Jeremiah 19:5 - Tedim Bible

⁵ ka thupiak, ka sawl lah a hi lo, ka ngaihsut khak beek zong a hi lo, a tate uh meihal biakna tawh Baal biak nadingin Baal biakna tausangte a lam khin zo uh hi.

Tedim Bible Revision 2017

⁵ ka thupiak ahi lo, ka ngaihsut khak beek zong ahi lo, a tate uh meihal biakna tawh Baal biak nadingin Baal biakna tausangte a lam khinzo uh hi.

Jeremiah 19:5 Referans Kwoze

Jeremiah 32:35

En-Hinnom Mualkuam-ah a tapate leh a tanute uh meihal biakna tawh Molek pasian a biak nadingun Baal biakna tau sangte a bawl uh hi. Hih a kihhuai na semin, Judah mite mawhna a bawl sak nadingun amaute ka sawl kei a, zong ka ngaihsun kha ngei beek kei hi.

Thu-hilhkikna 12:31

Topa na Pasian uh tungah tua bangin na hih kei ding uh hi; bang hang hiam cih leh Topa in a muhdah a kihhuai nam khempeuh amaute in a pasiante uh adingin hih uh hi; a pasiante uh adingin a tapate leh a tanute nangawn uh mei sungah hal uh hi.

Siampi Laibu 18:21

Nangmah in Molek tungah mei halna tawh biakpiak nadingin na tate khatpeuh peuh napia kei ding a, tua bangin Pasian’ min na daisak kei ding hi; keimah in Topa ka hi hi.

2 KUMPI NIHNATE 17:17

Amaute in biakna-in a tanute uh leh a tapate uh halin vankahna leh aisanna zang uh a, Topa muhna ah a sia gamta dingin amau kizuak tawmin amah hehsak uh hi.

Daniel 2:29

Kumpipa na ihmut lai takin mai lama hong piang ding mang khat na man’ a, thu thukpi a lakkhia Pasian in a piang ding thu a hong lakkhol zo hi.

Ezekiel 38:10

“Topa Pasian ahi keimah in nang Gog tungah kong gen in ah: Tua hun ding hong tun’ ciangin na lungsim sungah gitloh gamtat ding ngaihsut na kipan ding hi.

Ezekiel 20:26

Amaute’ biak piaknate mah tawh amau mah kinin sakin, a tapa upapente uh zong biakna-in ka pia sak hi. Hih banga ka hihna pen amaute daan piakna leh keimah in Topa ka hihna thu a theih nading uh ahi hi.

2 KHANG TANGTHU NIHNATE 28:3

tua ciangin amah in Hinnom’ tapa’ kuamah paknamtui hal a, Topa in Israel mite mai-ah a hawlkhiat minamte in a zat uh a kihhuai gamtatnate mah bangin biakna ah a tapate hal hi.

Gamlak-vakna 22:41

A zing ciangin Balak in Balaam samin Bamoth-baal munah paipih to hi; tua lai panin amah in Israel mi a madawk pente gal muh thei hi.

Ezekiel 16:36

Topa Pasian in hih bangin ci hi: Nang in na puante suahkhia-in, numei paktat bangin na pumpi na lunggulh mite leh na milimte tungah kipia-in, milim biakna-in na tate that na hih manin,

2 KUMPI NIHNATE 21:6

Tua ciangin amah in biakna-in a tapa hal a, aisanna leh mai lam thugen kholhnate semin, vankahtheite leh aisante tawh nasem hi. Amah in Topa’ muhna ah a sia tampi gamta a, Amah hehsak hi.