Jeremiah 19:13 - Tedim Bible

¹³ Jerusalem khua-a innte leh Judah kumpite’ innte—inn khum tung pan vantunga aksite khempeuh tungah paknamtui hal biakna kipiakna innte leh pasian dangte tunga dawn ding biakna a kibuakna innte khempeuh a vek-in Tofeth mun bangin a nin a suak ding hi, a ci hi,’ va ci in,” hong ci hi.

Tedim Bible Revision 2017

¹³ Jerusalem khua-a innte le Judah kumpiteʼ innte a kipan, innkhum zang ah vantung a aksite khempeuh tungah paknamtui hal biakna a kipiakna innte le pasian dangte tungah dawn ding biakna a kibuakna innte khempeuh a vekin Tofeth mun bangin a nin a suak ding hi, ci hi, va ci in,” hong ci hi.

Jeremiah 19:13 Referans Kwoze

Jeremiah 32:29

Hih khuapi a sim Khaldea mite hong pai-in khuapi mei tawh a hal ding uh a, ka heh nading-a inn khum tunga Baal milimte paknamtui halna tawh a biakna innte uh leh pasian dangte’ kianga tuidawn biakna a piakna uh innte zong a haltum ding uh hi.

2 KUMPI NIHNATE 23:12

Tua ciangin Judah kumpite in a bawlsa ahi Ahaz’ inndei tungnung khumzang a, om biakna taute, leh Topa’ inn tual nihte’ sungah Manasseh in a bawlsa biakna taute, amah in phelin satnen a, tua a vuite Kidron lui-ah paai hi.

Zefaniah 1:5

Innkhumzang ah kahto-in, ni, kha leh aksi a bia mi khempeuh ka susia ding a, keimah hong bia-in, keima tungah thuman ding gen napi-in, Milkom pasian’ min tawh a kiciam teiteite zong, ka susia ding hi.

Jeremiah 7:18

Naupangte in sing tom-in, a pate un mei a tawh uh a, nupite in a nusian uh vantung kumpinu’ ading tangho a su uh a, kei hong hehsak nadingun, pasian dangte’ dawn dingin biakna a pia tazen uh hi.

Thu-hilhkikna 4:19

Note in na mit uh tawh vantung lam en to-in, ni leh kha leh aksite, vantung na khempeuh na muh uh ciangin, vantung nuai khempeuh a, mite tungah Topa na Pasian un a piak nate lamah kihei-in tuate bia-in a na na sep khak ding uh kidawm un.

Jeremiah 44:18

Ahih hangin vantung kumpinu kiangah paknamtui halna leh tuidawn biakna ka hih nawn loh uh-a kipan bangmah ka nei nawn kei uh a, namsau leh kial in hong thatlum zawsop hi,” a ci uh hi.

Late 79:1

Pasian aw, nangma luahna gam sungah dawi biate hong pai uh hi; amaute in nangma biakinn siangtho nin sak uh hi; amaute in Jerusalem siasak khin uh hi.

Late 74:7

Amaute in nangma biakinn mei tawh hal uh a, nangmah hong kibiakna mun susia uh hi.

2 KUMPI NIHNATE 23:10

Tua ciangin amah in kuamah in Molek tungah a tanu ahi a, a tapa ahi zongin biakna-in a hal theih nawn loh nadingin Hinnom Kuam sunga om Tofeth susia hi.

Sawltak 7:42

Pasian’ kamsangte’ laibu sungah: ‘Israel mipawlte aw, note in ganhingte gawhna tawh, biakna-in Gampalakah kum sawmli tawntung kei hong bia na hi uh hiam?

Ezekiel 20:28

Amaute tungah piak dingin ka ciamna gamah amaute ka paipih hi. Amaute in mual sang ahi a, singniim khatpeuh peuh ahi zongin a muh uh ciangin tua bang mun khempeuh ah biakna pia uh hi. Meihal biakna a piakna uh leh tuiphih biakna a piaknate uh tawh kei hong hehsak uh hi.

Jeremiah 52:13

Amah in Topa’ biakinnpi akipan kumpipa’ inn leh Jerusalem khua-a inn lian khempeuh a hal hi.

2 KUMPI NIHNATE 23:14

Tua ciangin amah in a khuampite satkhamin, Asherah milimte phuk a, mihing guh tawh a dim tua munte a vuk hi.

Sawltak 10:9

A zingsang ciangin amau lam pai-in Joppa khua-ah a naih lai takun, nai sawm leh nai nih ciangin Piter in thungen dingin innkhum tungah a kahto hi.

2 KUMPI NIHNATE 17:16

Amaute in Topa a Pasian uh thupiakte khempeuh nusia-in amau’ adingin a kisung bawngno nih lim bawl uh hi; amaute in Asherah milim khat bawl uh a, vantung a, om nate khempeuh bia-in Baal’ na sem uh hi.

Jeremiah 8:2

amaute in a it uh, a na a sepsak uh, a delh uh, a zon’ uh leh a biak uh ahi ni leh kha leh van-a om nate khempeuh’ mai-ah a kipho khia ding hi. Tua guhte kikhawm nawn loin a kiphum nawn kei ding a, lei laka ek kinusia bang ahi lel ding hi.

Jeremiah 19:12

Topa in kong cih-inah, hih mun leh hih mun-a teeng mite tungah tu-a bangin ka hih ding a, hih khuapi Tofeth ka bang sak ding hi.

Isaiah 22:1

Kuam sunga mangmuhna tawh kisai thu: Kikona tawh a kidim, a gamlum khuapi, lungdam a, a diang khua aw, note khempeuh, innkhum zangah na kahtoh uh bang na cihnopna uh ahi hiam? A kithat nangma mite pen namsau tawh kithat lo a, galsunga si hi lo uh hi.