni-in huih lak vasate leh leitung ganhingte tungah Filistia mi a site’ luanghawmte ka pia ding hi; Israelte sungah Pasian khat a om lam leitung mi khempeuh in a theih nading,

2 KUMPI NIHNATE 21:14

Tua ciangin keimah in ka gamh a om laite paai khia-in amau’ galte’ tungah ka pia ding a, amaute in a galte’ adingin a mat ding mi leh vankiate suak ding uh hi;

Isaiah 29:14

tua ahih ciangin en un, hih mite tungah a tumdang leh a lamdang ahi a lamdang nate ka bawlkik ding hi; amau’ mipilte’ pilna kisia ding a, amau’ thu mutel theite’ thu muhtel theihna kiseel ding hi,” a ci hi.

Jeremiah 21:7

Tua khit ciangin, Topa in kong cih-inah, Judah kumpipa Zedekiah leh a nasemte leh, pulnatna, namsau leh kial-a si lo a nungta lai teng pen, amaute a that nuam Babilon kumpipa Nebukhadnezzar leh a galte uh’ khut sungah ka pia ding hi. Amah in amaute namsau tawh a that ding a, hehpih loin, zong a siit kei ding a, itna lungsim a nei kei ding hi,’ va ci un,” a ci hi.